انا جبت 95.5 ومحتار علوم ولا رياضه انصحونى

[ahmedpopp]

المشاركة الأصلية كتبت بواسطة dr.mohamed attia

لا ادخل رياضة صدقنى احسنلك واضمنلك انا كنت جايب ف تانيه 96 بس كنت احياء ف تانيه وطلع عينى ف تالتة وجبت 99 وكله على بعضة بقى 97.5 ويدوب لحقت طب بيطرى لكن الهندسة واخدة من 94.5 فا احسنلك رياضة
ومتقنعش نفسك انك ما بتحبش الرياضة انا طول عمرى كنت بقول مش هعرف ادخل طب بيطرى لانى بخاف م الحيوانات ولما جة التنسيق واتحطيت ادام الامر الواقع اضطريت احب الكليه ومتفتكرش ان صيدله هتفضل على 402 دى اكيد هتعلى لانهم كل سنة بيقللوا الاعداد عن السنة اللى قبلها فخد باللك ونصحتى ليك رياضة واى استفسار اتفضل

عرفت منين حضرتك ان صيدله هتعلى عن 402 وعرفت منين ان انهم كل سنه بيقللوا الاعداد عن السنه الى قبلها ليه بيقللوا يعنى ؟ممكن تشرحلى حتى اقتنع وتتوقع صيدله تاخد من كام السنه الجايه

[دراكو مالفوى]

بص نصيحة منى متسمعش كلام الناس اللى تقد تعقد فيك وتقولك رياضة اضمن والكلام الفاضى ده
انت شوف مستواك يوصلك لغايه ايه .ولازم تشد حيلك على الاخر يعنى مسألة حياة او موت
وانت ادرى بنفسك تقدر تجيب كام فى السنتين.
اما الاستاذ اللى بيقولك الصيدلة مش هتبقى 402 وهتعلى مش عارف هو جاب الفتوى دى منين
واعتقد ان اللى حصل السنادى كان بسبب ان الوزير شكله كوش شوية من الجامعات الخاصة
ملحوظة كمان.الصيدلة هتقل عن السنادى ممكن توصل 401 وده كويس فى صالحك.
ثم لازم تحط فى دماغك 10 مستوى مش 9.5
وموضوع ازاى عرفت ان الصيدلة هتبى 401 كلام اكيييد( فى حالة ان الامتحانات كانت زى السنادى)
ادخل على موقع الاستاذ
2011
اللى كان جايب 201 كان ترتيبه 20000
2012
اللى جاب 201 ترتيبه 11000
اللى جايب 200.5 ترتيبه 14000
اللى جايب 200 ترتيبه 18000
شايف فيه فرق كبير اوى
وده هيفرق درجة على الاقل فى التنسيق باذن الله
ملحوظة_ الامتحانات ممكن تتيجى اصعب من السنادى علشان التنسيق يبقى مرة فوق ومرة تحت
فدا كويس جداا

الخلاصة
لو شايف نفسك تقدر تجيب فى السنتين 402 او 401
كمل ثم كمل ثم كمل علمى علوووم

[Dr.Mohamed Attia]

المشاركة الأصلية كتبت بواسطة ahmedpopp

عرفت منين حضرتك ان صيدله هتعلى عن 402 وعرفت منين ان انهم كل سنه بيقللوا الاعداد عن السنه الى قبلها ليه بيقللوا يعنى ؟ممكن تشرحلى حتى اقتنع وتتوقع صيدله تاخد من كام السنه الجايه

اقولك بقى وجهة نظرى ودى وجهة نظرى مش فتوى زى البنى ادم التانى دة ما بيقول

حكايه ان الصيدلة ممكن تزيد عن 402 دى توقع لانى بقول انهم هيجيبوا الامتحانات سهلة عشان يخلصوا من كل الطلبة بتوع النظام القديم ويبقى كله نظام الثانوية الجديدة اللى هو السنة الواحدة ودة هيجى على دماغ الطلاب ف التنسيق وهيتظلموا زينا ودة مش هيفرق معاهم زى ما مش هيفرق معاهم السنة دى بردة وموضوع بيقللوا الاعداد دة فدة نظام متبع من 2007 بقرار من مجلس الجامعات ان كليات القطاع الطبى والهندسى تقل كل سنة عن السنة اللى قبلها بنسبة 12.5 % ودة بعد ما نقابات الاطباء والصيادلة واطباء الاسنان والاطباء البيطرين والمهندسين اشتكت من زيادة اعدادهم وممكن تدخل ع النت وتعرف كل دة لكن انا ما اعرفش صيدلة ممكن تاخد من كام الغيب لا يعلمة الا الله

