اعتمادات النقابات .. هام لجميع الطلبة (2) .. ارجو التثبيت

[titi1]

السلام عليكم ورحمة الله وبركاتة

انا كتبت موضوع من قبل بخصوص اخطاء وانتباهات فى التقديم
http://www.thanwya.com/vb/showthread.php?t=443505
المرة دة انا جاى اكلمكم فى شىء مهم جدا وهى كل كلية وليها نقابة بيها وكل نقابة

وليها تقدر فى الثانوية العامة علشان تخاد اعتماد من النقابة والتوضيح كلاتى :

-كمثال .. نقابة الهندسة قبل 2012 كانت الى يجيب الحد الادنى فى الثانوية العامة 70% ودخل هندسة خاصة يتخرج ولة كارنية النقابة ومعترف بية


-نقابة الصيادلة اصدرق نظام من كام سنة وانا شوفتة من سنتين فى فالصحف الرسمية وما زال سارى وهو ان الطالب الى يجيب اقل من 80% فى الثانوية العامة ودخل صيدلة خاص ما هياخد اى اعتماد للنقابة ولا يعترف بية

وطبعا الحال فى الطب وباقى الكليات ودة نقطة مهمة جدا لازم ناخد بالنا منها

يعنى تلاقى لان جامعة اسمها جامعة النهضة .. لقيتها عاملة اعلان بتاخد الهندسة من 65% والصيدلة وعلاج طبيعى من 73 % ودة شىء خطير جدا

طبعا الطلبة الى جايبة اقل من 70% هتفرح وتقول كويس وتقدم فيها لاكن المشكلة الى ما تعرفها انك هتقعد 5 سنين ولما تتخرج ما هتاخد كارنية نقابة ولا يعترف بيك الجامعة فقط عاوزة فلوس ما يهمها انت تعمل اية ولا تتصرف ازاى يبقى قعد 5 سنين من عمرك فى الفراغ

فدايما لازم تاخد بالك من نقطة معينة ومهمة ليك

قبل ماتسئل عن الحد الادنى لاى جامعة او معهد من كام اسئل الحد الادنى للنقابة الاول من كام وبعدها شوف الكلية علشان ما تفرح ان الجامعة بتاخد من اقل من حد الادنى للنقابة وفى الاخر ما هتاخد كارنية

وملحوظة مهمة :: الحد الادنى للهندسة من 2012 حسب كلام النقابة الهندسة الخاصة فى الجامعات اقل من الحكومى ب 5%
والهندسة الخاصة فى المعاهد اقل من الحكومى ب 10%

الحد الادنى لنقابة الصيادلةالصيدلة الخاصة فى الجامعات من 80%
اتمنى من الله عز وجل ان يستفاد الجميع بهذا الموضوع المهم ليك

لان دول سنين من حياتك هتضيع على الفاضى فخلى بالك كويس
واوعى تفكر انك مثلا ممكن تدفع فلوس ازيد وتاخد اعتماد النقابة

___________________ مواضيع قد تهمك تم جمعها هنا لافادتك _________

1-http://www.thanwya.com/vb/showthread.php?t=443505
(خطاء وانتباهات فى التقديم .. هام لجميع الطلبة)

2-http://www.thanwya.com/vb/showthread.php?t=397938
(اى شىء عن الهندسة اتفضل هنا)

3-http://www.thanwya.com/vb/showthread.php?t=419407
( اقسام هندسية والعمل بعد التخرج .. ارجوا التثبيت للافادة)

4-http://www.thanwya.com/vb/showthread.php?t=441609
(المعلومات الكاملة للجامعة المصرية الروسية)

... بكدة انا خلصت كلامى ويارب اكون افدتكم وارجو منكم الدعاء لى ولوالدى

الموضوع دة بتاريخ 3/9/2012

[moemen20]

