خواطر مشجع اهلاوي ..... ما بعد المذبحه

[Golden Eagle]

فلاش باك
مشجع اهلاوي : ازاي يعملوا في الاهلي كدا
طبعا ً مش هاممهم غير السبوبة عايزين قال يشيلوا الراعي بتاع الاهلي من ماتش السوبر
طيب ما كانتش الازمه دي بتحصل قبل ما يتغير الراعي ايه الجديد يعني ؟؟؟
ادارة رجالة ايوه هددوهم بالانسحاب من السوبر و من غير الاهلي مافيش كورة ف مصر و خليهم يبيعوا بليلة
......
المشجع الاهلاوي دا مش معانا دلوقتي
ممكن انه كان الغندور او جونيور او اسلام علوان او احمد يوسف
احتمال انه كان مصطفي عصام او سيد جودة او محمد رشدى او انس
مش بعيد انه كان خالد عمر او يوسف حمادة او مصطفي جمال او عبد الرحمن فتحى او محمد عبد الله او احمد فوزى او مصطفي عبود او ابراهيم حلمى او محمد مصطفي او احمد وجيه او عمر عمرو او محمود صابر
مش هاتفرق هو كان مين ؟؟؟ مصطفي الرفاعى ولا محمد سرى ولا امجد السيد ولا ذياد جمال الدين ولا مصطفي متولي ولا حسين محمد السيد ولا محمد خاطر ولا محمد علي ولا احمد عبد الحميد ولا مصطفي السعيد ولا خيرى فتحى
كنت ممكن تكون انت مش حسن فهمى ولا محمد سمير ولا العربي كمال ولا مهاب صالح ولا احمد زكريا ولا محمد اشرف ولا اسامه محمد مصطفي ولا مصطفي محمد يوسف ولا اسلام احمد ولا محمد فرغلي ولا احمد اسماعيل ولا عمر علي ولا مصطفي نصر ولا محمد عبد النبي ولا احمد محمد صالح ولا كريم المليجي
محمد جمال و اسلام حسن و سعد جمال و عمر عطا و احمد عزت و محمد حسين و حامد فتحى و احمد طه و محمد الشوربجى و ايمن هيبه و ممدوح البندارى و باسم الدسوقى و محمد خالد و كريم عبد الله و محمد محمود و محمد الشوربجى و محمود سلامه و محمد محروس و احمد اسامه و سليمان احمد و سعيد محمد و اسامه احمد و محمد مصطفي كاريكا كان رأيهم كدا
ممكن يتضح انه كان كريم خزام اللي بعد وفاته والده ما استحملش و حصله و دلوقتي والدته و اخته ف الدنيا وحدهم

مش ملاحظ حاجة ؟؟؟
كله كان كان كان
كان رأيهم ان الادارة قوية لما هددوا بالانسحاب علشان ازمة الرعاه
تصدقوا ان نفس الادارة القوية ما عملتش حاجة علشان دم الناس دول ؟؟؟
الظاهر انه كان خوف علي السبوبه مش قوة ولا مصلحة نادي
كل اللي عملوه انهم رموا لكل واحد كام الف مش هاترجع اللي فات
لما يموتلك واحد غدرا ً ( لا قدر الله ) لو ادولك وزنه يورانيوم مش دهب مش هايغنيك حاجة
هاتتمني تديهم هم اللي ادوهولك و كل ما تملك حتي تبيع هدومك في مقابل انك ما تستخدمش كلمة كان دي و انه يبقي جنبك
و المحترم مجدي عبد الغني شايف ان 100 الف جنيه كفاية و رأيه ان كل اسره تروح تفتح بيهم مشروع بقي و يعيشوا
يا كابتن مجدي مش كل الناس تفكيرهم ف السبوبة زيك و زي العقاطيه ( يعني الهناجيم او العشوائيين ) اللي معاك في الاعلام الرياضي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
بالنسبه للاعبين احب اقولكم ان الوضع الحالي
وضع وجود مباراة بين الاهلي و انبي قبل حق اللي ماتوا و هم وراكم دول ما ييجي خلاكم تبقوا قدام اختيارين يدخلوكم التاريخ
تنضموا لتريكة و خالد مرتجي و تدخلوا التاريخ من ابواب الاحترام
او تنضموا للإدارة و تدخلوا التاريخ من الابواب الخلفية
و انتوا فضلتوا الاختيار التاني
عارف اللي ماتوا دول
انا هاحكيلك قصة واحد منهم

فى اغلب الاحوال كان يذهب ليشجعك دون علم ابوه فقد كان يعرف ان اباه لن يوافق على ترحاله الدائم خلفك ....كان يدافع عنك لو شتمك احدهم فى غيابك وكانك اخيه ....غامر بحياته وتجاسر وذهب الى تلك البلده الظالم اهلها ولم يخشى الاحداث الملتهبه وتربص اهل بورسعيد به ...فقط ليشدد من ازرك وحتى يلهبك حماسه وتخرج فائزا ...الان تذكر وانت تلعب ان كل خطوه تخطوها ستدوس فيها على دماءه ...ستضيع بها حقه ...ستسدد كرتك فى قلب امه ...ستمنح تمريراتك فرصه للجناه حتى يفلتوا بفعلتهم ...مع الاسف كلام بلا فائده فلو عادت اليه روحه الان ..لذهب مره اخرى ليساندك !!!

انتوا نسيتوهم

نسيتوا دا

و نسيتوا دي

بس افتكرتوا دا

ان شاء الله الكاس لإنبي
و الدوري اللي جاي لما يتعمل بإذن الله هايكون للزمالك او الاسماعيلي اللي وقفوا ماتشهم علشان جمهورنا
و بإذن الله فريق الاهلي من فشل لفشل لحد ما تيجي ادارة عارفه قيمة الدم اللي اتدفع علشان اللاعيبة اللي اثبتوا انهم ما يستاهلوش الا من رحم ربي

[bebo_93]

مفيش كلام يتقال بعد الكلام ده

وفعلا كل كلمه طلعت صح والاداره واللاعيبه صدمتنا بموقفها

والبطوله ولا ليها طعم ولا تفرق نكسبها ولا نخسرها

المجد للشهداء