اليس لك ان تفخر ان رئيسك هو مرسي وانك مصري

[حـيرم]

طيب لما هو الراجل لسه فى سنه اولى حكم وكله واحده واحده
ماشى الحال . بنمجد فيه ليه بقى وبنعمله مولد وكأنه طلع القمر مش كلمتين ممكن اى حد يقولهم على اى منبر وتنتهى القصه
هو رئيس الجمهوريه ده الشعب منتخبه ليه اصلا . عشان يمجده ويفرعنه ولا عشان يصلح ما تم افساده
وهل لو اصلح ما تم افساده دى جميله يعنى على الشعب او بيثنى عليه . ولا ده من صميم شغله
تركت كم من الاسئله وعلقت فقط بكلمتين على ان الراجل لسه فى سنه اولى
وعلقت بسطور على كلمه فين نيله الشريعه الاسلاميه
طيب نسئل السؤال ونحذف منه كلمه نيله
يبقى فين الشريعه الاسلاميه ال لفو بيها الميادين والفضائيات واقامه شرع الله وساندهم السلفيين والتيارات الاسلاميه جميعا فى ده
وفجأة بعد ما وصلوا للحكم انخرصت الالسنه ومش بنسمع واحد فيهم بيقول او بيتكلم على الشريعه الاسلاميه او ان الاسلام هو الحل ابدا بعد الوصول الى الحكم
وقنواتهم اللى المفترض مفتوحه للحكمه والموعظه الحسنه . قلبوها للردح للمعارضين وتكفير المسلمين وتصنيفهم بلبرالى وعلمانى واناركى واتهام بالكفر يمينا وشمالا لكل من يعارض الاسلاميين باعتبارهم هم الاسلام
وهل اذا اخطأو ا يبقى كده الاسلام بيخطىء اذا كانوا بيمثلوا الاسلام ؟ !!!!!!!!!!
ولما واحد زى البلكيمى الكذاب الاشر ولا واحد زى ونيس يقول انا بمثل الاسلام ويطلعوا بالطريقه دى يبقى كده الاسلام داعر وكذاب
طبعا ده عبث خلقى قبل ان يكون دينى
ومش بس كده دول فتحوا القنوات دى للحديث عن المنشطات ال***يه والاعلانات القذرة التى تشمئذ منها الاسماع والمفترض ايضا انه لايليق بهم الشغل ده
فقط سمعونا تطبيق الحدود وتطبيق حد الحرابه فضلا عن تطبيق الشريعه الاسلاميه
وهناك فرق شاسع بين تطبيق الشريعه واقامه الحدود وكل يختلف على الاخر
بمعنى ان تقيم الشريعه الاسلاميه وبعدين تقيم الحدود ولا تقيم الحدود وبعدين تقيم الشريعه
بمعنى اخر جوزنى وبعدين لو لقتنى انحرفت تقيم علي الحد . شغلنى ووفر ليا عمل استرزق منه واذا سرقت تقيم علي الحد
هى دى الشريعه الاسلاميه والفرق بينها وبين تطبيق الحدود
والشعب ال بيطالب بتطبيق الشريعه الان . اقم الشريعه الاسلاميه . اقم الشريعه اليهوديه اقم الشريعه المسيحيه . اقم اى شرائع سماويه . لكن تقيم فقط الحدود . على المخالفين . ده امر عبثى ولا احد يقبله
فين بقى تطبيق الشريعه الاسلاميه ال وعدونا بيها . ده السؤال
والطبيعى ان الاجابه . واحده واحده ومش هتيجى بالسهوله لان الناس مش هتتقبل ده بالشكل الفورى فمحتاجه وقت عشان تتطبع
دى من الاجابات العبيطه والهبله وتدين التيارات الاسلاميه بشكل كبير جدا بل ويجب محاكمتهم على هذا العبث . لان الشريعه الاسلاميه ليست بعبع او انها شىء مقزز . الشريعه الاسلاميه جائت بالعدل بين الناس واعتقد ان العدل لايحتاج الى وقت لنقيمه ونطبع الناس عليه . بالعكس تماما المفترض ان الناس هتفرح بتطبيق العدل السماوى ال انزله ربنا عز وجل فى كتبه السماويه . وكون انهم لايريدوا تطبيق الشريعه وانها كانت فقط سبوبه لهم للوصول الى الحكم . ده ايضا شىء غير محترم منهم
الشريعه الاسلاميه ال بيدعوا انهم محتاجين وقت بالكذب والزور والبهتان . هى من قالت الناس سواسيه كأسنان المشط . هى من قالت لافرق بين عجمى وعربى إلا بالتقوى . واعتقد ان الثورة قامت عشان العدل والعداله الاجتماعيه . اما اذا كانوا هما شايفين ان الاسلام لايعرف العداله الاجتماعيه . فده افتراء منهم على الشرائع السماويه
وهل ارتضوا ان يكونوا فاسقين وكافريين . حينما لايقيم شرع الله فى الارض لمجرد وهم ان الناس لاتطيق تطبيق الشريعه . وذالك لقوله من لم يحكم بما انزل الله الى اخر الايتين . وهل ارتضوا الفسق والكفر والزندقه لسبب وهمى يضحكون به على انفسهم
يبقى الاجابه على السؤال تكون فى موضعها الصحيح وليست هباء منثورا
فين بقى تطبيق الشريعه الاسلاميه الان ؟

