وزير التعليم العالى يفتتح 8 كليات للتحويل اليها

[رودينا1]

صرح الدكتور مصطفى مسعد وزير التعليم العالي بأنه سيسمح للطلاب الجدد بالتحويل إلى ثماني كليات جديدة صدرت لها قرارات من المجلس الأعلى للجامعات بالإنشاء وذلك فور صدور القرارات الجمهورية بإنشائها وبشرط استيفاء درجات الحد الأدنى للقطاع الخاص بكل كلية منها. ويأتي ذلك فى إطار تخفيف الكثافة على الكليات المماثلة لها وتشمل هذه الكليات الزراعة أسوان واللغات والترجمة بأسوان و الصيدلة بكفر الشيخ و الطب البيطري بأسوان والتمريض بأسوان و الحاسبات والمعلومات ببني سويف و الفنون التطبيقية ببنها و طب الأسنان بأسيوط .

[ahmed.abotrika]

بالتوفيق للجميع شكرا

[رودينا1]

بس هل معنى كدة ان الطلاب الى قبلوا مثلا فى كلية الزراعة او الصيدلة والاسنان هما بس الى متاح ليهم يحولوا على اساس يحولوا للكلية الاقرب ليهم

[ahmed.abotrika]

اللى فهمته انها كليات خاصة يعنى هيبقي ليها تنسيقها واللى جايب الحد الادني ليها ممكن يحولها ده اللى فهمته
والله اعلم

[Dr.Mohamed Attia]

لا طبعا لازم تكون جايب الحد الادنى السنة دى لاى كليه منهم عاوز تحول لها

[user22]

طيب ديه هتكون بمصاريف زي الخاص ولا أأقل لأنها تابعة للقطاع الحكومي ؟!

انا لسه شايف الموضوع مبهم

[Seif Albaz]

ياجماعه ده مش خاص !!!!!!!!!! ديه كليات حكوميه

[الاستاذ22]

المشاركة الأصلية كتبت بواسطة رودينا1

بس هل معنى كدة ان الطلاب الى قبلوا مثلا فى كلية الزراعة او الصيدلة والاسنان هما بس الى متاح ليهم يحولوا على اساس يحولوا للكلية الاقرب ليهم

طبعا هو كدة بالظبط تقدرى تقولى شبه تقليل الاغتراب
المهم بقى ان الوزير الهمام ( النشار ) رفع التنسيق علشان يقلل الاعداد فى الكليات و ينهض بالتعليم ههههههههه و جاء الوزير الجديد و قال ان فى كليات جديدة ح تخفف العبء عن الكليات التى تعمل ( يعنى ح تخفف المتخفف هههههههههههه ) يعنى كلية كانت بتاخد 400 أخدت السنة دى 100 يبقى خففنا عنها العبء و ح نصلح التعليم كمان ح نخفف عنها بالكليات الجديدة و يصبح العدد مثلا 80 ههههههههه و احنا اللى ضعنا علشان نصف درجة منكم لله