اختـار شخصيتكـ من الميكـروباص ... ^ _ ^

To Be Is To Do · #1 30-09-2012, 05:02 AM

اقتباس:

المشاركة الأصلية كتبت بواسطة جديد و جديد

الشخصية الاولي: الست التخينة اللي واخدة مكانين :

ودي بتلاقيها في كل ميكروباص ويبقي حظه وحش قوي اللي يركب جنبها بجد لانها بتكون كتلة لحم متوهجة وممكن دراعها يكون قد جسمك
وياسلام بقي لو السواق ركب اربعات ورا تبقي مجزرة..وافضل مكان ليها جنب القزاز بلاش تقعد في النص عشان النفس وكمية الاكسجين المستهلكة في هذه الصفيحة الميكروباصية هيقل.

الشخصية الثانية عشر : فيلسوف الميكروباص :

وده بيقعد جنب السواق يقعد يناقشه في مشاكل الحياة او يفتي في حاجات عن المرور والرخص والكمين وكده
واي قصص واي كلام بيتقال يا عم الحاج قدام واغلبها بتكون فشر واولها بيكون " انا قريبي لواء سابق وبيحكي ويقول .... الخ

يا ربى على شخصيه الست الطخينه دى
ولو لمستها تقولك " ما المكان فاضى جنبك أهووو " وطبعا محتله الميكروباص وتلاقيها اطخن صوت فى الميكروباص : أطخن من صوتى انا شخصيا
ولو اديتها الاجره عشان توصلها للسواق " هو كل شويه اجره اجره ما تلمهم مره واحده يا جدع "
بجد شخصيه كيوت خالص

اما الفيلسوف فده فعلا بيحصل وتلاقيه بيهاود السواق فى أى كلمه يقولها وبيندمج مع السواق جدا وكانهم اخوات فالرضاعه ويقوله " عندك حق اسطى ، معلش هو حال البلد كده ، "

نايس بجد يا مارك بيه

To Be Is To Do · #2 30-09-2012, 05:09 AM

الشخصيه الثالثه عشر من وجهه نظرى
شخصيه الست العجوزه
اللى تقولك امسكنى يبنى عشان اطلع وتمسكها وتقعدها
وطول الطريق " الله يستر طريقك يا اسطى " " الله ينورلك بصيرتك "
ع اساس انه رايح الامتحان
ولو فيه عركه " معلش يبنى خليك فحالك " " ربنا يكفيك شر طريقك "
والشخصيه دى من احلى احلى الشخصيات فالميكروباص لانها شخصيه طيبه جدا ولو تديها الاجره 100 مره ورا بعض ولا تشتكى وتقولك " كام يبنى 3 ولا 4 اصل السمع خلاص "
ولو كان راجل يبقى هو ده المسلكاتى بتاع الميكروباص لو اى خناقه حصلت تلاقيه اول واحد " اهدوا يا جماعه " " دى لحظه شيطان "
" ما تقول حاجه اسطى "