كل سنة وانتم طيبين.

[النسر المصرى]

اتمنى الازهر ينضف من مجموعة الحرامية الى واكلينه .. تعيينات بفلوس .. 25 الف وطالع .. والنتيجة ايه مدرس متعيين يدرس مادة ما يعرفش عنها حاجة الا من رحم ربى .... ادارى فاشل ما يعرفش يفيدك بحاجة الا من رحم ربى .. طالب طالع واخد الثانوية الازهرية ومش حافظ جزء عم حتى الا من رحم ربى ... يعنى لا تعليم ولا ادارة فى هذه المؤسسة المخترقة ... وحتى السادة المدرسين الافاضل الى يستاهلو التقدير مفيش اى تقدير بالمرة لا مرتب زى الناس ولا معاملة تنصف .. موجهين يعملولك تقارير من غير ما يشوفوك اصلا .. تبص تلاقى نفسك جايب جيد ولا جيد جدا على اساس ايه مش فاهم ... المؤسسة على بعضها ماشية بالكوسة والهلاهوطة والمحسوبية ... حسبنا الله ونعم الوكيل . لكن فى خضم كل هذا الفساد اتمنى لهذه المؤسسة ان تحظى بمكانتها التى تستحقها ... تعليم بجد . ادارة فاهمة ومنجزة . مدرسين مدربين ومؤهلين وعلى قدر من الكفاءة مش شغالين بالمتر . وفوق كل ذلك شيخ منصف ... اتمنى نتساوى بالتربية والتعليم فى كل شىء ما نبقاش ديل ليها . اتمنى نقابة تمثلنا ونشوف دورها ونشارك فيه .. بصراحة امنياتى كتيير جدا لو قعدت اكتب فيها من هان لبكرة مش حخلص . فكفاية لحد كدة وشكرا