الحل النهائى لارتفاع المجاميع وجنون التنسيق

[دراكو مالفوى]

السلام عليكم ورحمه الله وبركاته
انا حبيت امل اقتراح لو وافقتوا عليه نحاول نوصل صوتنا لوزير التعليم العالى
طبعا حضراتكوا شايفين ان الازمة فى كليات القمه والمجاميع عاليه جداااااا
ولو اخدوا بالمجاميع
طب هتاخد من 407 وده كلام مش محتاج نقاش وممكن 406.5
وقادين يقولوا هيزودو الطلبه هيزودوا الطلبه
مش معقولة هيقعدوا يذودوا كده على طول
وييجوا بتوع السنه اللى جاية ميلقوش مكان يدخلوا يشموا هوا الكليه
طيب هما غلطوا بانهم جايبين امتحانات مقرفة ربنا يخربيتهم وتسريب امتحانات وغش وكلام فاضى
المهم احنا فى النهاردة مش امبارح
الاقتراح هو
انهم يعملوا نظام انتساب لكليات القمه اللى الاقبال عليها شديد
مثلا الطب من 407 ...الانتساب هيبقى من 405 ولا 404 وكدا يعنى
وممكن يغلوا الفلوس مش مشكله البلد هتحتاج الفلوس دى
وبكده يصلحوا المشكلة اللى هما عملوها
طبعا النظام ده للسناذى والسنه اللى جاية
وفى النظام الجديد يحوشوا بقى الانتساب ويصلحوا التعليم شوية وميغلطوش غلطتهم دى تانى
وشكرا

[Dr.Mohamed Attia]

النظام دة كان هيتعمل فعلا ف 2005 وكان هيبقى اسمة تعليم موازى لانة هيحضر عادى جدا مش انتساب بس
لكن اتلغى

[دراكو مالفوى]

طيب مهو ده وقته علشان المشكلة الكبيرة دى

[sasaatwa]

ههههههههههههه طب ما يسمو بقه الكليات علي اسم تجاره تبقي طب علي تجاره مش ينفع الاقتراح ده لان في حااااااااااااااااااااااااااااااااااااجه اسمها عملي سكاشن يبقي الطالب يدرسها ازاي في البيت وفي حااااااااااااااااااااااااااااااااااجه اسمها كلينيكال ده بيجيب مريض ويتدرب ويكشف عليه يعمل بقه ده كله وهو قاعد في البييييييييييييييت ويطلع يموت الناس ممكن بقه اقتراح انهم يفتحو فرع للطب تحت البيت

[ابو مروة]

هو وزير التعليم العالي لازم يزود من الاعداد المقبولة في كليات القمة لتتناسب مع المجاميع العالية وكزلك مع الاعداد الكبيرة للطلاب لانة مفروض يكون فية تناسب بين اعداد الطلاب التي تزيد كل سنة عن الاخري (بسبب زيادة عدد السكان ) وزيادة عدد الطلاب التي تقبلها كل كلية غير كدة الموضوع فية إنا لصالح الجامعات الخاصة الله يخرب بيت اللي شار بيها ودخلها مصر من اساسة

[X-Omar]

المشاركة الأصلية كتبت بواسطة ابو مروة

هو وزير التعليم العالي لازم يزود من الاعداد المقبولة في كليات القمة لتتناسب مع المجاميع العالية وكزلك مع الاعداد الكبيرة للطلاب لانة مفروض يكون فية تناسب بين اعداد الطلاب التي تزيد كل سنة عن الاخري (بسبب زيادة عدد السكان ) وزيادة عدد الطلاب التي تقبلها كل كلية غير كدة الموضوع فية إنا لصالح الجامعات الخاصة الله يخرب بيت اللي شار بيها ودخلها مصر من اساسة

و الله العظيم أحسن رد شوفته من ساعة ما فتحت الموفع ده
بجد ده اللى مفروض يحصل (انهم يزودوا الأعداد المقبولة)(أو sorry يعنى بدل ما يعملوا كليات خاصة يعملوها حكومة بروح أمهم , متى أخر مرة تم انشاء كلية هندسة جديدة حكومة!!!!!!!!!!!)
و الموضوع وضح أوى لما نزلوا تنسيق الجامعات الخاصة
يعنى واحد يجيب 70% و معاه فلوس يدخل هندسة
و واحد جايب 92.5% و فرقت معاه على 1% و ميدخلش هندسة عشان مش معاه فلوس كفاية

يجد موافق حضرتك فى كل كلمة قولتها