حاجه محيرانى ؟؟

[Bianka]

السلام عليكم ورحمه الله وبركاته

هو انا هنا عضوه جديده بس والله استفدت كتيير من المنتدى ده وخبرات اللى اكبر مننا جزاهم الله خيرا
وانا فيه حاجه محيرانى وعايز اسئلكم فيهااا

انا ف 2 ثانووى السنادى تمام وبخد درس كيمياا مع مستر كان فيه واحده صحبتى ماشاء الله هى دلوقتى ف صيدله وكانت بتاخد معاه وقفلت فجربته وكده ف الباب الاول حسيت انى مش فاهمه اوووى وساعات مش بفهم خاالص لانه بيكتب وهو بشرح ومش بفهم بالطريقه دى يعنى مش هعرف اركز ف الكتابه ولا الشرح بتاعه المهم سالتها وكده قالتى هو ف الاول مش هتفهمى احنا كنا بنسئله كتيير اووى على اللى مش فاهمينوو وكده ونسئل كتير وكده وانا عارفه ان ده الصح بس بصراحه بكسف اقوله مش فاهمه خصوصا بقى لو قلت كده على كل جزء يشرحه عارفه ده مش صح بس مش عارفه اعمل اييه ؟؟؟
وقالتلى بردو اصحابها سابووا وقعدوا شهر من غير مايخدوا معاها وجربوا وكده وف الاخر رجعولوا ووان مفيش مدرس كيمياء حلوو وكده اووى
المهم بقى انا فيه صحابى قدى بياخددوا مع واحد تانى كيميا بس مرتين ف الاسبووع وانا باخد مره وانا بصراحه عايزه اجربه علشان اشووف العيب منى ولا المدرس ولا المنهج ولا اييه بالضبط
السوال بقى
هو طبيعى ان مش تفهم من مدرس الكيميا من اول مره يشرح يعنى لازم يعييد ويزيد وان صحبتى دى هى اللى ما شاء الله شاطره ومجتهده ولا اييه مش عارفه ساعدونى يا جماعه انا هشووف التانى واحكم بس انا محتره بجد ممكن تساعدونى وجزاكم الله خيرا

[المتفائله...]

اقولك على حاجة حلوة
اقرائى الدرس قبل ماتخديه هتلقى نفسك فهمتيه من شرح الاستاذ
ودى اسهل حاجة انك تاخدى فكرة عن الدرس قبل الشرح
جربى وردى عليا
ربنا يوفقك

[Bianka]

حاضر هجرب من عنيا بس بس كده بقى هو كويس ولا العيب منى انا ولا اجرب حد تانى يعنى اشوفه هو واحد تتانى مش هسيبه الا اكوون خلاص على ثقه

[أنين الأنين]

ايه رأيك تجربى الاتنين فى فترة قليلة علشان متضيعيش وقت وتخدى قرارك بنفسك وعلى قناعة

[Bianka]

والله فعلا بفكر اعمل كده بس هو عادى لو مفهمتش من اوول مره بس احنا خلصنا الباب الاول وحساه يعنى مش اووى وهى قالتلى ممكن تبقى كده لدرجه انك هتسبيه هو ده يعنى طبيعى معلش اثقلت عليكم بس مش عارفه العيب فيين علشان اظبطه

[أنين الأنين]

المشاركة الأصلية كتبت بواسطة bianka

والله فعلا بفكر اعمل كده بس هو عادى لو مفهمتش من اوول مره بس احنا خلصنا الباب الاول وحساه يعنى مش اووى وهى قالتلى ممكن تبقى كده لدرجه انك هتسبيه هو ده يعنى طبيعى معلش اثقلت عليكم بس مش عارفه العيب فيين علشان اظبطه

بصى هو انا فعلا اتعرضت للموقف ده بس الكيميا سهلة ممكن بس فى الأول وبعد كده هتتأقلمى مع اسلوب المستر
فانتى زى ما قولنالك ذاكرى كويس وشوفى وافضل كمان انك تجربى المستر التانى فى فترة قليلة
علشان قناعتك النفسيه ومتفضليش محتاره
لو لقيتيه أفضل وسمعته كويسه يبقى تمام
ولو العكس خلاص كملى مع المستر الاول بس حصة واحده او اتنين مش كفايه
واستخيرى ربنا وتوكلى عليه وربنا يوفقك دايما
اهم حاجه متقلقيش كل الطرق واحده بس المهم الراحه النفسية
وربنا يوفقك

[المتفائله...]

عادى خالص
تلقاكى ذكرتيه مره وحدة بس ذكريه مره واتنين وتلاتة لحد متفهميه
اتفقنا يا جميل وتقوليش بتكسف لما بسال المدرسين ده خطا كبير يعنى احسن تسالى مرتين ولا تخطئى مرة واحدة
على فكرة الاستاذ بيفرح بالطالب اللى بيسأل حتى ولو كان على وشه الغضب
وانتى ماتقلتيش ولا حاجة اسئلى واحنا هنا كلنا اخواتك
بالتوفيق

[shimaa swelam]

عادي انك متفهميش من الاستاذ اول مرة فجربي التاني وقرري...

[EZEL coming]

كل انسان بيختلف عن التانى ممكن انا افهم من استاذ وانتى متفهميش منوا مع ان هو نفس الاستاذ تمام فاشوفى المدرس التانى جربى هاتفهمى ولا لا