اخبار و دعوة للنقاش (الاسكندرية)

[aleman]

السلام عليكم
اليكم بعض الاخبار:
1/ باذن الله من اليوم الاربعاء الساعة12 الظهر نزل المرتب بالفيزا (وطبعا هو كده قبل موعده بيومين عشان شهر رمضان)
والكلام ده من ادارة وسط اكيد واعتقد ان باقى الادارات زينا باذن الله
2/ من النقابة الرئيسية بالازاريطة يتم سحب استمارة للحصول على بطاقة صحية
ويتم ملئ البيانات بها ووضع ما يريده المعلم من اشخاص ليتمتعوا معه بالخدمة الصحية باذن الله
على ان يحضر صورة شخصية له ولمن يرغب باضافته على الكارنية الصحى ويسدد مبلغ15ج بالنقابة
تختم الاستمارة من المدرسة والادارة ثم تروح للنقابة بال15ج والصور
نقابة وسط موعدها برمضان من 2 الى 4 عصرا (السبت والثلاثاء)
لا اعلم باقى مواعيد الادارات الاخرى للامانة
3/ طبعا فكرة انشاء مستشفى خاصة للمعلمين بالاسكندرية يتم التكلم فيها بجدية هذه الايام حيث فيه مشروع لعمل اسهم لكل معلم للاشتراك بالمستشفى
بمعنى مثلا كل معلم يدفع مبلغ زهيد مساهمة لبناء المستشفى ونحن بالاسكندرية 38 ألف معلم ومعلمة تقريبا

ولى رأى ارجو المناقشة فيه:
بدل بناء المستشفى ليه منكنش زى موظفى شركات البترول
بمعنى معهم كتيب بيروحوا بيه لاى دكتور فى اى تخصص الشركة متعاقدة معه بدل من انشاء مستشفى
والله اعلم مستوى الخدمة فيها هيكون ازاى للمعلم
وهذا هيضمن انك امامك دكاترة كتير تختار تروح لمين فيهم لو حبيت (عفانا الله واياكم شر الامراض باذن الله)
انا شفت الكتيب ده لان خالى شغال بشركة بترول ولقيت اسماء دكاترة كتير معروفين ومشهورين جدا الشركة متعاقدة معهم وكذلك صيدليات ومحلات لبيع النظارات....ألخ
لكن على الجانب الاخر قيل لى ان الدكاترة دى لا تهتم بالاشخاص اللى جايين تبع شركة البترول زى اهتمامهم بالشخص اللى دافع على حسابه الخاص
دعوة للنقاش

[عصام ahm]

يا استاذة اى حاجه هو المعلمين لاقيين دكاترة او مستشفى مش مشكله المهم نجد اهتمام

[صفاء الجمل]

ازيك يا امونه عامله ايه كل سنه وانتى طيبه انا عملت البطاقه الصحيه وهى ب25 جنيه وفيها مستشفيات ودكاتره و صيدليات ومحلات نظارات زى مانتى عايزه بالظبط يا ستى وبكده معاكى بطاقه صحيه زى مانتى عايزه وكمان مستشفى رائع جدا

[aleman]

المشاركة الأصلية كتبت بواسطة صفاء الجمل

ازيك يا امونه عامله ايه كل سنه وانتى طيبه انا عملت البطاقه الصحيه وهى ب25 جنيه وفيها مستشفيات ودكاتره و صيدليات ومحلات نظارات زى مانتى عايزه بالظبط يا ستى وبكده معاكى بطاقه صحيه زى مانتى عايزه وكمان مستشفى رائع جدا

وانتى طيبة يا صفاء
ده كده حلو جدا
بس فعلا البطاقة متفعلة ولا لسه
يعنى حد تعرفيه جرب يروح ويكشف وكده

[صفاء الجمل]

اه صحابى جربوه جميل جدا وانا هاستخدمه وهابقى اقولك الاخبار

[صفاء الجمل]

وعالفكره بمجرد ماتطلع البطاقه هى بكده جاهزه للاستخدام عالطول يعنى متفعله