|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-08-2012, 06:17 PM
|
|||
|
|||
حقيقة اعداد الكليات للمرحلة الاولى ...علشان نفهم الحقيقة مش اكتر !!!
بالنسبة لموضوع ان كليات الطب خدت اقل من العدد 7500 والناس بتقول 7100 الكلام او كلية من الكليات في اي جامعة خدت عدد طلبة قليل ... فلازم الناس تفهم ان الموضوع مش بيتحسب كده موضوع الاعداد المقبولة في الكلية ده احنا هنشوفه بعد حساب كل الاعداد للكلية يعني مثلا لو الكلية واخدة 800 داخلين من التنسيق مرحلة اولى عايز اوريكم الحسبة ازاي :
- بيكون فيه ناس مدبلرة من السنة اللي قبلها ممكن يكونوا 200- 300 - بيكون فيه ناس شهادات معادلة من الدول العربية ودول ممكن يكونو 300 بردوا -بيكون فيه ناس شهادات اجنبية نفس الكمية او اقل شوية نقول 200 - بيكون فيه ناس محولة ودول كتييييير نقول ممكن يوصلوا اكتر من نص العدد المقبول في اول مرة يعني نقول 400 - بالنسبة لبعض الكليات الهندسية بيكون فيه بعض الدبلومات الفنية والشهادات المتوسطة وغيرها بيوصلوا لعدد كويس بردوا 200 ولاحاجة الخلاصة ومن واقع المستندات لكليات طبية وهندسية تلاقي داخل 1000 واحد في الاخر تلاقي الدفعة مش اقل من 2200 - 2500 ويمكن اكتر كمان .... ياريت بقى تفهموا النقطة دي وبعدين تلاقي ناس تقول طيب ماهو فيه كلية منهم خدت 50 واحد بس الكلية دي على بال مانطبق نفس نسبة الزيادة ممكن توصل تاخد 200 او 300 ودي ممكن تكون اقصى قدرة استيعابية للكلية حسب اعضاء هيئة التدريس والامكانيات اللي غالبا بتكون ضعيفة اساسا ويمكن متتحملش حتى وجود المئات دول .... طبعا انا ليا اصحابي وجايبين مجاميع عالية وكان نفسي يدخلوا كليات اعلى بس للاسف احنا كلنا بنفكر بانانية لنفسنا وفقط ... يعني الكليات والناس اللي متخرجة تقولنا على فكرة التعليم اساااااااااااسا سئ ومنعدم ومفيش فيه امل والعدد الحالي اساسا كبير يعني المفترض في الطب ياخدوا اقل من 7000 .... الناس تقولك واحنا مااااااااالنا مايدخلونا وكلنا هنستحمل بعض ... ده كلام الحقيقة يمكن من الروح الحلوة للناس وانا معاهم لكن الحقيقة بجد ان ده كلام خارج اي نطاق حقيقة او منطق او عقل ومجرد خيال وكمان فيه انانية وخلاص اني هدخل واللي يحصل يحصل .... مع ان بلدنا في الفترة دي متتحملش ابدا ابدا ابدا المنطق ده ولاالتفكير البعيد كل البعد عن اي قواعد او اسس حد ممكن يبني عليها فكرة او قرار او يوصل لحل فياريت بقى الناس تفهم وتعقل الامر وترضى وتبدع في اي حاجة دخلت فيها لان الاساس البني الادم الناجح والمتميز ناجح في كل مكان وزمان وهو اللي يقدر يوصل لنتيجة كبيرة ويحققها في اي كلية كان فيها مش العكس ... والدليل مئات والاف من خريجي مايطلقوا عليها كليات القمة ولكن للاسف هم بعيدين كل البعد عن عقلية القمة وفشلوا في تحقيق اي نجاحات والعكس صحيح ... الحقيقة ابعد بكتير من مجرد مطالب بنكررها ونقولها ولما الناس تقولنا الكلام ده نتصدم يبقى المفترض نفهم وندور ونسال وبعدين نروح نطلب حقنا لكن الحقيقة بردوا ان البعض جنى على الكل وكتير يمكن من اللي طالعين بردوا الوقفات دي غشووووا وجابوا المجاميع بالغش بردوا ومش عاجبهم يمكن عموما ربنا قادر ياخد حق الكل من البعض ان شاء الله .... منقووووول |