[darch_99]

انت ايها السنة السوداء تمارس دعارة اعلامية تسأل السؤال ثم تجيب علية علي انه اجابة الاسلاميين انه من غير الانصاف علي الاطلاق ولا الموضوعية في الطرح ان تحاسب رئيس جلس فوق كرسي السلطة 60 يوما بالكاد او قل الحقيقة من 12 اغسطس علي نتائج حكمة او هو طبق الشريعة او لم يطبقها وسوف اظن بك حسنا انك جاهل وتسأل ولست من العملاء الذين يريدون الافساد في الارض
ان فهمك لتطبيق الشريعة يدل علي افق ضيق وعدم وعي بمقتضيات تطبيق الشريعة وكيف تطبق
ان من اساسيات تطبيق الشريعة الغراء التطبيق المتدرج ولست اهرف بما لا اعرف مثلك ولكن كل كلمة عليها دليل ان رسول الله صلي الله علية وسلم بعد فتح مكة اراد هدم الكعبة لبنيها علي قواعد ابراهيم عليه السلام فلم يستطع وخاف علي قومة من الكفر لانهم كانو حديث عهد بالاسلام وكان يعلم عظم منزلة الكعبة عندهم , ولم يحرم الاسلام الخمر مرة واحدة بل جاء التدرج في التنفيذ والتهيئة للتحريم فكانت الخمر تشرب والرسول يعلم والصحابة يشربون فلما كانت هناك مواقفا كان الواحد منهم يشرب الخمر ثم ينزل للصلاة فيهزي وهو في الصلاة من تأثير الخمر
ويتمايل وانتم اعلم بمفعول الخمر فنزل قوله تعالي ولا تقربو الصلاة وانتم سكاري حتي تعلموا ما تقولون , نهي عن اتيان الصلاة بعد شرب الخمر ولا ينهي عن شرب الخمر ثم لما اشتد الاسلام بهم وقوي في بنيانهم جاء النص بالتحريم قطعيا

ثم انت تأتي بنماذج محسوبة علي الاسلاميين كالبلكيمي وونيس
اولا هم ليسو حجة علي الاسلام بل الاسلام حجة عليك وعلي الجميع الخطأ ليس في المنهج قد يكون الخطأ فيك او في التطبيق والبلكيمي هذا اخطأ في حق نفسة وفي حق المجتمع وهو فرد فلم التعميم وهذا الونيس يا اصحاب الدعارة الاعلامية وانت تذكرة جاءت قضيته فشنك ملفقة
وحكم له بالبراءة ولكن اصحاب دكاكين الاعلام القذرة لا يظهرو ولا يعلمو المجتمع بالحكم كما شهرو به لم اقل انها دعارة اعلامية تمارس باليل والنهار
واقول لك شئت ام ابيت برغم الحرب الشعواء المدمرة الا ان حكم الاسلام سيسود وسيحكم رغما عن انف كل داعر اعلامي واكتفي بقول قل موتو بغيظكم

ان كنت تريد حقا تطبيق الشريعة فأذهب اولا تعلم فقة قراءة القرآن والسنة والية تطبيق الشريعة
ثم اتي وتكلم حتي نتناقش نقاشا علميا هادئا بدلا من هذا العك الذي اراه متداخل لديك
انا اراه ان كل افكارك عن الاسلامين تستقيها من الافلام والمسلسلات اري الافضل ان تتعلم ما سبق وبعدها يكون لنا شأن اخر او اسئل بهدوء وادب اجيبك ويجيبك العالمون ببواطن الامور

اسمعت من قبل عن شيء اسمه تطبيق فقه السنه علي فقه الواقع
س1 ما الفرق بين الحكم والفتوي ؟ واتحداك لو اجبت ّ!
واعطيني مثالا علي ذلك من الحياة ؟ ان اجبت تعالي نتناقش لثلاثة ايام قادمة بدون انقطاع

اسئل الله ان يغفر للجميع وشكرا