السبت.. "المعلمين" تنظم وقفة احتجاجية أمام "الوزراء" لاعتماد الكادر

[ا/توفيق عزت]

ايه الجديد ..

الطير جناحه بيتربط لسه في حديد ..

ايه الجديد ..

لسه العبيد عايشين عبيد ..
ايه الجديد ..

بالاقتناع , كل اللي فاضل يعلنوها .. عالمشاع ..
ان اللي خان كان مشتري .. وان اللي مات هو اللي باع ..
بالذمه مين المستفيد ؟ .. فرعون جديد

ايه الجديد ..

واللا القديم لساه ملك .. واللا احنا شعب بزمبلك ..

يؤمر نطيع ..
يشخط نبيع ..

معقول يكون لسه القطيع .. عايشين قطيع ..
وفرحانين .. بالمألسه والابلسه والملعنه ..
معقول تكون لسه الاماني .. رغم اللي كان مش ممكنة ..
بعد اللي فات .. بعد اللي مات ..
لسة السكات هو السكات .. رغم اللي كان ..
الحق مش محتاج بيان .. علشان يبان ..
الحق مش هايعود لواحد عاش جبان ..
يا شعب حر .. الحق يرجع بالميدان .. الحق يرجع بالميدان ...