مبروك لكل معلمى القليوبية // نزل قرار التعيين لكل المعلمين المساعدين الذين استكملوا

[reem_a]

المشاركة الأصلية كتبت بواسطة ابو الفاروق

لاء كلمها مش مظبوط ، لان المديريات لا ترسل أسماء الى الأكاديمية وانما الملفات ترسل من الادارات التعليمية وعن طريق قسم الاحصاء الى افرع الاكاديمية المختلفه فى المحافظات ، بعد مراجعة قسم الاحصاء للملفات والتأكد من صحتها واحقية صاحب الملف فى دخول الاختبار ، ثم يتم التأكد مرة أخرى فى فرع الاكاديمية فى احقية صاحب الملف فى خوض الاختبار المزمع او المتقدم اليه .، والدليل هو انك وقت الاختبار وعندما دخلت على صحيفة احوالك كان لك ورقة إخطار بميعاد الاختبار ومكانة وتوقيته وبالفعل حضرتك امتحنت ونجحت كمان ولكن بعد ذلك حجبت نتيجتكم , نتيجة خطأ ما ويجب ان تعرفه .

اما حجب النتيجة عن كل معلمى القليوبية والذين اختبروا ابريل الماضى وعدم تنقيذ القرار 750 فلو تم سيكون نتيجة اننا قد عينا بناءاً على القرار 515 وبناءا على قرار 515 قد تم التعامل معنا بداية من تاريخ تنفيذ هذا القرار وهو 1/7/2011 على اننا معلمين مساعدين ومساوتنا بمن ثبت معنا بنفس القرار ولكنه كان يعمل بالاجر ، وتم بذلك محو سنوات العقد والذى كان فى 2009 ، وبناءا على ذلك فكان يجب ان ننتظر لمدة سنتين ثم نخوض اختبارات الكادر يعنى هما اعتبروا دخولنا فى ابريل الماضى تم بالخطأ . ولكن بما اننا دخلنا فالاكاديمية قررت بدلا من خوض الاختبار مرة اخرى ، تحجب فقط النتيجة وعند مرور السنتين تحسب لنا النتيجة ويتم تغيير المسمى الوظيفى لملعم مع صرف بدل الاعتماد

لكن انا اتصلت تانى بشئون العاملين فى المديرية أ/ سعيد
قال احنا هنبعت للادارات فاكس انهم يتأكدوا من ملف كل واحد اسمه وصل فى الكشوف واللى نجحوا فى الكادر ، لو كان متعاقد معلم مساعد قبل خوض الاختبار يتم احتساب النتيجة له ، لكن لو مكنش متعاقد قبل دخول الاختبار لا تحتسب النتيجة له ويتم ووقف القرار 750 بالنسبة له

طيب الاستاذ سعيد ما قالش لك هما بعتوا القرار رسمي مع المندوبين للادارات ولا لا؟
وياترى واحد نفذ القرار زي حضرتك او معاه الكشف بالاسماء مختوم في أي احتمال انهم يوقفوا له القرار بعد ما اتمضى واتختم وخلص من بنها؟

[ابو الفاروق]

المشاركة الأصلية كتبت بواسطة reem_a

طيب الاستاذ سعيد ما قالش لك هما بعتوا القرار رسمي مع المندوبين للادارات ولا لا؟
وياترى واحد نفذ القرار زي حضرتك او معاه الكشف بالاسماء مختوم في أي احتمال انهم يوقفوا له القرار بعد ما اتمضى واتختم وخلص من بنها؟

الحقيقة بإختصار شديد يا أ/ ريم ،،، المديرية فى ورطة قانونية كبيرة
واعتقد اننا كالعادة هنشيل غلط غيرنا ، ولكن موقفنا القانونى سليم وخاصة بعد استلام القرار والكشوف مختومة

[reem_a]

المشاركة الأصلية كتبت بواسطة ابو الفاروق

الحقيقة بإختصار شديد يا أ/ ريم ،،، المديرية فى ورطة قانونية كبيرة
واعتقد اننا كالعادة هنشيل غلط غيرنا ، ولكن موقفنا القانونى سليم وخاصة بعد استلام القرار والكشوف مختومة

طيب والمفروض الورطة دي هما حلوها بمجرد ما راحت اسماءنا التنظيم والادارة والمحافظ ووكيل الوزارة مضى القرار وكل ما اتصل يقولوا القرار خلص ومستنيين المندوب
يعني كل شئ انتهى مش عارفة لغاية دلوقت التأخير الفظيع الغريب ده ووقف الحال سببه ايه طالما هما اكدوا لي اكتر من كده ان القصة انتهت من بنها والدليل على كده انهم سمحولنا بتصوير القرار والاسماء وختموها كمان وقالوا روحوا نفذوا
معلش تاني يا استاذ ابو الفاروق طمني لو تعرف حد غيرك استلم في ادارته وفي المدرسة ولو عرفت ان اي ادارة جالها رسمي ابقى قولي
وربنا يجزيك بكل خير

[ابو الفاروق]

المشاركة الأصلية كتبت بواسطة reem_a

طيب والمفروض الورطة دي هما حلوها بمجرد ما راحت اسماءنا التنظيم والادارة والمحافظ ووكيل الوزارة مضى القرار وكل ما اتصل يقولوا القرار خلص ومستنيين المندوب
يعني كل شئ انتهى مش عارفة لغاية دلوقت التأخير الفظيع الغريب ده ووقف الحال سببه ايه طالما هما اكدوا لي اكتر من كده ان القصة انتهت من بنها والدليل على كده انهم سمحولنا بتصوير القرار والاسماء وختموها كمان وقالوا روحوا نفذوا
معلش تاني يا استاذ ابو الفاروق طمني لو تعرف حد غيرك استلم في ادارته وفي المدرسة ولو عرفت ان اي ادارة جالها رسمي ابقى قولي
وربنا يجزيك بكل خير

بصي حضرتك .. موضوعنا له وجهان ، وجهه ايجابي وآخر سلبى
الوجه الإيجابى : هو أننا قد تم تعيينا بالفعل وعلى درجة مالية فعليه بالقرار 515
الوجه السلبي : هو أننا لن نحصل على مسمى معلم الا بعد 10 اشهر من الأن , وضاع حقنا فى الاقدمية ( سنوات العقد )

فى جميع الاحوال انا اللى يهمنى التعيين والدرجة سواء على 515 او 280 المهم التعيين
ولكن لو تم بالفعل وقف تنفيذ القرار 750 وحبيتوا ناخد حقنا بالقانون هنكتب شكوى جماعية للنيابة الادارية ونطالب بحقنا فى الاقدمية وفى احتساب نتيجة الكادر وصرف البدل وجميع المميزات ، وسندنا القانونى هو أصل العقد عقد المعلم المساعد انا شخصياً تاريخ تعاقدي 1/3/2009 ، يعنى قضيت المدة البينية فى وظيفة معلم مساعد طبقاً للقانون 155 المادة 73 وامتحنت ونجحت ... كما ان قرار 515 تم تنفيذه بعد مرور السنتين وليس قبل انتهاؤهم
على الرغم انى خلصت كل حاجة فى الادارة وممكن بكرة كمان اروح الاحصاء اقف على ايديهم واغير صحيفة الاحوال لمعلم واطلع منها نسخة وابقى اثبت حقى من كافة شىء