اولا تطبيق هذا الموضوع من النقابة مستحيل
الجامعة الروسية مثلا او البريطانية او النهضة مبيخدوش تنسيق من موقع الوزارة زى المعاهد او الجامعة الامريكية فمستحيل واحد معاة فلوس يدفع الصيدلة الى قالو بتاخد من 80 % قلى كام كلية طبقتها لو جبت 3 يبقى تمام لو يقدرو يرفعو وميدوش للطالب كارنية مكنوش خلو طب وصلت ل 100.1 % وصيدلة من 99% دا عك وانا بقلك للمرة المليون مستحيل مفيش حد بعد ما يتخرج هيسيب الحكومة تلعب بية دا عك وربنا وللعلم انا سمعت ان ابن نقيب المهندسين داخل جامعة خاصة يعنى زينا

[titi1]

المشاركة الأصلية كتبت بواسطة moemen20

اولا تطبيق هذا الموضوع من النقابة مستحيل
الجامعة الروسية مثلا او البريطانية او النهضة مبيخدوش تنسيق من موقع الوزارة زى المعاهد او الجامعة الامريكية فمستحيل واحد معاة فلوس يدفع الصيدلة الى قالو بتاخد من 80 % قلى كام كلية طبقتها لو جبت 3 يبقى تمام لو يقدرو يرفعو وميدوش للطالب كارنية مكنوش خلو طب وصلت ل 100.1 % وصيدلة من 99% دا عك وانا بقلك للمرة المليون مستحيل مفيش حد بعد ما يتخرج هيسيب الحكومة تلعب بية دا عك وربنا وللعلم انا سمعت ان ابن نقيب المهندسين داخل جامعة خاصة يعنى زينا

اول شىء عندنا فى الروسية الصيدلة 80% مش تحت

والهندسة من 75% يعنى ماشية تبع تطبيق النقابة دة قبل صدور قرار نقابة الهندسة السنة دة

ثانى شىء انا بقولك الى حصل افرض لو انت قولت مستحيل ودخلت الكلية وقعد خمس سنين ورفعت قصدة علشان تاخد الكارنية وما اخدة وقتها هتعمل اية هيقولولك بل شهاتك واشرب ميتها طب ولية تخاطر وخلاص افرض فعلا لو القانون اطبق وقتها ما هتعرف تعمل شىء غير تنفيذ القانون

ثانى شىء بالنسبة لابن نقيب المهندسين ما اعرف لاكن لو دخل اكيد جاب مجموع حسب النقابة والا قولى هو جاب كام ولو كان اقل من الى حددتة النقابة وقتها هيبقى لينا الحق نتكلم

[moemen20]

المشاركة الأصلية كتبت بواسطة titi1

اول شىء عندنا فى الروسية الصيدلة 80% مش تحت

والهندسة من 75% يعنى ماشية تبع تطبيق النقابة دة قبل صدور قرار نقابة الهندسة السنة دة

ثانى شىء انا بقولك الى حصل افرض لو انت قولت مستحيل ودخلت الكلية وقعد خمس سنين ورفعت قصدة علشان تاخد الكارنية وما اخدة وقتها هتعمل اية هيقولولك بل شهاتك واشرب ميتها طب ولية تخاطر وخلاص افرض فعلا لو القانون اطبق وقتها ما هتعرف تعمل شىء غير تنفيذ القانون

ثانى شىء بالنسبة لابن نقيب المهندسين ما اعرف لاكن لو دخل اكيد جاب مجموع حسب النقابة والا قولى هو جاب كام ولو كان اقل من الى حددتة النقابة وقتها هيبقى لينا الحق نتكلم

للعلم الروسية هتاخد السنة الجاية باقل من 80% ثانيا النقابة تشتطب الجامعة لو تقدر ؟
ثانيا بخصوص كارنية النقابة دا شغل نصب رسمى يعنى هوا المفروض يحط امتيازات للمهندسين الشقق فى مدينة نصر واكتوبر غالية جدا جدا بالنسبة للنقابة المحامين
وبخصوص القضية لو كحروت بتاع البيض رفع قضية على النقابة هيرجعها لان النقابة ملهاش دعوة كل كلية تحط التنسيق بتاعها والا مكنتش خليتها تابعة للنقابة وانا باظن ان مستحيل بردو

[titi1]

