مساعدة في هندسة اسكندرية

[mayar_mayar]

يا جماعة أنا جاتلي الحمدلله هندسة اسكندرية أنا بس كنت بسأل عن الاقسام الخاصة أنا عارفة الاقسام نفسها انما أنا عايزة أعرف نظام الدراسة وإيه هي الcredit hours وياترى انهوا أحسن الاقسم العادية ولا الخاصة والمصاريف كام في السنة وكده

[المحب لله]

المشاركة الأصلية كتبت بواسطة mayar_mayar

يا جماعة أنا جاتلي الحمدلله هندسة اسكندرية أنا بس كنت بسأل عن الاقسام الخاصة أنا عارفة الاقسام نفسها انما أنا عايزة أعرف نظام الدراسة وإيه هي الcredit hours وياترى انهوا أحسن الاقسم العادية ولا الخاصة والمصاريف كام في السنة وكده

بصى هو على حسب انتى حابه ايه يعنى لو حابه حاجه عاوزه تدريسيها وهيا خاص خلاص اتوكلى على الله بس انا عن نفسى مش بحبه هو تقريبا ب 5000 فى التيرم على منا فاكر او فى الرنج ده . اما الكريدت اور ده نظام الساعات المعتمده ومش مطبق عندنا فى هندسه اسكندريه اما عن نظام الدراسه وكده شوفى الموضوع ده كنت كاتبه ايام مخلصت اعدادى http://www.thanwya.com/vb/showthread.php?t=356835 وبالتوفيق

[mayar_mayar]

مرسي جدا يا باشمهندس.. حاضر حاشوف الموضوع دلوقتي وشكرا لتعب حضرتك

[المحب لله]

المشاركة الأصلية كتبت بواسطة mayar_mayar

مرسي جدا يا باشمهندس.. حاضر حاشوف الموضوع دلوقتي وشكرا لتعب حضرتك

العفو على ايه ربنا معاكى اى سؤال فى الكليه تحت امرك

[بحر_الامل]

المشاركة الأصلية كتبت بواسطة المحب لله

العفو على ايه ربنا معاكى اى سؤال فى الكليه تحت امرك

بقولك يا ريس معلش هتعبك معايا

هو انا بصراحة مش عارف احدد تخصصى و لا الكلية حتى بالرغم انى جايب فى تانية ثانوى 98 %

الكل بيقولى يا باشمهندس من ونا صغير و لما كبرت و قريت عن الاقسام معرفتش احدد انى قسم اقرب لية

فانا حاليا اعانى من عدم تحديد الهدف(الكلية) بالرغم ان مجموعى كويس و يدخلنى هندسة مستريح

فتنصحنى بايه يا بشمهندس عشان احدد هدفى و هل صحيح ان فى بيان تم نشره ان بعض الاقسام فى هندسة فيها بطالة كتير و ايه سبب البطالة دى
و هل صحيح ان حاليا كلية الهندسة معظم تخصصاتها مبقوش ليه شغل ( خاصة البترول ) و حالية المستقبل لكلية حاسبات و معلومات ؟

[المحب لله]

المشاركة الأصلية كتبت بواسطة بحر_الامل

بقولك يا ريس معلش هتعبك معايا

هو انا بصراحة مش عارف احدد تخصصى و لا الكلية حتى بالرغم انى جايب فى تانية ثانوى 98 %

الكل بيقولى يا باشمهندس من ونا صغير و لما كبرت و قريت عن الاقسام معرفتش احدد انى قسم اقرب لية

فانا حاليا اعانى من عدم تحديد الهدف(الكلية) بالرغم ان مجموعى كويس و يدخلنى هندسة مستريح

فتنصحنى بايه يا بشمهندس عشان احدد هدفى و هل صحيح ان فى بيان تم نشره ان بعض الاقسام فى هندسة فيها بطالة كتير و ايه سبب البطالة دى
و هل صحيح ان حاليا كلية الهندسة معظم تخصصاتها مبقوش ليه شغل ( خاصة البترول ) و حالية المستقبل لكلية حاسبات و معلومات ؟

بص يانجم حكايه تحديد الهدف دى عاديه جدا يعنى مش خارقه انته لوحدك يعنى انا اصلا مكنتش عارف عاوز ايه عادى يعنى بتيجى من انك تحاول تسمع من اى حد فى قسم معين مثلا بيدرسوا ايه هل مثلا فيه فيزيا لا انا بكره الفيزيا يبقى فكنى من القسم ده مثلا مجال الشغل كهربا وكده لا انا مش حابب كده طيب بحب اقف فى موقع واشوف العمال وكده يبقى مدنى فاهم قصدى تحاول تحصر المشكله بانك تشوف بتحب ايه مثلا فى المواد وبتكره ايه وفى نفس الوقت طبيعه الشغل لما اتخرج

حكايه بقى بطاله وكلام فاضى فكك منها انته لو حابب قسم غزل الى هوا واخد سمعه وحشه معرفش ليه لانوا اقل قسم فى الكليه تبقى غلطان لو مدخلتوش انته حتعيش مره واحده فخش الى انته حابه سيبك من الشغل والكلام ده بايد ربنا منا اعرف ناس معاها دبلوم وبسم الله ماشاء الله عمارات وعربيات عادى دى حاجه بتاعه ربنا متركزش فيها كل واحد ليه نصيب حياخده المهم تخش الى انته حابه وبسس واسف على الاطاله