حاسبات بنها

[dodo_113345]

بجد يا جماعه انا محتاجه اى حد يرد عليا انا محتاره بجد انا دخلت حاسبات بنها و انا اصلا من طنطا وممكن انى احول عين شمس علشان عندى محل اقامة فيها انا محتاره احول عين شمس ولا استنى فى بنها وهبينلكم وجهة نظرى
1- ممكن انى استنى فى بنها واجيب تقدير من الاوائل على الدفعة فى بنها واسافر بره فى بعثات بعد الكلية او و انا لسه فى الكليه وافتح لنفسى مجال شغل بره
2- وممكن انى احول عين شمس واجيب تقدير بس اكيد مش من الاوائل علشان الدراسة فيها اصعب من بنها بكتيير يعنى جيد وساعتها هتكون فرصه البعثات الخارجية صغيرة ليا يعنى ايه الاحسن ؟؟؟؟ انى اقولهوم انا الاولى على كلية حاسبات بنها ولا انى جايبة جيد او جيد جدا فى كلية حاسبات عين شمس
بجد انا محتارة ناس تقول لا الاول صح وناس تقول التانى صح فايه نظام البعثات ده وبيجى لميين وهل كل الجامعات سواسية فى الموضوع ده مع العلم انى جايبة 98% وحابه المجال ده اوى وهل الشغل بيكون اوفر لخريج بنها ولا عين شمس انا عارف انها بتتوقف على استخدامك للكمبيوتر لكن اكيد الشهاده ليها دور برده المهم بس المنح الخارجية بتيجى لميين يعنى كل الكليات واحد فى نظر المانحيين ؟؟؟؟؟؟؟؟؟؟؟

[المهندس محمد رمضان]

على فكره انا بتقابلنى نفس مشكلة حضرتك بالظبط بس انا كنت عايز احول هندسة الكترونيات منوف برضو بيقولو انها ممتازه فى مجال الالكترونيات

[ccna.and.mcse]

حاسبات بنها كويسة و بالنسبة للكورسات فدى أدوات مش علم
يعنى احنا بندرس علم مش مجموعة كورسات زى اى كلية اخرى بتدرس علم فى مجال تخصصها و خريجى الكلية بيشتغلوا فى الشركات المالتى ناشينوال او بيسافروا اوربا و تركيا و استراليا و كندا و امريكا و دول الخليج

[ENG MEDO MAGDY]

حاسبات بنها ممتازة بس فيها قسم واحد الى هو علوم الحاسب اما عين شمس فيها 5 اقسام وبعدين فى مسابقة على مستوى العالم اسمها acm بتقام فى عين شمس والقاهرة بس على حد علمي

[Eng.Mo'men]

عين شمس طبعاً , ممكن تدخلي بنها ومش تجيبي تقدير ومش تطلعي من الاوائل وساعتها هتندمي , خليكي فى المضمون وادخلي عين شمس .

[coming_soon1986]

بالتوفيق للجميع