الموضوع ده هيوفر كتير لكل اللي عاوز يتفوق ثانوي عام ان شاء الله

[سندريلا 4444]

المشاركة الأصلية كتبت بواسطة lolododo2010

ايوه كده اسالوا براحتكم
انك تعملي قاموس وماله بس خلاص كل الكتب الخارجيه عامله قاموس لاهم الكلمات في الاخر ده شوفناه في 3 و2 ثانوي وكذلك المدرسين بيدوا كلمات متخصصه في الاقتصاد والزراعه وكده فاحسن من انك تقعدي تكتبي استغلي وقتك في حفظهم
انا من اولي بذاكر العربي من المثالي ده الاساس وبحل من الامتحان بس الاضواء بيزود حاجات ملهاش لزمه وبيشيل من الاساسي هو المثالي في العربي مش معروف بس اسلوبه كان بيريحني جدا وان جيتي برده للحق الاضواء متناول النحو كويس فاما مثالي وامتحان او اضواء وامتحان بالنسبه لمراجعه الكلمات اللي حفظتيهم بالورقه والقلم أي حاجه بيهم بتثبت باذن الله
كتاب الامتحان بيجي منه الامتحان بالنص في أي ماده علميه اقصد الافكار اللي بتيجي بس في كيمياء 2 رائع جدا مفيش احسن منه
قصه الانجليزي مذاكرتها سهله بتقري الاول الشابتر من القصه الاساسيه وبعد اما تفهميه تحفظي اسئلته ولما تيجي تراجعيها بتقريه تاني من القصه الاساسيه
بصي المذاكرة مش بالكم لكن الكيف حاولي تخلي حد يصحيكي شويه شويه هتتعودي علي الصحيان بس في العموم حاولي تذاكري كل اما تبقي صاحية مترطبتيش بمعاد مذاكرة محدد مش لازم الفجر يعني كل اما تبقي صاحية ذاكري عموما هو الطبيعي للنوم من 6الي 8 ساعات وغالبا سننا ده 8 ساعات والناس الكبيرة العواجيز حبه 6 ساعات عموما هتلاقي ضميرك بيصحيكي لكن طبيعي جسمك بيبقي مخلص تعبان فبتنامي اكتر في الاجازة عادي
أي حاجه تعوزيها انا موجودة بس الدراسه قربت والتقديم والورق للجامعه هحاول اقولكم باقي الكلام قبل اما انشغل

تسلمي يا دكتورة
هوه بالنسبه للدروس المواد هتباه كتير وعلشان االوقت وكده يعني لو اخدت في كل ماده درس يبقي حلو علشان اقدر اذاكر بس في مواد مثلا زي الفيزياء والكيمياء عندنا فيه مدرس شرحه حلو اوي بس مش بيهتم بالامتحانات والاسئله فبنضطر ناخد عند 2 ده ايه نظامه باه انتي كنتي بتاخدي في مواد ايه

[lolododo2010]

المشاركة الأصلية كتبت بواسطة سندريلا 4444

تسلمي يا دكتورة
هوه بالنسبه للدروس المواد هتباه كتير وعلشان االوقت وكده يعني لو اخدت في كل ماده درس يبقي حلو علشان اقدر اذاكر بس في مواد مثلا زي الفيزياء والكيمياء عندنا فيه مدرس شرحه حلو اوي بس مش بيهتم بالامتحانات والاسئله فبنضطر ناخد عند 2 ده ايه نظامه باه انتي كنتي بتاخدي في مواد ايه

انا خدت كتير مع مدرسين الفيزياء من الاخر خديها مني نصيحه اللي تفهمي منه اوي او اللي يقعد يديكوا اسئله صعبة ويحسسكوا انكم مش فاهمين حاجه هو الافضل لكن عموما لا انصح بمدرسين في 3 بالذات لانها تضييع للوقت وظلم لمواد تانيه الحل اسالي عن افضل مدرس وروحيله وشوفي الافضل نتايجه احسن تابعي معاه اساليه حلي كتاب الامتحان وفي ملازم رائعه هنا ع المنتدي اسئله صعبة حليها واساليه بلاش 2 في الفيزياء ده مش حل ده غلط وانا بعد اما عملتها رسيت في الاخر علي واحد لحد شهر 4 وبعد كده في 5 قعدت في البيت اذاكر لوحدي ومزلتش الا عربي وانجليزي بس