يــــــــــلا جـــــــــــامعـــــــــــه :)

[أنين الأنين]

يااااه كبرتوا وبقيتوا فى الجامعة ماشاء الله لا قوة إلا بالله
أكيد نظرتنا للثانوية العامه اختلفت كتيير _الله يرحم أيامها ومناهجها الجميلة اللى مكنتش عجبانا_
عن نفسى أول يوم كان ممل للغايه قعدونا طول النهار علشان فى الاخر يقولولنا مبارك عليكم الكلية وشدوا حيلكم..... إلى اخره
بس أكتر ما كان يميز الايام الاولى هى ان المواصلات كانت صعبة جداا لدرجه اننا كنا بنقف نضحك على نفسنا فى الشارع من شدة التعب
وطبعا لاننا لسه جداد الدكاتره بيشرحوا واحنا مش فاهمين أى حاجه ونقعد نكتب وراهم كل حاجه رغم اننا مش عارفين هما بيكتبوا ايه وطبعا الانجليزى بتاعنا غير الدكاتره خالص
ينطقوا الكلمات بطريقه غريبه ولما يكتبوها بنلاقيها كلمه عاديه جدا
أكيد هنقابل مواقف كتييييير بس فعلا الكليات دى عذاب من أجل التهذيب والاصلااح والتعلم
مبااااااارك عليكم ولونها متأخرة جدا
ربنا يوفقنا ويرزقنا الإخلاص فى النية والقول والعمل
سلام عليكم