|
#2
06-08-2012, 08:21 PM
|
|||
|
|||
|
والله كلامك ده كان هيبقا معقول لو ماعلنوش بكل بجاحه ان القطاع الطبي في الخاص من 88% والقطاع الهندسي من 70% ودي نسب عمرنا ما شوفنا رغم ان الكثافه الطلابيه ما اتغيرتش ومصر مش اتملت بالطلبه خلاص في سنه يعني وبعدين ماللي مش قد كليه ميدخلهاش من الاول ويدي فرصه لغيره ويا ريت بقي نعيش الواقع شويه
|
|
#3
06-08-2012, 09:46 PM
|
|||
|
|||
|
الأرقام دي غريبة
لأنها نسب حضرتك احنا دفعتنا 600 مصري في الآخر منهم ... 30 مقعد للشهادة المعادلة بنسبة 5 % و المحولين 10% يعني 60 ده غير ان في ناس زيهم بتحول من عندنا فغالبا التحويل تأثيره طفيف ده غير 150 وافد و عندنا بيبقوا ماليزيين المدبلرين مش بيحضروا غالبا و ليهم حسبة تانية ده بالنسبة لكلية الطب بس عددهم لا يتجازو ال 30 طالب بالنسبة لدفعة 600 طالب و لكلية التقدير الشعبي فيها امتياز و يوم ما بتفلت منهم بيجيبوا جيد  حلو كده ؟؟؟ دي دفعة 2009 قلل الأعداد دي بنسبة 25 % هتوصل لعدد دفعة 2012 و على فكرة انا بقول اعداد بالضبط لأني معاية كشوفات الدفعة بتاعتي . ارجو ان تكونوا فاهميني |
|
#4
06-08-2012, 10:03 PM
|
|||
|
|||
|
عموما كلامك منطقي فيما يتعلق بالتعليم في مصر انه فاشل
بس انا ضد فكرة انه يضحك على طلبة ثانوية عامة و تبرير فشل المنظومة بالعدد أولا و معلش استحملوا غلاستي ... كل موارد التعليم عندنا رايحة للوافدين اللي بيدفعوا بالدولار لا بنشوف سكاشن عدلة و لا امكانيات نضيفة رغم انها متوفرة و العمداء بيردوا ان دي مجانية تعليم !!! ثانيا احنا مش بنحضر غير نسبة سكاشن العملي المقررة و اغلبية تعليمنا تعتمد على الكورسات اللي بتفهم اكتر من الكلية 6000 مرة .. و اوعى حد يفكر اننا مجربناش نفهم من الكلية قبل ما نتجه الاتجاه ده بس دي مش ثانوية عامة دي أهم دي كلية طب و حياة بني آدم و لأني عايز أفهم طز في المكان سواء سنتر أو كلية المهم أفهم من الآخر كليات الطب فاضية طول السنة الا من البعض ثالثا بقى .. لو اتحجج ان المشكلة مشكلة خريجيين كتير و توظيف رده ايه عن انه سايب العدد مفتوح و النسبة مرحرحة للكليات الخاصة ؟؟؟ هما مش دول برضه خريجيين ؟؟؟ و لا مش مهم يتوظفوا المهم يدفعوا ؟؟؟!!!! و ال 5000 مستشفى الي بنتبرع ليهم عشان نهضة مصر مش محتاجين دكاترة و نص دكاترة مصر اصلا مهاجرة بره ؟؟!!! الفشل في المنظومة مش بكتر العدد ... و اللي فاكر ان لو قللوا العدد التعليم هيتحسن يبقى غلطان انا لو عندي 1000 مريض و بنيت مستشفى على اعلى مستوى و بأفضل علاج و امكانيات بسعة 500 مريض يبقى انا بضحك على نفسي لما اقول حسنت الصحة لأن في عندي 500 تانيين لم يتلقوا علاج اصلا كوننا بلد عدده كبير يبقى لازم غصب عننا نستحمل العدد ده لأن ان كانوا طلبة الطب كتيييير فصدقوني العيانيين أكتر و المجال الصحي متبهدل عذرا على الاطالة |
|
#5
06-08-2012, 10:25 PM
|
|||
|
|||
|
على فكرة مع اني اتفق كتير معاك في الجزء التاني في نقاط واختلف ايضا في نقاط لكن اهم حاجة ..
