رسائل إلى ........ من مواطن مصرى

[أ/رضا عطيه]

حدوته غير مصرية

سيد : إيه أخر الأخبار يا د كتووور؟
د.م: كله تمام يامولانا
سيد : بلاش الكلمة دى اللى ضيعت النظام السابق
مش عايزين نضيع يادكتور
عايزين نتمكن من كل شىءعمليا وفعليا
د.م : لاتقلق يامولانا
الشرطة تحت السيطرة
الجيش تحت السيطرة
الإعلام تحت السيطرة
الأوقاف والأزهر تحت السيطرة
القضاء محاصر وقريبا سيكون تحت السيطرة
الجهاز المركزى تحت السيطرة
التشريع والتأسيسية والتنفيذية تحت السيطرة
سيد : أمال إيه حكاية جهات سيادية تراقب الثوار وتراقبنا
د. م : لاتقلق يامولانا
فلم يعد بعيدا عن سيطرتنا سوى الرقابة الإدارية
فبدأنا بإلقاء بعض المولوتوف عليها لتسلّم
وقريبا ستسلّم رغم أنفها
سيد : عارف يادكتور
أخدنا كل حاجة ونفسى فى أهم حاجة تتحكم فى مشاعر الشعب كله كبيره وصغير
د.م : إيه هى دى يامولانا
سيد : اتحاد الكرة ورئاسة النوادى الرياضية ومراكز الشباب كمان
د.م : العمل جارى
وقريبا ستسمع أخبار تسرك وسنبدأها باتحاد الكرة
سيد : هو دا العشم فيكم وهو دا اللى زرعناه فيكم
تسلموا يارجال
استمروا - وسيعلن قانون الطوارىء قريبا
ولم نعتقل أحد حتى يخرج مرة أخرى يناكف فينا
لكن ديته فتوى دينية يرحل عن عالمنا -
وعند الفتوى يصمت الشعب ولايعارض لأنه شعب متدين !
د.م: تعيش لنا رأسكم يامولانا
بس نفسى فى سؤال : هو كل دا مش هيزعل كبير البلد مننا؟
سيد : لاتقلق فهذه كانت القسمه
له إدارة الخارج ولنا إدارة الداخل
د.م : اسمح لى أقبل رأسك ويديك وكتفيك وأنول الرضا والبركة

وهنا تنتهى الحدوتة المصرية-----
وكل حالم بالتغيير يختار إسما جديدا للحواديت القادمة