استفسار:اول يوم دراسي بطب قصر العيني

[نبيل العيسوي]

السلام عليكم

انا من دمياط وحابب استفسر اول يوم هيكون السبت ولا الاحد؟

طبعا انتوا عارفين ان مفيش مدينة اول اسبوع وانا مضطر اني ما احضرش اول اسبوع وانا مضايق من الموضوع ده ومجتاج نصايحكوا، لكن هحاول اروح اول يوم باذن الله بس تقولولي اليوم والميعاد اللي اروح فيه لو سمحتوا.

[Ameen333]

د/نبيل اولا مرحبا بيك في قصر العيني (متعه التعليم الطبي)
انا اخوك ايمن الفرقه الرابعه قصر العيني
بعد ازنك انصحك نصيحه انك ماتروحش الا لو انت مستقر علي سكن قريب من قصر سوء حد قريبك او تدخل المديه عشان ماتتعبش
بالاضافه ان اول اسبوع مافيش سكاشن ومفيش غياب في المحاضرات طول السنه
ملحوظه هامه
سنه اولي عايزه اعصاب بارده وبلاش حماس الثانويه لانك خلال اول شهر غالبا مش هتفهم حاجه عشان اللغه
فحاول تتعلم اسلوب المذاكره وايه اللي يتحفظ وايه اللي يتفهم وايه اللي يتقري قراءه عابره دا اهم بكتير جدا من انك تذاكر
ارجوك ارجوك ارجوك قبل ماتذاكر تسال حد اكبر منك ايه المطلوب وطريقه مذاكرته (متنساش تسال الناس الاكبر منك باستمر حتي تعبر اول شهر دا)

[Mo7ammed Elshaf3y]

المشاركة الأصلية كتبت بواسطة نبيل العيسوي

السلام عليكم

انا من دمياط وحابب استفسر اول يوم هيكون السبت ولا الاحد؟

طبعا انتوا عارفين ان مفيش مدينة اول اسبوع وانا مضطر اني ما احضرش اول اسبوع وانا مضايق من الموضوع ده ومجتاج نصايحكوا، لكن هحاول اروح اول يوم باذن الله بس تقولولي اليوم والميعاد اللي اروح فيه لو سمحتوا.

أنا زيك برضه من دمياط ....إن شاء الله الدراسة يوم السبت بإذن الله

وده جدول محاضرات كلية طب اللى اعتمده العميد

[نبيل العيسوي]

اهلا وسهلا د\أمين

شكرا جزيلا على النصيحة الغالية وأتمنى لو حضرتك تنصحني أروح أول يوم ولا لا، وكمان عاوز اعرف اول يوم هيكون السبت ولا الاحد.

بالتوفيق لنا ولك ان شاء الله

[نبيل العيسوي]

شكرا جزيلا اخي العزيز

[نبيل العيسوي]

المشاركة الأصلية كتبت بواسطة le monsieur

أنا زيك برضه من دمياط ....إن شاء الله الدراسة يوم السبت بإذن الله

وده جدول محاضرات كلية طب اللى اعتمده العميد

ده جامعة المنصورة، انا جامعة القاهرة

شكرا على الاهتمام على أي حال

[ahmed khalid yehya]

ربنا يكرمني و ابقي معاكو السنة الجاية ان شاء الله