ارجو التوضيح من مدرسي اللغة العربية

فجر الإسلام · #1 02-06-2008, 04:03 PM

ممكن مدرس يوضح لي العلاقات بين ابيات القصيدة
او العلاقات بين الشطور وبعضها
يعني لوكانت نتيجة واللا تعليل واللا تفصيل
زي مثلا علاقة الشطر الثاني بالشطر الأولمن البيت الاتي
اختلاف النهار والليل ينسي اذكرا لي الصبا وأيام أنسي
العلاقة تعليل واللا نتيجة

فجر الإسلام · #2 03-06-2008, 12:43 AM

ايه يا جماعه فين الردود
السؤال ده ليه اكتر من اجابه وانا محتاره

د/ ماجدولين · #3 03-06-2008, 01:29 AM

اختى فجر الاسلام
الحكاية بتيجى بالفهم وحسب المعنى يعنى مثلا فى البيت بتاع شوقى بنفهمة ازاى . بصى يا ستى
بنقول ان تعاقب الليل والنهار يجلب النسيان ونتيجة لذلك يطلب شوقى من صاحبية المتخيلين ان يذكراة بايام طفولتة وشبابة اذا علاقة الشطر الثانى بالشطر الاول نتيجة لة او
يطلب شوقى من صاحبية ان يذكراة بايام الصبا لييييييييييييية؟؟؟؟؟؟؟؟؟ لان تعاقب الليل والنهار ينسى اذاعلاقة الشطر الاول بما بعدة تعليل ماشى كدة
تعالى بقى للتفصيل بيجيب حاجة مختصرة او مجملة وبعدين يبتدى يوضحها
مثال
كم تشتكى وتقول انك معدم ........................ والارض ملكك والسما والانجم
ولك الحقول وزهرها واريجها ......................... ونسيمها والبلبل المترنم
لاحظى يااختى ان الشاعر قال فى الاول ان الانسان بيمتلك السما والارض و بعدين ابيتدى يفصل ويقول انة
بيملك الحقول والازهار.................الخ
اذا علاقة البيت الثانى بالاول تفصيل بعد اجمال
كمان فى حاجة نسيت اقولك عليها اذا كان فى الابيات اسلوب شرط جملة جواب الشرط تبقى نتيجة لما قبلها
اتمنى انى اكون اقدرت اوضح الجزئية دى
وافتكرى فى النهاية ان الحكاية بتبقى تبع المعنى
فى رعاية الله

فجر الإسلام · #4 03-06-2008, 09:37 AM

شكرا على التوضيح doodo وبالتوفيق ان شاء الله