بما انى اول ولد اتكلم هو ممكن يكون فيه اتكلم بس شكلى ما شوفتوش فاستحملونى شوية... ما علينا رقم الجلوس 1111183 ... ايه رايكم فى الرقم
... وداخل 3 ان شاء الله
ايه اكتر مادة بتحبها و ليه ؟
الفرنساوى اكيد وممكن حد يضحك عليا عشان ناقص فيه ... بس بجد دى مادة جامدة جدا الصراحة ما كنتش بذاكرها خالص واخدها لغة سمع ورغم انها ما تنفعش لينا خالص بس هى لغة tres musicale
ايه اكتر مادة بتكرهها و ليه ؟
العربىىىىىىىىىىىىىىىىىىى ومين ما بيكرهوش كفاية انه مليان فروع ده غير الادب والقراءه حسبى الله ونعم الوكيل تخليك وانت بتذاكر تنام على نفسك ... اما بالنسبة للقصة فالحاج قطز ملاحظ انه مش على بعضه طول القصة لف البلاد كلها ... اما بقى لحبيبتنا الكبيرة .. النصوص.. اللى لحد يوم الامتحان الصبح بتلخبط فى تسميع النصوص
نفسك تطلع ايه و ليه ؟
دكتوووووووور ساعات بحس انها اكتر مهنة دقيقة وده طبعا راجع لجسم الانسان اللى دايما عمالين نكتشف حاجات جديدة
بتأيد موضوع السهر ؟
لو فى المذاكرة يبقى لأ .... لكن لو فيس بوك وشات يبقى اكيد اه
بتذاكر على حوالى كام ساعة
3 ساعات فى اليوم وده يبقى اكتر حاجة عندى بس قبل الامتحانات ممكن توصل ل 12 ساعة
ايه اكتر وقت بتحب تذاكر فيه ؟
ما بين المغرب والعشاء اكتر وقت بستريح فيه فى المذاكرة اكون رحت دروسى بتاعة اليوم
ايه اكتر مشكلة بتواجهك اثناء المذاكرة ؟
اخوىىىىىىىىىىىا ..... وده طبعا لانه بيذاكر بنفس طريقتى فى المذاكرة الا وهى التجوال فى جميع ارجاء الشقة والتكرار بصوت عالى نسبيا ههه
فأكيد صوتين مع بعض فى نفس المكان ممكن انا احفظ الدرس اللى هو بيذاكر فيه والعكس بيحصل
مكان المذاكرة عندك مناسب ؟
الصااااااااالة اهو مكان ما اتكعبلش فيه وانا ماشى
ايه اخبار اصحابك بيشجعوك و لا ايه ؟
يعنى بس اللى بيشجعنى اكتر المدرسين فى المدرسة
* ايه هى هواياتكـ ؟
القراءة والنتتتتتتتتتتتتتتتتتتتتتتتتتتتتتتتتتتتت
* ايه طموحكـ ؟ و ايه هوا حلمكـ ؟
انى اطلع من خرابة الثانوية العامة دى
*ايه اقتراحاتكـ عشان التعليمـ ف مصر يتغير ؟
اكيد ما يعتمدوش عالواجبات والتكليفات النظرية لازم كل حاجة عملى
اما بقى للامتحانات
انهم يجيبوها مليانة افكار علشان اللى ناوى يغشش يفكر 100 مرة بما انه عرف افكار الامتحان وكمان ده يفرق شوية ما بين الحافظ والفاهم
*ايه اللى نفسكـ يتغير ف مصر ؟
كل حاجة حتى انا المصرى نفسى اتغير بكل افكارى وانى لازم دايما ابص لقدام ويارب يوفق الحاج مرسى
طولت عليكوووا يا رب ما تكون مليتوا
26-07-2012, 05:21 PM
العرض المتطور
