لكل واجد بيسال هو الالتراس عاوز ايه ؟!!!

[Monier]

شايف الكلاب البلطجيه واقفين ومش عاجبهم حد ازاى ويقلك حق صحبنا وحق اخواتنا وواجعين دماغ اهلينا ليل نهار على شويه عيال ماتت ف خناقه كوره ومش عايزين سوبر وقارفنا احنا ما يستنوا المحاكمات ويبطلوا القرف ده بقى - يارب نخلص منهم كلهم بدل الهم ده ياربى .. استنى
يبنى لما افتح الباب اشوف مين ده كمان .. ايوه يا حوده جايين من نادى المدرسه بدرى ليه .. مالك يبنى ما تقول جايين بدرى ليه وفين الواد احمد ابنى ؟ مطلعش معاك ليه ؟ يبنى مترد ف ايه ؟ ............ !! مين ضربكم ؟ وحصل ايه ؟ وانت جريت وسبتهم ؟ واحمد وقع تحت الكراسى ومعرفتش تشده كمان ! طب غور دلوقتى لحد ما اشوف ف ايه

-- ايه يا دكتور فيه ايه ؟ ايه الزحمه دى كلها؟ واد يا عمر فين احمد ومالكم متكسرين كده ليه ؟ عنايه مركزه !! .... وسع يبنى انت هوا ف ايه يا دكتور ده احمد ابنى سيبنى ادخل اشوفه .. لا ممنوع ازاى انا ابوه بقلك .. اشوفه لما يدخل المشرحه ازاى !! مشرحه ايه يا عم انت !! سيبنى ادخل اشوفه قال مشرحه قال !!

-- ايوه يا ام احمد .. لا مش هنتغدى سوى .. رايح استلم جثه احمد

-- شكرا يا شباب معرفش ان احمد كان محبوب للدرجه دى كل دول شباب وقفوا معايا ف العزاء ! شكرا ليكم بجد وانتم زى احمد طالما كان معاكم علطول وبيحبكم وبتحبوه بالشكل ده

-- انا رايح السبت النادى بتاع احمد اشوف حصل وازاى مشجعين الفريق التانى يعملوا الكارثه دى!! محدش امنهم ازاى انتم بتهرجوا ! كانت كمان حراسه النادى واقفه !! وازاى حصل ده كله انتم بتهرجوا ! وكمان مدير امن النادى كان واقف ! وصاحب النادى ! هوا انا جايب ابنى يموت ولا يقف مع فريق النادى بتاعكم !

-- انا رايح الاتنين النيابه ومديره الامن اعمل بلاغ ومحضر لازم اشوف الاستهتار ده ولازم اخد حق ابنى من التسيب والرعونه دى

-- نعم يا فندم عايزنى اضم قضيه ابنى مع ال30 شاب الى ماتوا معاه يوم النادى ! ليه يا فندم ما اعمل محضرى لوحدى وبلاغ لوحدى لحد ما اخد حقى لابنى !! خلاص طالما نفس القضيه براحتكم الى تشوفوه اعملوه

-- بعد 4 شهور .. نعم يا فندم ايوه انا ابو الطالب احمد الله يرحمه فيه حاجه ؟ حاضر جايلكم النيابه دلوقتى .. تم ضم القضيه مع قضيه مشجعى النادى الاهلى !! ليه وازاى !! هوا كده !! ازاى !! مفيش مكان فاضى للقضيه !! ازاى !! انا بقالى 4 شهور مستنى اخد حقى وتقولوا لسه ضم قضيه ف قضيه تانيه !1 انتم بتهـــــرجوا !!

-- وقضيه مشجعى الاهلى دى كمان بقلها قد ايه وهتخلص امتى !
داخله على سنــــــــــــــــــــــــه !! وقدامها الله اعلم لحد ما ربنا يسهل !!

-- سنه ومخدوش حقهم وكمان هينضم ليهم ابنى احمد !!!! يـــــارب

-- انا هنزل اجيب حق ابنى والــ30 واحد من صحابه لواحدى
الى عايز ييجى ييجى مش هنرتاح غير لما نجيب حقه
ابوها كوره ونوادى الواد راح خلاص .. هجيب حق ابنى

-- لو هفضل نايم قدامكم العمر كله او حتى اكسرها على دماغهم
ده حـــــــــــــق ولازم ارجعه لابــــنى

-- ايه الشباب دى كلها ف ايه ؟ مظاهره النهارده ؟ ليه ؟ علشان شباب النادى !! زمايلهم دول ولا جيرانهم يعنى !! زميلهم وجيرانهم وصحبهم وقرايبهم كمان !!!!!

-- ايه شباب مش عارفين تقولوا ليا انكم واقفين هنا وسايبنى تعبان ف البيت ..مش عارف انام ولا عارفين نعيش !! لحد ما حق احمد وغيره يرجع !

-- انتم رجاله اوى يا شباب عمرى ما تخيلت انى الاقيكم هنا علشان صحبكم وعمرى ما تخيلت احساس القهر والظلم زى الايام دى وفهمتكم غلط والحمد لله احمد ابنى عايش وسطكم بحسكم وهنرجع حقكم وحقى وحق كل الشباب

-- الفاتحه على روح احمد وكل الشباب

<<< المجد كل المجد للشهداء >>>