انه من خلال شرحك لكلية طبية والنسب اللي فيها هنلاقي تاكيد مباشر للموضوع بمعنى ... ان كليات الطب لو هتاخد 7000 طالب من التنسيق للمرحلة الاولى هنزود عليهم النسب اللي قولت عليها واللي هتتكرر بصورة نسبية في جميع الكليات الطبية على مستوى مصر فيكون النتيجة مايلي : 7000 طالب + 5 % شهادات معادلة + 10 % محولين ( مع ان النسبة دي ضعيفة نسبيا وبتتجاوز النسبة دي بكتييير في العديد من الكليات الطبية على مستوى الجمهورية ودي معلومات مؤكدة ماعلينا ) + 25 % وافدين ( ودي نسبة تظل كبيرة نسبيا ايضا مابين المحافظات المختلفة وحسب سمعة الجامعة علميا ) + 5 % نسبة رسوب ( وفي الحسابات مش هنحسب اذا كانوا بيحضروا ولا مبيحضروش دي حسابات طاقة استيعابية تبنى على الحد الاقصى او المتوسط بشكل ادنى ) يبقى النتيجة ايه بقى ؟؟؟؟؟؟؟؟؟ زيادة 45 % عن العدد الاصلي المقبول من خلال المرحلة الاولى للتنسيق معنى ده ان عدد الطلاب المقبول الكلي تقريبا = 10000 طالب نقوووول هيزيدوا نسبة 30 في المية فقط يبقى العدد الكلي تقريبا= 9000 طالب اتمنى الموضوع يكون واضح دلوقتي علشان محدش يحاول يغير الحقائق او يشوفها بشكل غير واقعي |
|
#6
06-08-2012, 10:43 PM
|
|||
|
|||
|
اقتباس:
جميل جدا ... بس موضوع ان الفشل في المنظومة مش بكتير العدد ... واني لو عندي 1000 مريض المفترض اني اوفر لهم مستشفى واطباء ده مش معناه اني ادخل اي عدد وخلاص الكليات الطبية وكون اني اقول والله انا في كلية طب او اسنان او بيطري واقول والله واقعد اوصف الوضع في كليتي سواء بقى الطلبة بتحضر او مبتحضرش سواء بقى فيه معيدين او مفيش سواء الكل بياخد كورسات او مابيخدش ده مش مبرر لاني اقول مهي مش هتفرق لو دخلت ناس او مدخلتش ناس اما بتكون المنظومة فيها خلل و عيوب بل انهيار ... بشوف ايه هيا مكونات وعناصر المنظومة كلها وبعيد معالجتها او صياغتها بصورة حقيقة مش بمسك عنصر واحد بس من المنظومة واقعد اعالج فيه او اغيره كليا وانسى باقي العناصر ... يعني احنا ماسكين دلوقتي في عنصر الطلبة والعدد وهي ركن من اركان العملية التعليمية ولازم نزودهم ووخلاص مش مهم الباقي نقول لا العناصر الباقية مهمة ( المكان - هيئة التدريس - المناهج الدراسية ) مش اقول لا مش مهم العناصر دي ماهي عندنا مش عارف عاملة ازاي وفي المكان الفلاني ازاي !!! لو هيا عندك كده فهي غلط تماما ولازم الغلط ده يتصحح وبعد لما يتصحح الاخطاء دي كلها اقيم العناصر تاني بما فيه الطلبة واشوف بقى هل ممكن فعلا اقبل اعداد اكبر ولا اقل ولا نفس الاعداد ومش بالويم كده وخلاص لا ده فيه حاجة اسمها سوق عمل واحتياجات سوق عمل واحتياجات دولية ومعايير ونسب وتوسعات وامتداد مستقبلي ووووو وحاجات كتير جدا بتحدد الاعداد ومدى زيادتها لما تكون المنظومة ناجحة وصحيحة وعلى كفاءة جيدة ... وفي النهاية اشكر ليك فعلا تفاعلك مع الموضوع واهتمامك وياريت تحاول تغير اي حاجة يمكن تغييرها الطلبة النهارده بقى ليها دور اكبر من الاول وفيه مساحة حركة اكتر .... طالما انت طالب في كلية طب وربنا معاك ان شاء الله |
