faculty.of.science الطلبة الجدد دفعة 2012 (استفسارات - اسئلة - مواد -واكتر)

[esraa ashraf 2013]

المشاركة الأصلية كتبت بواسطة comboy

السلام عليكم
اولا انا شايف انك فى اولى ثانوى يعنى لسة بدرى عليكى هههههه
المهم نرد على سؤالك.....
المواد اللى بيدرسوها فى قسم البترول نفسها اللى بتدرس فى قسم جيوولوجيا
يعنى مثلا جيو1&2 وكمياء 1&وكمياء فيزيائيية وفيزياء وحيوان ونبات ورياضة عامة وطبعا المواد دى على ترمين مش ترم واحد ونفس المواد بالتزامن مع قسم جيو لا وكمان نفس الدكاترة بس طبعا باختلاف العدد وطبعا مواد زى نبات وحيوان وكمياء وفيزياء دول اسمهم متطلبات كلية يعنى كل طالب داخل الكلية لازم يدرسهااااا

قسم الجيوفيزياء

تنقسم الجيوفزياء إلى فرعين رئيسيين الجيوفزياء الداخلية والجيوفيزياء الخارجية

الجيوفزياء الداخلية تدرس سطح وباطن الأرض واختصاصاتها هي:

• علم حيوفيزياء النفط، أو الجيوفيزياء الاستكشافية, استكشاف النفط والغاز والمعادن.
• علم الزلازل, في الرصد الزلزالي وتحديد مواقع الهزات.
• الهندسة الجيوفيزيائية: في الأعمال الهندسية لمعرفة منسوب المياه وكذلك معرفة عمق طبقة صخور الأساس لإنشاء المباني.

الجيوفزياء الخارجية تهتم بدراسة:

• علم المناخ.
• لجاذبية (التثاقلية)
• الكهربية
• السيزمولوجية (الزلزالية)
• الحرارية
• المغناطيسية

*طريقة الجاذبية (التثاقلية) gravity method

تعتمد على استنتاج التباين في المواد الموجودة في باطن الأرض بناء على الاختلاف في الكثافة للمادة فكلما كانت المادة ذات كثافة أعلى كلما كانت قيمة الجاذبية المقروؤة على سطح الأرض أكبر.

*الطريقة الكهربية electric method

تعتمد هذه الطريقة على اكتشاف التباين في ما هو موجود تحت سطح الأرض subsurface اعتمادا على الاختلاف مقاومة كل مادة "أوميجا" أو بالأدق تعتمد على المقاومة النوعية للمادة " وهي المقاومة التي يلقاها تيار كهربي شدته واحد أمبير عند مروره في سلك من المادة طوله واحد متر ومساحه مقطعه الوحدة"

عند مرور تيار كهربي في الماء فعند قراءة المقاومة نجدها منخفضة, أما في حالة أن يكون ما هو تحت الأرض فحم مثلا أو هيدروكربون فإنه يقاوم التيار الكهربي ونسجل قراءة مرتفعة. هذا التباين وما يعكسه من دلائل يعطينا فكره أولية عن ما تحت الأرض.

ومن أشهر الطرق الكهربية المستخدمة طريقة شلمبرجير وطريقة فينر وهي طرق مستخدمة في البحث والاستكشاف.

قسم البترول
بيدرس مايؤهل الطالب للعمل فى المجالات المختلفة للبترول والغاز الطبيعى بسس


القسمين فيهم عامل مشترك وهو العمل فى مجال البترول
تفتكرى لو شركة احتاجت لحد يشتغل فى البترول وقدمها 2 واحد جابب جيد جدا جيوفيزياء والتانى جايب مقبول برنامج البترول ياترررى هتاخد مين؟؟؟
المهم انك تشوفى ايه اللى انت حابه عشان تتفوقى فيه مش عشان تفكرى هتشغلى ولالا

تشريح مفيش خالص واتلغى من دفعتى سواء بترول او جيولوجيا ومكنش فى اهتمام اووى كلان كل هم الدكاترة اننا ننجح فيها لاننا مش هنشوفها تانى بس البالطو لازم فى كل الساكشن الجيو والكمياء والحيوان والنبات والفيزياء

أولا ..انا مش فى أولى ثانوى ولا حاجة ..دى بس الحساب بتاع أختى وهى فى أولى ثانوى وانا بدخل بيه عادى

بالنسبة لحكاية الشغل ....انا لازم افكر فيها اول حاجة ..يعنى مش حرام الواحد يموت نفسه طول السنة فى اقسام الكيميا او الفيزيا وفى الآخر ميلاقيش شغل؟؟ ..او حكاية البترول دى مضمونة الى حد ما ..بالاضافة الا انى عادى اصلا بحب علوم الأرض والصخور والحاجات دى

المهم طيب فيه فى القسم ده قبل ما ندخله حاجة اسمها مقابلة شخصية ؟ زى مابنسمع ولو فيه يبقى لازمتها اية؟

واخر حاجة بالنسبة لحكاية التشريح ...هو مكنش موجود على دفعتكم فى كل الأقسام ولا جيولوجيا وبترول بس؟؟

وشكرااااااااا للمساعدة