والكابتن اللى بيقولك ع التريبات دة مش واخد باله ان الترتيب بيتغير من تانية لتالتة زى الفرق بين السما والارض لانك ما تعرفش مين مجموعة هيزي ومين مجموعة هينقص ومين هيفضل زى ما اهو وهقولك تجربتى انا كنت جايب 96 ف تانيه وترتيبى كان 48 الف وجيت ف سنة تالتة زيدت شويه لحد ما وصل مجموع السنتين 97.5 وترتيبى وصل 21 الف وشوية ومالحقتش الا طب بيطرى بردة واحد صاحبى بقى كان جايب 97.8 ف تانيه وترتيبة كان 21 الف ونقص ف تالتة ومجموع السنتين بقى 95.8 وترتيبة 40 الف ودخل علوم بالقوة كدة انا قلتلك كل دة ليه عشان بس افهمك ان الموازين هتتقلب خالص ف تالتة الله اعلم مين هيزيد ومين هينقص لكن انا بنصحك تخليك ف المضمون ودى نصيحة مش امر يعنى تعمل بيها انت حر ما تعملش بيها انت حر وانا اسف اصلا انى ادخلت ف الحوار ورديت من الاول

[..: Pink rose :..]

المشاركة الأصلية كتبت بواسطة dr.mohamed attia

اقولك بقى وجهة نظرى ودى وجهة نظرى مش فتوى زى البنى ادم التانى دة ما بيقول

حكايه ان الصيدلة ممكن تزيد عن 402 دى توقع لانى بقول انهم هيجيبوا الامتحانات سهلة عشان يخلصوا من كل الطلبة بتوع النظام القديم ويبقى كله نظام الثانوية الجديدة اللى هو السنة الواحدة ودة هيجى على دماغ الطلاب ف التنسيق وهيتظلموا زينا ودة مش هيفرق معاهم زى ما مش هيفرق معاهم السنة دى بردة وموضوع بيقللوا الاعداد دة فدة نظام متبع من 2007 بقرار من مجلس الجامعات ان كليات القطاع الطبى والهندسى تقل كل سنة عن السنة اللى قبلها بنسبة 12.5 % ودة بعد ما نقابات الاطباء والصيادلة واطباء الاسنان والاطباء البيطرين والمهندسين اشتكت من زيادة اعدادهم وممكن تدخل ع النت وتعرف كل دة لكن انا ما اعرفش صيدلة ممكن تاخد من كام الغيب لا يعلمة الا الله

والكابتن اللى بيقولك ع التريبات دة مش واخد باله ان الترتيب بيتغير من تانية لتالتة زى الفرق بين السما والارض لانك ما تعرفش مين مجموعة هيزي ومين مجموعة هينقص ومين هيفضل زى ما اهو وهقولك تجربتى انا كنت جايب 96 ف تانيه وترتيبى كان 48 الف وجيت ف سنة تالتة زيدت شويه لحد ما وصل مجموع السنتين 97.5 وترتيبى وصل 21 الف وشوية ومالحقتش الا طب بيطرى بردة واحد صاحبى بقى كان جايب 97.8 ف تانيه وترتيبة كان 21 الف ونقص ف تالتة ومجموع السنتين بقى 95.8 وترتيبة 40 الف ودخل علوم بالقوة كدة انا قلتلك كل دة ليه عشان بس افهمك ان الموازين هتتقلب خالص ف تالتة الله اعلم مين هيزيد ومين هينقص لكن انا بنصحك تخليك ف المضمون ودى نصيحة مش امر يعنى تعمل بيها انت حر ما تعملش بيها انت حر وانا اسف اصلا انى ادخلت ف الحوار ورديت من الاول

انا مقتنعة بكده برضوا ..
ربنا يستر علينا بقى
و بيطري حلوة جدا انا اخويا فيها و داخل تالتة

[Dr.Mohamed Attia]

المشاركة الأصلية كتبت بواسطة ..: Pink rose :..

انا مقتنعة بكده برضوا ..
ربنا يستر علينا بقى
و بيطري حلوة جدا انا اخويا فيها و داخل تالتة

طيب ربنا يطمنك وتكون حلوة فعلا