الحلواني: وقفة احتجاجية أمام مجلس الوزراء تنديدًا بتعطيل كادر المعلمين

[استاذ احمد ابو الوفا]

صرح الدكتور أحمد الحلواني نقيب المعلمين بأنه ردا على مماطلة وزارة الماليةومجلس الوزراء في إعتماد قانون كادر المعلمين بتعديلاته الجديدة بالرغم من حالة الغضب التي تنتاب المعلمين، قررت نقابة المعلمين بمجلسها و فرعياتها الـ 53 تنظيم وقفة احتجاجية رمزية امام مجلس الوزراء في تمام الحادية عشرة من صباح السبت القادم .

وأوضح الحلواني ان هذه الوقفة ستكون البداية فقط ، مشيرا الى ان النقابة ستعطي رئاسة الوزراء مهلة اخيرة حتى يوم الاربعاء القادم وهو موعد انعقاد اجتماع مجلس الوزراء ، بحيث انه اذا لم يتم اعتماد الكادر فسوف تستمر النقابة في وسائلها الاحتجاجية.

[اميمة طه]

يااااااااااااااااااااااااااااااااااااااااااااااه
ملعوبة والله العظيم
الحلوانى عاوز يكسب المعلمين من تانى
فكرنى والله بالفيلم بتاع جعلتنى مجرما
فكرة رشدى اباظة يعنى انه بدل ما حد ينزل ضده ينزل هو ضد نفسه

[أحمد هاشم الزيدي]

حسبي الله ونعم الوكيل في الوزارة كلها

[ام حفصه]

ماشاء الله دول هفوقوا اهو وهيتحركوا يا مسهل

[عصام الفنان]

[حسين81]

اين انت يا رئيس مصر يا من ناديت بالعدالة الاجتماعية اين انت مما يحدث لمعلمى مصر الذين ناصروك وايدوك وظنوا بك الخير اين انت من كل هذا فان كنت تعلم فهذه مصيبة وان كنت لا تعلم فالمصيبه اكبر ولكم فى الماضى الموعظة اين انت اين انت لين انت اين انت يا رئيس مصر يا صاحب مشروع النهضة فلا نهضه لوطن اهان معلميه صانعى المورد البشرى اهم ركائز النهضة اين انت سؤال يبحث عن جواب

[شحاتة الفقى]

لازم كل المعلمين يقفو المرة دى ولا يتكاسلو عن حقهم فهذا هو سبب استهتار الاخرين بنا

[العبد الفقير الى الله]

دى خطــــــــــة قديمة وبايخة
عشان مرسى ورجالته تتدخل لحل المشكلة المصطنعــــــة
وبكده يزغرط المعلمون بـالـ50% العبيطة ويبقوا ضحكم علينا
يقوم الحلـــــــــوانى وأنصاره وبعض المعلمين الطيبين يقولوا
عاش مرسى نصير المعلمين # # # عــاش الرئيس البطل
وبالهنا والشفا
بطل ضحك على غقول المعلمين ... من يومين كنت بتتكلم بلسان الحكومة
اية اللى غيرك؟؟
لما لقيت مفيش فايدة والاضراب قادم قادم
جيت فى صف القوى
ولعبتكم مكشوفة قوى
الفيلم الهندى القادم
يوم السبت وقفة رمزيه لاعضاء النقابة ...يوم الاحد قرار جمهوري بتعديل بعض احكام قانون كادر المعلمين... علشان يوم الاتنين ما يبقاش في مظاهرات والناس ترضي باللي هيدوهولهم الريس مرسي
وهيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ه
يحيا مرسى نصير المعلم الغلبان

[aiat amer]

بجد حسبى الله ونعم الوكيل بس انا مش عارفه اقول ليكم ايه بعد ما عرفت ان الاساسى بتاع المعلم بقى اقل من المعلم المساعد عندنا فى ادارة منيا القمح شرقيه اساسى المعلم 226 والمعلم المساعد 230 طب كنا بنمتحن كادر ليه وقلبين دماغنا بالنربوى ليه لكم الله يا معلمين مصر الشرفاء.

[علاءمالك]

ده تمثيليه من نقابة الاخوان علشان يضحكوا علينا ب100فىال100 من الاساسى وينام الموضوع نهائى وسلملى على النقابة

[يوسف ويمنى]

ايه النقيب انا اهمس في اذنك حتي لا تضيع نفسك وتجعل شبيتك تكون في الحضيض
اولا تذكر انك تخاطب حوالي مليون وستمائة الف معلم مثقف يستطيع ان يحلل ما يراه اويسمعه
ثانيا احذر من ان يكون هذا العدد الضخم ضدك لانهم يستطيعو ان يجعلو نجمكم الذي بزع ان يموت مرة اخري وذلك لا نهم يستطيعو ان يقلبو الناس عليكم
ثالثا المعلمون يمتلكون قوة تصويتيه كبيرة جدا في اي انتخابابات
ولا تنسي ان شفيق قال اني ساجعل مرتب المعلم يساوي مرتب القاضي فورا تنصيبي رئيسا لمصر
واخيرا اناكنت ساذجا فلا تفترض ان الكل مثلك فاحذر ثورة المعلمين

[حسام محمد اسماعيل]

توتو الجبار (الحلوانى) يهدد بوقفة رمزية... اسمالله عليه وعلى جماله...ده توتو طلع صعب جدا...بس يا ترى مين رمزيه دى؟