المشاركة الأصلية كتبت بواسطة moemen20

للعلم الروسية هتاخد السنة الجاية باقل من 80% ثانيا النقابة تشتطب الجامعة لو تقدر ؟
ثانيا بخصوص كارنية النقابة دا شغل نصب رسمى يعنى هوا المفروض يحط امتيازات للمهندسين الشقق فى مدينة نصر واكتوبر غالية جدا جدا بالنسبة للنقابة المحامين
وبخصوص القضية لو كحروت بتاع البيض رفع قضية على النقابة هيرجعها لان النقابة ملهاش دعوة كل كلية تحط التنسيق بتاعها والا مكنتش خليتها تابعة للنقابة وانا باظن ان مستحيل بردو

اول شىء مين قالك ان السنة الى جاية الروسية هتاخد اقل من 80%

ثانى شىء انا مالى بالشقق الان هههههه احنا بنتكلم فى الكارنية

ثالث شىء ارفع قضية ولوعرفت تكسبها خير وبركة ولو النقابة عملت حكم المحكمة ابقى قابلنى

وانا ما قولت النقابة تشطب على جامعة انا كلامى محدد هو النقابة مش هتدى للطالب كارنية فين بقى سيرة الكلية او الشطب على الجامعة ؟؟

اخر شىء انا بقولك الشىء الرسمى المصدر من جهات رسمية وهى النقابة والمجلس الاعلى للجامعات لانة صادق على االقرار علشان يطبق يعنى ممكن يطبق ولو ما اطبق ابقى انا ما خسرت شىء انى وعيت الطلبة وفهمتهم حاجات مش كانوا فاهمنها

اى سؤال تانى اتفضل

[حد السيف]

جزاك الله الخير

[ahmed adel55]

الهندسة السنة الي فاتت والي قبلها وقبل قبلها 67%

[titi1]

المشاركة الأصلية كتبت بواسطة ahmed adel55

الهندسة السنة الي فاتت والي قبلها وقبل قبلها 67%

هو ياجماعة انا كلامى ما كان محدد ولا انا كتبت شىء غلط ولا اية؟؟؟

انا بقولك قبل 2012 كانت بتاخد من 70% او اقل بقليل ما قولت بتاخد من 100% وكمان انا ما بجديب شىء من عندى كل كلامى من النقابة والمجلس الاعلى للجامعات


لية انتوا محسسنى انى بضركم او بقف ضدكم رغم انى بحاول انصحكم لا اكتر

[titi1]

ياجماعة فية شىء انتوا مش واخدين بالكم منة

اول شىء الى يقولك ان مش مهم كارنية العضوية انت بتجيب كلامك ودليلك منين.. لان كارنية النقابة اكبر اثبات انك معترف بيك من الدولة

لسبب واحد انا ممكن حالا ابنى معهد واديلك شهادة انك اتخرجت من المعهد دة بس اية الى يثبت ان الدولة فعلا معترفة بتخرجك مش لام كارنية النقابة لانة كدة بيثبت انك اتخرجت من معهد معترف بيك واتعلمت 5 سنين وان الدولة معترفة بيك كمهندس

ثانى شىء انا مالى بالشقق ولا المشروعات الى النقابة بتعملها ولا الاشتراكات اية الى دخل كلامى فى الموضوع دة

ارجوا انكم تفهموا الموضوع وعلى فكرة الموضوع لسة ما اتطبق المفروض كان يطبق السنة دة حسب كلام النقابة وممكن ما يطبق لاكن انا عملت الى على وقولت اعرفكم لا اكثر

[الاميرة المرحة]

مشكور على مجهودك
بس عندى ملحوظة صغيرة جامعة النهضة مش فيها كلية العلاج الطبيعى
وتقريبا الحد الادنى للقبول بنقابة العلاج الطبيعى 85%

[دكتورة/نورهان]

