انا كرهت التعليم والثانويه ومش عايزه اذاكر

[Mohamed Nada*]

بالنسبة لموضوع الاصحاب ده فهو عادي جدا يعني انا مثلا كل زمايلي اللي معايا علاقتي بيهم علاقة سطحية ومش معاهم من وانا صغير حتى الناس اللي كنت معاهم من وانا صغير مكنوش صحابي اوي يعني موضوع الصحاب ده مش بيفرق معايا اوى يعني يعني انتي اتعاملى على انهم زمايل وخلاص وهيجيلك يوم تكتشفي فيه صديقة حقيقية ليكي

بالنسبة للدراسة والله انا برضو مليش نفس اذاكر وكده زي السنة اللي فاتت يمكن عشان لسه في اولها او حاجة
وكتير كده برضو ناس كتير مش ليها نفس تذاكر بس انتي اعملى اللي عليكي وسيبي الباقى علي ربنا
ومش دايما الانسان بيوصل للي هو عاوزه لان ربنا بيقدر الافضل من اللي احنا عاوزينه

توكلي على الله فقط .......

[FOoka]

اولا انتى كتبتى الموضوع ده لانك عاوزه تفرغى الحزن والالم الى جواكى

ولا لانك عاوزه حد يساعدك ويقولك على حل


لو عاوزانى اساعدك واقولك على حل انا معاكى باذن الله


بس حل لاى مشكله لا يمكن ان ياتى الابمعرفه التفاصيل يعنى بالنسبه لمجموعك الى مش عاجبك


والكليه الى كان نفسك فى فيها وبالنسبه لاصحابك كل مشكله وليها حل واوعى تقولى ان مشكلتك ملهاش حل ابدا


لا يياس من رحمه الله الا ....


اوعى فى يوم تياسى من رحمه الله فهمينا قوليلنا واحنا بعون الله هنساعدك

[THE CodeR]

عايزة تطلعي غانمة من الثانوية العامة
افهمي الرياضيات و افهمي النحو....
غير كده كلام فاضي و مش هتستفادي منه في حياتك
هقولك حكاية صاحب ليا
كان في تالتة ثانوي و جاب 70% و دخل معهد الكترونيات حاجة كده
المهم ايام الثورة عمل مظاهرات مع عدد كبير من الطلاب كان هو اللي جمعهم قدام الوزارة عشان يطالب بتطوير التعليم
و مازال لغاية دلوقت بيجمع الناس عشان يقدموا افكارهم في المجال ده و بيقدر يوصلهم للوزارة و يقدموا افكارهم خلالها
النظام الجديد اللي اتعمل في ثانوي كان فعلاً بيشمل افكار كتير كان قدمها الناس اللي قدر يوصلهم للوزارة اهمها فكرة السنة الواحدة للثانوية العامة
اهه
دلوقت لا استفاد من التعليم ولا دخل طب ولا هندسة
لكن ساهم انه يعمل فرق في حاجة و ربنا كرمه
الفكرة فكرة نية صافية و عمل جاد يا استاذة
خسارتك الثانوية مش معناها انك خسرتي حياتك
بالعكس
في طلبة كتير متفوقين في ثانوية فعلاً عقول فارغة و عن تجربة
انتي اللي بتعملي الفرق بنفسك
لو حابة يكون عندك صحبة شاركي معانا علي المنتدي
انا اعرف ان هنا في شخصيات محترمة كتير ان شاء الله هتعتزي بمعرفتهم كتير

[sameh mostafa]

طب صلى على الحبيب المصطفى مهما كان مجموعك كونى فخورة انك من الصفوة ((الثانوية العامة)) انا خلصت ثانوية عامة السنادى ورحت اعمل بدل فاقد وكتبين المهنة ثانوية عامة هههههههههههه والله فرحان وبغيظ بيها اخوتى اللى فى الكليات بقولهم انتو مكتوبلكم طالب خلاص 2 ثانوى سنة وعدت وقدامك 3 ثانوى سنة جديدة وصدقينى لو جبتى فى3 مجموع يرضيكى هتكونى راضية طول حياتك وهترضى باى كلية تيجى

[~ Smile 4 Life ~]

المشاركة الأصلية كتبت بواسطة صلي علي الحبيب المصطفي

مش عايزه ادخل تالته ثانوي
مش عايزه اكمل
مش طايقه ابص لشكل الكتب
ولا طايقه اشوف استاذ
ولا عايزه اكمل تعليم
ولا عايزه ادخل المدرسه
انا تعبت
ومحدش هيسمعني ولا هيفهمني
كرهت كل حاجه
وكرهت كل الناس
حتي مفيش اصحاب يقفوا جمبي يشجعوني
انا من جوايا رافضه المذاكره
اعمل ايه
انا مشعارفه انا بقول كده ليه
بس نفسي اعيش بقه
مش لاقيه حد يسمعني

اللي أقدر أقولهولك ان لازم تعرفي ان الدنيا مش مستاهلة كل ده...
وانتي اللي بتتعبي نفسك بنفسك وكل ما هترددي الكلام ده هتتعبي أكتر ده شعور بيبقي عند معظم الطلبة خاصة في بداية السنة يعني مش لوحدك...
بالنسبة للمجموع لازم تعرفي ان (ربنا كاتبلك اللي فيه الخير)باذن الله...
وانا أعرف ناس كتير مش هقولك جابوا مجاميع عالية في تانية ونزلوا في تالتة لأ,دول دخلوا طب وصيدلة ومقدروش يكملوا فيها وحولوا بعدها علي تجارة وغيرها...يعني مش معني ان الواحد يدخل كلية قمة يعني كده حقق اللي عاوزه!!!أهم شئ لازم الانسان يتفوق في الكلية اللي يدخلها أيا كانت..وقتها بس هيحس انه فعلا تفوق وحقق اللي بيتمناه...
فانتي حاولي انك تشيلي الافكار دي من دماغك..وارضي باللي ربنا أعطهولك لان دي حاجة مش بايدك وحاولي تقربي من ربنا وتقري قرآن كتير ,وأهم شئ متسمعيش لكلام الناس وخلي عندك ثقة بنفسك ...
وربنا يوفقك..

[دكتور كريم الزعيقي]

احنا هنا اهو وبنسمعك وقولى كل اللى فـ نفسك علشان تفرفشى بعد كده
وانتى لسه قدامك السنه كلها اجتهدى واعملى اللى عليكى وربنا هيوفقك ان شاء الله
حتى لو مدخلتيش اللى نفسك فيه وعملتى اللى عليكى تأكدى إنك ع الأقل خالص هتفرقى عن غيرك كتييير وأى مجال تدخليه (أى مجال) تفوقى فيه وزى ما قلت لكى (دى حاجة انا متأكد منها مش كلام شعارات) هتفرقى عن غيييرك
وخليكى مؤمنة بقدراتك
وحاولى تتصاحبى على اى حد (احنا هنا أصحابك برضو) بس انا اقصد حد تشوفيه مش ع النت يعنى وربنا معاكى