علوم المنصورة | التقديم و كتابة الرغبات

[Ahmed Magdy Beshr]

بسم الله الرحمن الرحيم


اولاً الف مبروك لكل الناس الى دخلت كلية العلوم سواء علمى رياضة او علمى علوم

هذا الموضوع خاص بعلوم المنصورة نظام الساعات المعتمدة .. و فيه طريقة كتابة الرغبات

..................................................

ندخل فى الموضوع
انت اول متروح الكلية هتروح على الشباك بتاع الشئون و تسحب ملف التقديم
و بيبقى فى ملف لعلمى رياضة و فى ملف لعلمى علوم

و طبعاً بتبقى واخد معاك شهادة الثانوية العامة و بطاقة الترشيح

فى الملف ده بيبقى موجود ورقة رغبات بها مسارات التخصص و البرامج الدراسية الى انت عايز تدرس فيها و بتبقى بالشكل ده



ورقة لعلمى رياضة و ورقة لعلمى علوم

نيجى بقى ازاى تكتب الرغبات

الصورة الى فاتت دى هى الجزء العلوى من الورقة و ده عبارة عن شكل توضيحى
اما الجزء السفلى من الورقة فده الجزء الى هتكتب فيه رغباتك

و بتبقى بالشكل ده




نفرض انك علمى رياضة
اول حاجه هتكتب اسمك و مجموعك و بعدين

و تحدد الاقسام الى انت عايز تدخلها و اسمائها موجودة فى خانة المستوى الثالث و الرابع

نفرض ان الثلاث رغبات بتوعك هيبقوا

1 - جيوفيزياء
2 - فيزياء حيوية
3 - احصاء و علوم الحاسب

يبقى هتشوف كل قسم تابع لمجموعة ايه ( رياضيات و فيزياء ) او ( رياضيات و جيولوجيا )

و تكتب كده

1 - ارغب فى القيد فى المجموعة: الرياضيات و الجيولوجيا.... برنامج الجيوفيزياء
2 - ارغب فى القيد فى المجموعة: الرياضيات و الفيزياء .... برنامج الفيزياء الحيوية
3 - ارغب فى القيد فى المجموعة: الرياضيات و الفيزياء .... برنامج الاحصاء و علوم الحاسب

و فى النهاية تكتب التاريخ و التوقيع بتاعك

نفس الكلام لعلمى علوم مع اختلاف الاقسام


ارجو تثبيت الموضوع

[واحده من الناس]

جزاك الله كل خيـــــــــــــــــر
بجد مجهود ممتاز ووفر عليا كتير جدا جدا
بس معلش عاوزه اعرف مجالات شغل الفيزيا والفيزيا الحيوى والاحصا والرياضيات
وانهى تخصص فيهم بيخرج دكتور اشعه ؟؟

وبارك الله فيك

[Ahmed Magdy Beshr]

فيزياء حيوية ... بتكون فنى اشعة

[اوجين]

طب انا علمى علوم و عايزة ادخل قسم كيمياء حيوية ,, اكتب ايه فى نموذج الرغبات ؟؟؟؟؟؟؟؟؟؟؟؟

[dr:esraa]

هو مينفعش ادخل اى حاجه فىها كميا من علمى رياضه ؟؟؟؟؟؟