لطلبة كلية التجارة - جامعة القاهرة (ضع استفسارك هنا)

[samar saeed]

انا جالى فى التنسيق تجاره جامعه القاهرة وانا جايبه 92% وجايبه فى الانجليزى 40.5 ومش واخده مستوى رفيع انجليزى يا ترى انا كدة هلحق تجاره انجليزى ولا مش هلحق انا بجد خايفه اوى وعايزة اعرف

[عمر ممم]

لو سمحت انا جايب 74.2 يعنى 304.5 بالمستوى انا جايب فى المستوى الرفيع انجلش 6.5 و جايب فى الانجلش 41.5
و انا كنت عايز اعرف هل هاقبل فى كليه تجاره عربى اقاليم و لا لا و ينفع ليه انتساب حتى لو كانت اقاليم ولا لا ؟
انا مرحله تانيه
و ازاى اقدم فى اقاليم ؟
و هل يوجد تجاره انجلش انتساب و لا لا
علما بان الانتساب رجع السنادى و شكرا

[usernamo]

المشاركة الأصلية كتبت بواسطة mana77

انا دلوقتي اتقبلت في تجاره عين شمس و الحمدالله مستوفيه كل الشروط اني اقدم على تجاره انجليزي بس انا عايزه اعرف انزل امتى اقدم يعني لو مثلا بكره هينفع ولا ايه النظام انا حاسه اني تايهه ياريت تساعدوني

اسف انى هرد مكان استاذنا فامبير .. انت حضرتك تقدر تنزل من بكرة تسال عشان تخش التنسيق الداخلى اللى على ما اعتقد بيقعد من 3 اسابيع لشهر ..

المشاركة الأصلية كتبت بواسطة princces monny

هو انا ينفع اقدم فى جورجيا و تجاره انجليش يعنى على اساس لو مش جات دى تيجى دى لان حوار تجاره عربى ده بالنسبه لى صعب لانى كنت مدرسه لغات
انا جايبه 272.5 من غير مستوى علمى رياضه
و كنت مستوى انجليزى و جبت 8.5

دى مالهاش لاقة بدى .. انت تقدر تخش التنسيق الداخلى لو مجاش .. تقدر تخش جامعة شعبة جورجيا .. قدم فى الاتنين .. و متدفعش مصاريف جورجيا إلا لما تشوف نتيجة تنسيقك الداخلى و اللى هو هيطلع قبل الدراسة اى فى الفترة المتاحة لدفع مصاريف جورجيا ..

المشاركة الأصلية كتبت بواسطة sheka1994

لوسمحت انا علمي رياضة
جايب الحمد لله ماشاء الله 88,87 / 364 بالمستوي الرفيع
انجليزي 41.5
مستوي رفيع 8
رياضة-1 (49.5)
رياضة-2 (39)
كدا ممكن ان شاء الله تجارة انجلش قاهرة ولا لأ
وشكرآ

لا .. تجارة عربى من علمى السنة اللى فاتت اخدت من 87% تقريباً . و تجارة انجليزى من 92.5% على ما اذكر .. فعلى ما اعتقد هتقف على 93% السنة دى من علمى . و ان شاء الله خير

المشاركة الأصلية كتبت بواسطة hesho_161

vampire باشا انا متابع كل مواضيعك و بجد مجهودك جامد جدا أشكرك جدا عليه لانك نورتنى فى حاجات كتير زى جامعة جورجيا وقسم اكتورى وحاجات كتير بس انا ليا استفسار عندك حضرتك هو انا واخد مستوى رفيع انجليزى وجايب 9من10 تمام فعايز اسال لو انا واخده هيضاف مرتين مره على مجموع ثانوى ومره على انجلش اللى هو من 50 ولا المرتين على مجموع ثانوى عام بس يعنى مثال عملى:انا جايب 365 فانا هضيف ال8 درجات كلهم على مجموع ثانوى عام ولا 4 على المجموع و4 على انجلش(50) ولا كلهم بيدخلوا فى الانجلش اللى من 50...تانى حاجه بقى واخر حاجه هو موضوع جامعة جورجيا ينفع أدخله لو انا تجارة عربى ؟ومره تانية الف الف شكر على مجهودك حضرتك

لا يافندم .. بص مجموعك 365 .. هتضيف عليهم ال " 4" المستوى .. و هتضيف درجة الانجليزى من غير ما تحط عليها المستوى ..

بخصوص شعبة جورجيا .. تقدر تخشها سواء كنت فى عربى او لا .. بتقدم فيها لو مجموعك جايبها

المشاركة الأصلية كتبت بواسطة sheka1994

معلش سؤالين كمان
هو انا لو مجاليش القاهرة و جالي اقاليم وانا من اكتوبر هعرف احول قاهرة ولا لأ ؟؟؟؟؟
ولو معرفتش احول.... في فالاقاليم تجارة انجليش ولا قاهرة بس ؟؟؟؟؟
تاني حاجة لو مدفعتش مصاريف الكتب هعرف اتصرف في الكتب دي ولا لأ ؟؟؟؟؟؟
وشكرآآآ

تجارة انجليزى موجودة فى 11 جامعة فى مصر .. القاهرة - عين شمس - حلوان - السويس - دمياط - المنصورة - السادات - اسيوط - بنها - بنى سويف - اسكندرية ..

و اما التحويل .. معتقد فيه فى شعبة اللغة تحويل .. و لو هتحول هتحول تجارة عربى القاهرة لتقليل الاغتراب ..

تقدر تصور الكتب من زمايلك

المشاركة الأصلية كتبت بواسطة samar saeed

انا جالى فى التنسيق تجاره جامعه القاهرة وانا جايبه 92% وجايبه فى الانجليزى 40.5 ومش واخده مستوى رفيع انجليزى يا ترى انا كدة هلحق تجاره انجليزى ولا مش هلحق انا بجد خايفه اوى وعايزة اعرف

بنسبة 50% اه و بنسبة50% لا .. لان الاقبال على تجارة انجليزى عالى اوى .. و دفعتى انا لوحدها 1200 طالب و هما زودوا مصاريفها الى 6780 عشان يقللوا العدد فبالتالى هيخلوها 600 طالب تانى زى بقيت الدفعات .. و الله اعلم

المشاركة الأصلية كتبت بواسطة عمر ممم

لو سمحت انا جايب 74.2 يعنى 304.5 بالمستوى انا جايب فى المستوى الرفيع انجلش 6.5 و جايب فى الانجلش 41.5
و انا كنت عايز اعرف هل هاقبل فى كليه تجاره عربى اقاليم و لا لا و ينفع ليه انتساب حتى لو كانت اقاليم ولا لا ؟
انا مرحله تانيه
و ازاى اقدم فى اقاليم ؟
و هل يوجد تجاره انجلش انتساب و لا لا
علما بان الانتساب رجع السنادى و شكرا

مفيش تجارة انجلش انتساب ..

اما تلحق انتساب تجارة القاهرة اعتقد صعب

و شكراً