الوافى فى كل مايخص حاسبات الثقافة والعلوم

[Beta Traceur]

السلام عليكم

انا لسه مقدم من ساعات فى المدينة وحبيت انقل تجربتى علشان اسهل على اى شخص ناوى يقدم

الكلام الى حقوله شمل كل معاهد الثقافة والعلوم ولكن انا حركز على حاسبات

اولا : المعهد العالى لعلوم الحاسب ونظم المعلومات اخد من مجموع (227.0) ادبى و مجموع ( 310.5 ) للعلمى ( رياضة او علوم )

ثانيا : مكان المعهد ... فى مدينة 6 اكتوبر فى الحى ال 11 - المحور المركزى .... ومشهور جدا بالنسبه لجمع سائقى مدنة 6 اكتوبر

ثالثا : مواضلاته من القاهرة صعبه شويه بس لو انت ساكن فى اى حته غير الجيزة او الهرم مش حتركب اقل من 3 مواصلات

رابعا : حجم الدفعة مبشر جدا لان الدفعه اخدت 47 شخص فقط فى المرحله الاولى والثانيه والمتوقع انها متزدش عن 100 طالب باذن الله

خامسا : مستوى المدينة ممتاااااااااااز بكل المقاييس مقارنا بمصاريفة و يوجد نظام مكتبى ونشاطى ممتاز بالاضافه الى ان القاعات ممتازة جدا و مساحة الجامعه كبيرة .... يعنى تعتبر مقاربه لجامعه اكتوبر فى الفخامة

سادسا : مستوى الدراسة ... علمى علمك تبتدى السنه ونشوف بقى

ــــــــــــــــــــــــــــــــــــــــــ

نيجى بقى للتقديم :

- اولا : التقديما بيبتدى يوميا من الساعه 9 صباحا مش قبل كده بس ياريت تروح بدرى
- ثانيا : بعد الدخول للمدينة حيوجهوك لقاعة كبيرة هيا الخاصه بتقديم الملفات
-ثالثا ادخل على الاستعلامات واديهم ورقه الترشيخ بتاعتك وحيتاكدوا منها على الكمبيوتر و حيكتبوا عليها كلمتين بالهندى كده وبعدين طلبوا منك تروح الخزنة تجيب طلب التحاق

- رابعا : تاخد بعضك وتتمشى فى ممر جميل كده وتروح للخزنة وتدور على اسم معهدك وتديله ورقه الترشيح وهو حقوم بالواجب , بعد ميخلص حيلطب منك 120 جنية وحيديك استمارة و كتيب بيشرح المعهد الى حتدخله والمنهج

- خامسا ترجع تانى للاستعلاماات وتطلب منهم ملف حيدهولك

- سادسا : تشوف اى ديسك فاضى ويكون معاك قلم طبعا وتملى الاستمارة + الملف + الاقرار الى جوا الملف + تكتب اسمك على استمارة 2 جند

- سابعا : تاخد الملف وتروح لمكان تقدم الطلبات جنب الاستعلامات على طول تسلمهم الملف وحطلبوا منك كام حاجه كده وركز معايا فى الطلبات دى بقى

حيطلبوا ( اصل وصورة شهادة الميلاد - اصل وصورة بطاقتك وبطاقة ولى امرك - اصل وصورة شهادة الثانوية العامة - اصل وصورة وصل كهربا او غاز - شهاده 2 جند - شهادة 6 جند ان وجد - 8 صور شخصيه حديثة )

لو مش مصور الجاجه متقلقش عندهم مكنه تصوير وحيقوموا بالواجب

- بعد كده حيديك اذن دفع بالقسط الاول وعندك مهله من يوم تقديم الملف لغايه اول يوم دراسه انك تدفعه

مصاريف حاسبات ومعلومات ( 4508 + 20 كارنية )

بيتقسموا على قسطين ( الاول 3507 ) - و ( الثانى 1000 وبيتدفع يوم 1/12 )

وبكدة تكون قدمت فى الجامعه خلاص

لو عايز تحول حتروح بنفس الورق والفلوس وكل حاجه ومعاك ورقة الترشيح وهما حيفهموك الحوار علشان انا معرفوش بصراحة

الخط الساخن للمعهد ( 16705 )

وبالتوفيق ان شاء الله