المنتدى ايه بالنسبه لكل شخص فيكم استفدتم كتير صح كل واحد يدخل يحكى عن المنتدى

[درة الفردوس]

المنتدى ده بجد من اروع المنتديات اللى عرفتها ومن ساعة ما عرفته وانا مش بدخل غيره استفدت منه فى مجالات كتير جدا منتدى بيشمل جميع المجالات من علميه وثقافيه ودينيه وغيرهم
انا عرفته من سنه اولى ثانوى وبدات اشارك فيه من الاجازه اللى فاتت من وقت ما عرفت قسم اجتماعيات طالب شوفته بالصدفه وانا بقلب فى املنتدى ومن وقتها وانا مش بقدر اقعد يومين على بعض مدخلش هنا
عرفت ناس كتير جدا فى قمة الاحترام والادب والذوق تحس انهم اكتر من اخواتك ناس بتحب بعضها بجد وبتخاف على بعضها وبتحاول على قد ما تقدر تساعد بعضها ومن غير اى مقابل واستفدت منهم كتير جدا وساعدونى فى حاجات كتير وفى اى مشكله تلاقيهم ميبخلوش عليك باى حاجه ويبذلو ما فى وسعهم عشان يقدرو يساعدوك بجد ربنا يحميهم
واجمل حاجه بجد بحبها فى المنتدى وخصوصا القسم ده الروح الجميله بين الاعضاء والحوار بطريقه مهذبه جدا بدون غلط فى اى حد وروح التعاون اللى بين الاعضاء بحس ان اعضاء القسم ده اسره واحده بيحبو بعض وبيخافو على بعض بجد