الحقنى ياستاذ شريف

[om hams]

انا رحت النهارده المديريه بالغربيه ووجدت اسمى هناك والحمد لله وقالو ان الاسماء فى الاداره من الاسبوع اللى فات وروحى ادارتك لاستكمال اوراقك ولكن المشكله انى رحت اسال عن الاجازه بدون مرتب فى الاجازات فى المديريه رد الموظف بطريقه مش كويسه ما فيش ليكو اجازه بدون مرتب الا بعد تعليمات من المحافظ اعمل ايه ؟؟الاجازه لقرار 244 فقط
انا لازم اسافر بعد العيد افييييدونى هل اجيب موافقه من المحافظ على طلب اجازه ارجوكم تردوا لانى فى حاله سيئه جدا

[om hams]

على فكره نسيت اقول لكم انى مثبته بقرار 280 ونجحت بكادر ابريل 2012

[شريف حسن .]

السلام عليكم ورحمة الله وبركاته ..
تحية تقدير لاخوتي الأستاذ شريف حسن و الاستاذ محمد حسين لما يبذلوه من مجهود لإفادة إخوانهم واخواتهم في قطاع التعليم ..
وإذا سمح لي فإنه لي تعليق هنا في هذه النقطة ..

أولا لازم كلنا نتفق إن موظفين التربية والتعليم الإداريين المتواجدين في الإدارات والمديريات أغلبهم من أكثر الناس جهلا بتطبيق القوانين والقرارات منذ بداية تطبيق نظام الكادر .. استحالة تقدر تطلع برأي موحد من الإدارة لو سألت أكثر من مسئول.. ولو طلعت برأي أتحداك لو كنت تثق إنه سليم .. الموضوع ده خلى ناس كتير تتعطل وناس كتير تنضر بدون عزاء من الموظفين بعد تقديمهم آراء قانونية غير سليمة.. وكأن الموظفين بيتكسفوا يرسلوا استفسارات للوزراة .. ولازم يفتوا ..

خلينا بس نرجع لموضوعنا .. انا بدات البداية دي علشان اقول مش لازم يكون الموظف الإداري على حق لأني شخصيا دخلت مع الكثير منهم في صدامات كانت تنتهي لصالحي إما من النيابة الإدارية او من الوزارة او من المحافظ ..

الوزير في قراره بتعيين من اجتازوا كادر إبريل 2011 ثبتهم بقرار 244وأسقط عنهم مدة الـ6شهور لعملهم كمعلمين مساعدين مدة سابقة .. والقرار كان واضح في النقطة دي .. الموظفين بقى يقولوا ماينفعش اجازة بدون مرتب يبقوا بيفتوا ..

الموظفين قالوا كده معايا في حالة معينة .. ولما واجهتهم بالقرار قالوا طيب أصل الدرجات ماوصلتش ولما توصل ماشي ..

أما بالنسبة لحالتك يا أخي انا أرى إنك لو قدرت تسحب فلوسك أوكي .. أما لو ماقدرتش فامشي في اجراءاتك عادي يمكن يطلع لك القرار في الفترة دي .. وبعدها تمشي على طول .. واعتقد ان القرار سيكون قريبا ..

ده كان رد د \ عبد الرحمن المنياوى على موضوع بنفس ظروفك

تابعى الموضوع هنــــــــــــــــــــــــــااااااااااااااااااااا

ما تسكتيش على حقك واعملى كل المحاولات للوصول لحقك

ربنا يوفقك ان شاء الله