محتاجه منكم النصح والافادة

[sarah_sera]

اعضاء المنتدى الكرام
الحقيقة انا عندى مشكلة ومحتاجه منكم النصح والافادة انا خريجة كلية التربية قسم علوم بيولوجية وجيولوجية دفعة 2007 جامعة اسكندرية
بشتغل حاليا فى مدرسة خاصة فى وظيفة امينة معمل علوم لقسم الثانوى والاعدادى بنات من حوالى تلات سنين بسعى انى اتجه للتدريس بس للاسف كل المحاولات حتى الان لم تنجح والسنة الدراسية على وشك البدء والمفروض انى على وشك التثبيت انا حسه ان فرصتى انى ابقى مدرسة قربت تنتهى وكمان احساسى بالياس خلق جوايا احساس ان المدة الى قضتها بعيد عن التدريس (حوالى خمس سنين من وقت متخرجت ) خلتنى اقل من زميلى دفعتى الى مجرد متخرجوا اتشتغلوا بالتدريس انا حزينه جدا وبفكر اسيب الشغل بس المشكلة انى مش لقيه شغل تانى فى اى مدرسة تخصصى محدود جدا وكل المدراس الى ممكن الاقى فيها بعيده جدا على سكنى , انا حلمى ابقى مدرسة احياء متميزه انا بعشق الاحياء والعلوم ومطلعه جدا وبحاول اذاكر المناهج بس بصراحة مش لقيه فايده ومش عارفه احضر دروس بشكل صح يخلينى متميزه وكفاءة لانى للاسف معنديش خبرة عشان احضر الدروس بشكل يساعدنى افهمها معنديش خبرة الفصل وده مخلينى مهما اذاكر مناهج بحس انه مجهود من غير فايدة ياريت اهل الخبرة يساعدونى بنصايح فى مشكلتى ولكم جزيل الشكر ,
اسف على الاطالة وشكرا

[amira habiba]

لو انتي مصممة تبقي مدرسة فعلا يبقى لازم ترضي باي مدرسة حتى لو بعيدة عن محل سكنك لان مفيش حل تاني
بس الى ان يحدث هذا متحاوليش تسيبي شغلك دلوقت الا لما تلاقي الشغل الجديد
اما بالنسبة لخبرة الفصل فدي بتييجي بالتدريج و مفيش حد بيتولد مدرس كفء
كلنا بنبقى كده ف الاول و الدور و الباقي على همتك و نشاطك و حبك للمادة و للمهنة و رغبتك ف التميز و الابتكار و ده اللي انا حسيته من كلامك
هداك ِ الله لما فيه الخير لك ِ و وفقك ِ الى ما يحب و يرضى

[sarah_sera]

المشاركة الأصلية كتبت بواسطة amira habiba

لو انتي مصممة تبقي مدرسة فعلا يبقى لازم ترضي باي مدرسة حتى لو بعيدة عن محل سكنك لان مفيش حل تاني
بس الى ان يحدث هذا متحاوليش تسيبي شغلك دلوقت الا لما تلاقي الشغل الجديد
اما بالنسبة لخبرة الفصل فدي بتييجي بالتدريج و مفيش حد بيتولد مدرس كفء
كلنا بنبقى كده ف الاول و الدور و الباقي على همتك و نشاطك و حبك للمادة و للمهنة و رغبتك ف التميز و الابتكار و ده اللي انا حسيته من كلامك
هداك ِ الله لما فيه الخير لك ِ و وفقك ِ الى ما يحب و يرضى

الاخت اميرة شكرا على ردك واهتماك انا اكيد مصممة ابقى مدرسة لانى ببساطة انا خريجة تربية الكلية الوحيدة الى المفروض خريجنها ميشتغلوش غير فى التدريس وكمان انا بحب مادتى واخترتها بارادتى وكمان المشكلة مش قرب ولا بعد الشغل المشكلة انه مفيش شغل حضرتك ومكانى لو سبته حلاقى كتير عاوزينه لانه حتى ولو كنت وظيفة امين معمل وطيفة بسيطة بس والله كتير شيفنها انها فرصة انا عاوزه حل عملى لمشكلتى انا عملت كل حاجة اقدر عليها بعقلى ومنفعتش انا محتاجه فكرة جديدة تساعدنى انى الاقى فرصتى

[amira habiba]

طيب و المدارس الخاصة ؟

[sarah_sera]

المشاركة الأصلية كتبت بواسطة amira habiba

طيب و المدارس الخاصة ؟

مالها انا اصلا فى مدرسة خاصة تبع المعاهد القومية فى القسم الثانوى بنات