احب اققول ان الموضوع دة اتلغى لان المجلس الاعلى للجامعات ووزارة التعليم العالى عملوا مشاكل وقالوا دى اختصاصتهم والنقابة تعمل امتحانات ليهم قبل ميدخلوا النقابة لكن اتلغى الموضوع دة خلاص اكيييييييييييييد ولو مش مصدقين اتصلوا بنقابات الى تخصكم انا اتصلت بنقابة العلاج الطبيعى واتاكدت اتصلوا واتاكدوا لو مش مصدقين وعلى فكرة جامعة النهضة مفيهاش علاج طبيعى هو فى 3 جامعات خاصة بس 6 اكتوبر ومصر للعلوم والتكنولوجيا وفاروس بالاسكندرية بس والموضوع خلاص انتهى ومفيش كدة

[titi1]

المشاركة الأصلية كتبت بواسطة الاميرة المرحة

مشكور على مجهودك
بس عندى ملحوظة صغيرة جامعة النهضة مش فيها كلية العلاج الطبيعى
وتقريبا الحد الادنى للقبول بنقابة العلاج الطبيعى 85%

العفو

اوكى شكرا على الملاحظة المهم كلامى قدر يوصل ان الجامعات الخاصة بتقبل اقل من النقابة بكتير ودة غلط

[titi1]

المشاركة الأصلية كتبت بواسطة دكتورة/نورهان

احب اققول ان الموضوع دة اتلغى لان المجلس الاعلى للجامعات ووزارة التعليم العالى عملوا مشاكل وقالوا دى اختصاصتهم والنقابة تعمل امتحانات ليهم قبل ميدخلوا النقابة لكن اتلغى الموضوع دة خلاص اكيييييييييييييد ولو مش مصدقين اتصلوا بنقابات الى تخصكم انا اتصلت بنقابة العلاج الطبيعى واتاكدت اتصلوا واتاكدوا لو مش مصدقين وعلى فكرة جامعة النهضة مفيهاش علاج طبيعى هو فى 3 جامعات خاصة بس 6 اكتوبر ومصر للعلوم والتكنولوجيا وفاروس بالاسكندرية بس والموضوع خلاص انتهى ومفيش كدة

اوكى انا هسئل فى النقطة دة لاكن فاضل نقطة ان النقابة تلغى قرارها لان دة اهم من قرار المجلس الاعلى لانها الى بتديلك اكرنية النقابة وبتسجلك فى الدفاتر انك دكتور او مهندسة

[دكتورة/نورهان]

طبعا بس ميقدروش قريب زميلتى محامى وقالها لو طالب رفع عليهم قضية يكسبها من اول جلسة والنقابة نفسها الى لغت القرار لانى كان المجلس الاعلى للجامعات ووزةارة التعليم العالى هيعملولهم مشاكل ويرفعوا عليهم قضايا دخزل فى اختصاصات منشات حكونية تعليمية

[titi1]

المشاركة الأصلية كتبت بواسطة دكتورة/نورهان

طبعا بس ميقدروش قريب زميلتى محامى وقالها لو طالب رفع عليهم قضية يكسبها من اول جلسة والنقابة نفسها الى لغت القرار لانى كان المجلس الاعلى للجامعات ووزةارة التعليم العالى هيعملولهم مشاكل ويرفعوا عليهم قضايا دخزل فى اختصاصات منشات حكونية تعليمية

اول شىء اى محامى يقدر يرفع قضية وممكن يكسبها لاكن الاهم منها تضمنى منين ان النقابة تطبق قرار المحكمة ولو ما طبقتها ما تقدرى تعملى شىء

ثانى حاجة دة نقابة العلاج الطبيعى رغم انى اول مرة اسمع ان القرار اتلغى بس كويس فاضل الهندسة لسة ما اتلغى لو اتلغى كان نزلت على الموقع الرسمى لة لاكن لحد لان القرار لسة مرفوع

والمجلس الاعلى صادق على القرار واعتمدة ولو مش واضح اعملى بحث فى جوجل هتعرفى

ثالث شىء انا ودة الاهم انا ما يهمنى الجامعة فيها كلية معينة ولالا لان موضوعى ما يخص كلية محددة فقط انا يخص كافة الكليات كل نقابة وليها حد ادنى فما ينفع الطالب يدخل باقل منة لان الجامعة موافقة على كدة لان دة غلط علية