يا جماعة والنبي حد يفهمني

[محمدانجينير]

قرر مجلس النقابة العامة للمهندسين، عدم قيد طلاب كليات والمعاهد الهندسية بالجامعات الخاصة بسجلات الجمعية العمومية للنقابة لغير الحاصلين على مجموعة أقل من تنسيق الجامعات الحكومية بنسبة 5% للكليات الهندسية و10% للمعاهد الهندسية العليا.

وقال الدكتور ماجد خلوصى نقيب المهندسين، فى تصريحات لليوم السابع إن القرار يأتى فى إطار خفض أعداد المقبولين بالمعاهد الخاصة، مشيرا إلى أن النقابة وجهت خطابا بهذا المضمون إلى المجلس الأعلى للجامعات ووزارة التعليم العالى.

وأكد خلوصى أن النقابة ستقوم بقيد خريجى الكليات والمعاهد الهندسية الخاصة، والذين تقدموا بأوراقهم خلال السنوات الماضية.

وحذر خلوصى أولياء الأمور من اللجوء إلى القضاء للتأثير على قرار مجلس النقابة ، مشيرا إلى أن النقابة سيدة قرارها من عدمه. يعني ايه محدش يقولي كلام غلط لأ الكلام ده صحيح انا عايز اعرف انا جايب 86.3 ايه موقفي

[salab]

بص يا سيدى يعنى لو أقل كلية هندسة حكومية واخدة 94% يبقى النقاية مش هتعترف بأى حد داخل كلية هندسة خاصة بمجموع أقل من 89%.هو ده اللى فهمته من الكلام ده بس أنا معرفش صحة الكلام ده لأن مثلا الهندسة الألمانية بتأخد من فوق ال 80% طول عمرها

[محمدانجينير]

طب حكاية المعاهد انا مش فهمها يعني ايه و10% للمعاهد الهندسية العليا يعني معني كده 89 ولا 80 ارجوكم حد يفهمنا

[salab]

مهو فيه معاهد هندسية خاصة النقابة مثلا هتقبل اللى من 84 فيما فوق بالنسبة للمعاهد الخاصة فى الهندسة و 89 فيما فوق بالنسبة لكليات الهندسة الخاصة ده لو الحد الأدنى لهندسة الحكومى 94%

[محمدانجينير]

طب ازاي وتنسيق المعاهد اساسا 88 او 89 ولو قلت اوي تبقي 86 ارجوك انت متاكد من الكلام ده اسأل مين والنبي

[محمدانجينير]

ايه يا جماعة مفيش تفاعل ليه القرار بجد مش كلام منتديات حد يفهمنا حاجة ويكون متأكد طب اسئل فين

[salab]

أنا بتكلم على المعاهد الخاصة و ليس الحكومية

[Eng.Ahmed Hagag]

هذا الكلام ليس ليه أي اساس من الصحة ..
وعشان تتأكد كلم النقابة وإنت تعرف إن الكلام ده على طلاب الصنايع اللي في المعاهد وبيدخولها من 75% أو المعاهد غير المعادلة

[ahmedelgamal]

هات رابط الخبر على اليوم السابع علشان مش لاقيه

[salab]

أنا أعتقد ان هذا الكلام خاطئ أيضا لأن الجامعة الألمانية بتأخد من مجموع 80% و مستحيل النقابة متعترفش بخريجى الجامعة الألمانية اللى هى من أحسن كليات الهندسة

[محمدانجينير]

ده اللينك
http://www1.youm7.com/News.asp?NewsI...D=97&IssueID=0

[محمدانجينير]

ايه يا جماعة محدش عرف حاجة