|
#7
06-08-2012, 10:51 PM
|
|||
|
|||
|
اللي خلاني اشكك في النسبة دي جملة حضرتك
( لو كلية قبلت 1000 طالب من المرحلة الأولى في الآخر تلاقي الدفعة مش أقل من 2200 - 2500 و يمكن أكتر كمان ) يعني مثلا طب عين شمس عام 2009 قبلت من المرحلة الأولى 1300 طالب ... و في النهاية و مع حساب اعداد الوافدين و المعادلة كمان اللي هما خارج حسبة التنسيق اصلا كان العدد النهائي لطب عين شمس دفعة 2009 هو 1500 طالب تووتال بنسبة زيادة لا تتجاوز 15 % طب طنطا 2009 ... قبلت من المرحلة الأولى 600 طالب و في الآخر توتاال كانت الدفعة عند بدء الدراسة 678 بنسبة زيادة لا تتجاوز 12 % يعني عمرهم ما هيوصلوا للأرقام اللي حضرتك كاتبها فوق فعلا الأعداد بتزيد بس بنسبة طفيفة و ده انا بشوفه كل سنة خصوصا انك بتتكلم عن كلية بتقفل من المرحلة الأولى و بعدين انا بفكر حضرتك نسبة ال 10% محولين عدد كبير الى حد ما بس ده من و الى بمعني الكلية ناس بتمشي منها و بييجي ناس مكانهم طبقا لتوزيع جغرافي يعني تبادل أماكن مش أكتر و الزيادات بتبقى طفيفة جدا و نسبة الرسوب لو ثبتت على ال 5 % مقدرش أقول لحضرتك قيس عليها لأن الدفعة الجديدة اللي تراكم عليهم 5 % من السنة اللي فاتت .. هما نفسهم هيراكموا 5 % على السنة اللي بعدها بمعني متوسط عدد الدفعة مش هيتغير بيهم هما بس بيبدلوا أماكن دي الحسابات اللي بعملها كل سنة عندنا في الجامعة و مش بتتغير و لسه الوضع السنة دي مرهون بأمور كتير |
|
#8
06-08-2012, 11:06 PM
|
|||
|
|||
|
اقتباس:
بس صدقني قد يكون آخر مشكلة بتواجه كلية زي كلية الطب عندنا بمعنى احنا عندنا بلاوي اكتر من العدد ده بكتير لو 5 بس دخلوا الكلية و درسوا بمعايير الدراسة و بالطرق دي و الله و الله ما هيفهموا حاجة برضه ... انا قصدت ان الكلية فاضية بمعني ان احنا عددنا 150 في السكشن و مع ذلك بيحضروا حوالي 30 بس !!! و مع ذلك العملية بايظة و باعترافهم السكشن ممنوش فايدة و مثال المستشفى اللي انا ضربته انا قصدت بيه تراكم زيادة العدد تباعا على الكليات اللي بعد طب ... لو فضل التنسيق في العالي كده هنوصل لمحطة هيكون فيها نجاح الثانوية العامة من 80 % بمعني ان لو عندي 100 طالب وفرت ل 20 منهم تعليم عالي على اعلى مستوى بينما تبقى 80 بالتعليم المتوسط يبقى بضحك على نفسي لما اقول نهضت بالتعلبم في مصر لو فكر حضرتك اني بقول يبقبلوا كل دول تبقى فهمتني غلط لأن انا اصلا معترضة على تنسيق الأعداد ... انا متطرقتش لحل مشكلة العدد بقبول الجميع لأن الحل عندي اننا نبقى زي باقي الجامعات المحترمة في حاجة اسمها application و interview يحدد المؤهل لدخول كل مجال .. مفيش بلد فيها حاجة اسمها مكتب تنسيق غير مصر !!! و مجال سوق العمل انا قلت ان لو فيه مشكلة فزي ما قنن اعداد الخريجيين الحكومي يقنن كمان الخاص لأن دول برضه بني آدمين و لازم يلاقوا فرص عمل و اللي بيحصل هو العكس خالص !!! بيدفعوا دم قلبهم و النقابات رافضاهم و المستشفيات بتعينهم بالعافية و الدولة ساكتة بس عشان بيدفعوا فلوس و سايبين الأعداد مفتوحة و الحد الأدنى ما شاء الله يبقى فين تحسين التعليم من كل ده ؟؟؟!!!! معلش بس انا عايشة في منظومة شايفة انها لازم تتبني من أول و جديد و أول حل فرعي زي موضوع تقليل العدد انا مش شايفاه هيجيب نتيجة بس أظن في اللخ خير و ان شاء الله المستقبل افضل |
