افيدونى وشكرا

[fa_shimaa]

بسم الله الرحمن الرحيم

لو سمحتم يا جماعه انا ادبى وجايب 92.8 %(93%) تقريبااا

وكنت مرحله اولى فى التنسيق وجالى تجاره الاسكندرية بعد ما فقدت الامل فى كليات القمة

فلو سمحتم انا جايب فى الانجليزى 42
ومجموعى 380.5
فكونت عاوز اعرف شروط القبول ومعلومات عن الكلية من ناحية سهله او صعبه

ايه الاقسام بس ردوا عليا لو سمحتم

ولكم جزيل الشكر......

[micheal abadeer]

الكلية سهلة وممتعة
الاقسام محاسبة رياضة واحصاء وتامين وكمان قسم ادارة اعمال والتخصص بيكون فى ستة 3
لو فى استفسار انا موجود

[mohamed_gad_]

الشروط انك تكوني جايبة فوق 40 من 50 في الانجليزي وتكوني جايبة مجموع عالي وانتي مجموعك يدخلهالك وانتي مرتاحة انا قدمت في اسكندرية برضو اول امبارح في تجارة انجليزي فحاولي تروحي بسرعة عشان متعرفيش التقديم ممكن يفضل لحد امتي انتي بتروحي شؤون الطلبة ومعاكي
ملف الثانوية اللي فية شهادة الثانوية وشهادة الميلاد وشهادة الترشيح اللي بتطبعيها من علي الموقع بتاع الوزارة ولو في ورقة حافذ رياضي بتجيبيها وبتقدمي في شؤون الطلبة هما بيشتغلو علي فكرة من 9 صباحا لحد 2 بعد الظهر
اما عن انها سهلة ولا صعبة فهي اكيد اصعب من تجارة عربي لانها بالانجليزي ولازم تحضري كل المحاضرات لان الحضور علية درجات وفي امتحانات مفاجاه وميد تيرم وكده بس اكيد مستقبلها احسن بكتير من تجارة عربي
اتمني اكون افدتك ادعيلي ادخلها انا كمان

[mohamed_gad_]

اه نسيت لازم يكون معاكي صورة البطاقة كمان في الاوراق

[mohamed_gad_]

وكمان لازم يكون معاكي صوره شخصية من الصغيرين خالص عشان بتكتبي عليها اسمك والرقم القومي بتاعك وبدبسوها مع الاوراق وكمان بتشتري ب50 جنية طابع عامل زي طابع البريد اسمة ورقة اعمال بتشترية من الكلية نفسها

[mohamed_gad_]

انا اسف افتكرتك بنت بس طالما انك ولد فبتروح تقدم يوم 9 الشهر ده ومعاك نفس الاوراق و نفس الملف بس الاصل لانهم في انجلش بياخدو الصورة ولازم يكون معاك استمارة 2 جند بتجيبها من مدرية الامن في اسكندرية دي للصبيان بس

[mohamed_gad_]

اووووووووووف نسيت اقولك ان التقديم بتاع يوم 9 ده في تجارة عربي اما اللي قبلة دة في انجلش