مسابقة عمان للمدرسين 2012/2013 ارجو التثبيت

[zeyadmaya]

انا تعاملت مع مكتب و اتصل بيا و قالى ان اوراقى اتقبلت و المهم ان العمانى عايز 23 الف جنية انا دغعت 5 الاف على ان يكون التعاقد باذن الله يوم الاحد او الاتنين بس انا مستحرم دفع فلوس و مش عارف اعمل ايه و مفروض الراجل هيتصل على
يا ريت حد يتناقش معايا

[sherifkhattab]

مشكلتك ياخى انك دفعت فلوس قبل اخذ المشورة.انا كان رايى انك تقدم عادى ولو فيه نصيب حيجيلك من غير دفع فلوس.المشكلة دلوقتى ان يكون الراجل بينصب عليك.حاول الا تدفع فلوس اخرى الا بعد التاكد من العقد وانهاء الاجراءات للسفر.

[zeyadmaya]

المشاركة الأصلية كتبت بواسطة sherifkhattab

مشكلتك ياخى انك دفعت فلوس قبل اخذ المشورة.انا كان رايى انك تقدم عادى ولو فيه نصيب حيجيلك من غير دفع فلوس.المشكلة دلوقتى ان يكون الراجل بينصب عليك.حاول الا تدفع فلوس اخرى الا بعد التاكد من العقد وانهاء الاجراءات للسفر.

دفع باقى الفلوس بعد كتابة العقد فى السفارة
بس مشكلتى ان الفلوس دى رشوة فزوجتى مستحرمة الامر و بصراحة السفرية دى هتفرق معايا كتير على الاقل اقدر اشترى شقة و لكن مسالة الحرمانية هى اللى معكرة صفوى و مش عارف اعمل ايه؟

[سمسم استار]

ياريت تسحب قلوسك وتنسى عمان دية لان بيودوا المصريين جبال شاهقة جدا وصعب العيشة فيها بحيث يرتاح ابن البلد

[الصفوى971]

ومن يتق الله يجعل له مخرجا
لعن الله الراشى والمرتشى والرائش " أى الوسيط بينهما "
اترك الحرام ويقينا والله سوف يرزقك الله من الحلال

[mr_ms1985]

حبيبى الحمد لله ان انت حاطت فى اعتبارك الحرمانيه وانت تعلم علم اليقين ان الرشوه حرام ومافيهاش نقاش فكر تانى وحاول تستعيد اللى حضرتك دفعته ولو مكتوبالك اكيد هاتجيلك من غير رشوه

[أ / محمود هيكل]

رد الله عليك مالك ورزقك من حيث لا تحتسب

[النجم الأحمر]

عشان تدفع 23000 وتدفع عليهم كمان 6000 تأمينات ومعاشات على 2000 جنيه على الأقل مشتريات ومستلزمات سفر يبقى هتشتغل أول سنة ببلاش وكمان تطلع مديون فى النهاية ياراجل حرام عليك دا الناس بيجيلها العقد ببلاش وبتعمل استخارة تروح ولا لا؟ وانت تروح تديلهم 5000 بإيدك

[مهندس رضا]

المشاركة الأصلية كتبت بواسطة النجم الأحمر

عشان تدفع 23000 وتدفع عليهم كمان 6000 تأمينات ومعاشات على 2000 جنيه على الأقل مشتريات ومستلزمات سفر يبقى هتشتغل أول سنة ببلاش وكمان تطلع مديون فى النهاية ياراجل حرام عليك دا الناس بيجيلها العقد ببلاش وبتعمل استخارة تروح ولا لا؟ وانت تروح تديلهم 5000 بإيدك اللى هياكلها الدود؟

و في ناس كتير راحو سنة واحدة و معرفوش يكملوا تاني لأنهم بيودهوم مناطق جبلية وعره يصعب الوصول اليها و لا توجد بها خدمات أساسية .. اثنين من مدرستنا سافروا سنة و احدة و عادوا و لم يكملوا العقد ...

[احمد سمسوم]

بما انك عضو ممتاز في المنتدي ايه رايك في موضوع عمان وطرقه الملتوية

[أ / محمود هيكل]

المشاركة الأصلية كتبت بواسطة احمد سمسوم

بما انك عضو ممتاز في المنتدي ايه رايك في موضوع عمان وطرقه الملتوية

أخي الحبيب أحمد ......رأي المتواضع في هذا الأمر أن الرزق محسوم بأمر الله وكما قال النبي الكريم (( لا حيلة في الرزق )) لذلك لا أرجح السفر بهذه الطريقة و أفضل السفر العادي ولا مانع أن يكون عن طريق مكاتب التوظيف برسوم معقولة لتخليص الأوراق من السفارة وغير ذلك فذلك عملهم أم دفع رشاوي وتأمرات لأخذ ما ليس بحق فلا أحب ذلك ولن يبارك الله فيما يأتي من وراءه من رزق وليكن كل شخص عنده ثقة في خبرته وقدراته ومهاراته مهما كانت في المقابلات الشخصية وليترك الأمر برمته لله.

[zeyadmaya]

المشاركة الأصلية كتبت بواسطة أ / محمود هيكل .

.. أفضل السفر العادي ولا مانع أن يكون عن طريق مكاتب التوظيف برسوم معقولة لتخليص الأوراق من السفارة وغير ذلك فذلك عملهم أم دفع رشاوي وتأمرات لأخذ ما ليس بحق فلا أحب ذلك ولن يبارك الله فيما يأتي من وراءه من رزق وليكن كل شخص عنده ثقة في خبرته وقدراته ومهاراته مهما كانت في المقابلات الشخصية وليترك الأمر برمته لله.

لا يوجد سفر حكومة عن طريق مكاتب الا بدفع فلوس (رشاوى) سواء قليلة او كثيرة و هى دى مشكلتى و الا كنت سافرت و على فكرة انا متميز و متمكن من مادتى و الحمد لله

[احمد حاكم]

نعم المصريين بيبيعوا المصريين للاسف سلوك لم يتغير ولن يتغير وكمان بيعلموا بتوع الخليج ازاي يبيعوا العقد وكمان فيه اكتر من سيده بتبيع وتشتري في المدرسين المصريين للاسف ..يعني اللي عايز يتعاقد في عمان لازم يدفع ...رشوة

[محمدمحمودمحمدعبدالكريم]

الله الغنى عن عقدهم

[zeyadmaya]

خلاص انا اتخذت قرارى و اتصلت بالراجل و اخبرته انى لن استطيع السفر لظروف لدى .فربنا يعوضنى خير اللهم امين