|
#9
07-08-2012, 12:40 AM
|
|||
|
|||
|
اقتباس:
هو عموما انا العدد اللي ضربته مش مجرد عدد ده نموذج فعلي حصل لبعض الكليات والنسبة دي فعليا اتحققت ويمكن العدد ده فعليا حصل في بعض الكليات الهندسية اكتر العدد يمكن كبير والنسبة وحصلت بصور اقل في كليات طبية .... والنسب انا في الاخر خدتها من المثال الواضح اللي انتي ذكرتيه بالنسب نفسها اللي طرحتيها واعتقد النسبة واضحة كعملية حسابية .... لكن تظل دي معدلات تتغير بصورة نسبية والمهم يعني ان محدش يقول هما قبلوا 7100 مع انهم ياخدوا 7500 راحو فيييييييييين بقى الـــ 400 واحد دوووووول ؟؟؟؟!!!!!!!!!! فده كان توضيح سواء مني او منك على النقطة دي .... وانا معاكي جدا في التاكيد على ان عملية القبول الجامعي في كل دول العالم بقى ليها تجارب ناجحة كتير عملت معايير ومحددات اكبر واشمل من قصة التنسيق المعمول بيها عندنا .... مع العلم بان التنسيق بيكون في بعض التجارب دي جزء بسيط كمؤشر ليس الا لاتجاه الفرد اللي بيقدروا يتوصلوا ليه من مراحل سنية مبكرة زي تجارب اليابان وبعض الدول شرق اسيوية او ان الموضوع بيدخل معاه مجموعة معايير شاملة اختبارات وقدرات ومقابلات وغيرها زي ماوضحتي مع وجود احيانا بعض الاشتراطات الاضافية زي كورسات مؤهلة او ماشابه في العديد من الدول الاوروبية وكندا والتجربة الامريكية يمكن ابعد كمان من كل التجارب دي لان هناك الفكر نفسه بقى اكبر بكتير من العملية التعليمية نفسها لكن هو اصبح نظام حياة كامل فوارد جدا اننا نلاقي الطلبة اعمارهم السنية كبيرة وقت دخولهم الجامعة والشخص ده بيشتغل ويصرف على نفسه ويحوش كمان علشان يقدر يدخل جامعة راقية او يحصل على منحة مميزة وده كله نظرا لان نمط الحياة وبناء الانسان والفكر والحياة بيختلف جملة وتفصيلا عننا ... وفي النهاية انا سعيد بان فيه ناس بتفكر زيك وعندهم ايجابية تقدر تحركهم في اتجاه افضل علشان زي ماقولتي نقدر نحقق مستقبل افضل للبلد |
|
#13
07-08-2012, 07:00 AM
|
|||
|
|||
|
يااااااااااااارب استرها
|
|
#14
07-08-2012, 10:52 AM
|
|||
|
|||
|
الاستاذ بيناقض نفسه
فسر لى تفسير واحد ان كلية الصيدلة بحلوان تأخذ 32 طالب فقط ومتقوليش مدبلر وغيره نسبة النجاح فى صيدلة حلوان لا تقل عن 97 % ثانى شئ قارن هذه الاعداد فى نفس الكلية بالعدد فى العام الماضى فسر لى ان تفتح كلية صيدلة كفر الشيخ ولا تدخل التنسيق ويتم التحويل اليها فقط راجه استاذى الفاضل اعداد الكليات وانت تعرف ماذا فعل عملاء النظام السابق فى وزارة التعليم العالى لكى يكره الناس النظام الجديد |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:12 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
