|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
19-07-2012, 06:17 PM
|
||||
|
||||
خلاص فضينا للحب ؟
منذ فترة قريبة اتعرفت عليا واحدة برازيلية عالفيس هي من عشاق مصر والمصريين ومعرفش هي وصلت لجروب كليتنا ازاي  المهم اتعرفنا واتكلمنا مع بعض شوية وفتحنا مواضيع سياسية واتكلمنا عن الثورات وازاي الحال في بلدهم قريب كتير من حالنا وانهم عملو زي ثورة بردو وغيرو نظامهم بس كان قبلينا بشوية طبعاً انا كنت مش فاهم اي حاجة في السياسة وحاطط جوجل جنبي بس انا مش داخل عشان احكي الشات كان عن ايه دخلت عشان اتكلم على اسلوبها معايا في الكلام شخصية عادية جداً الكلام نفسه مكنش حيفرق في حاجة لو كان من ولد ممكن في النص تبدي اعجابها بيك وباسلوبك بمنتهى الحرية من غير ما افهمها غلط ولا تفهمني غلط الكلام كله بيبقى بتلقائية ومش بتركب اي نوع من الماسكات والكلام كله بسيط جداً كأني بكلم واحد صاحبي واعرفه من زمان ! بغض النظر عن المقدمة اللى زمانكو فسرتوها بمليون تفسير الناس دول في الدول الاجنبية الولاد هناك احلى بكتير والبنات هناك اجمل مليون مرة واللبس بتاعهم ... قصدي اللالبس بتاعهم على قدهم ومع ذلك علاقاتهم - في نظرهم - بريئة لحد كبير متحولوش لكائنات شهوانية او اصبح كل همهم هو الحب والاعجاب بل حتلاقي معظمهم متفوقين دراسياً وعلمياً وسياسياً وعاملين اختراعات وكل حاجة تقريباً عندنا الانجاز الوحيد اللى ممكن اتنين يعملوه مع بعض انه الاتنين ينتحروا ...... بتفرج عالمنتديات وع النت وع الفيس وبدايق فعلاً لما الاقي انه كل مشاكلنا اصبحت تدور بين البنت والولد ياما عن المعاكسات ياما عن التحرش ياما عن العلاقات الوهمية الاقي البنت تقولك بحبه ومش قادرة انساه وتطلع 15 سنة في الاخر وساعات اقل ! كلمة حب عندنا بقت مرتبطة بس بالعلاقة بين الولد والبنت خلاص مات حب الله وحب الناس وحب الخير وحب الاطفال بقت كل نظرتنا نظرة شهوانية وكل واحد فيها بيلقي اللوم عالتاني هو احنا ليه مركزين في الموضوع ده اصلاً !!!! ليه اعتبرنا انه مشاكلنا الباقية كلها اتحلت ؟ المعاكسات مش بس من الولاد ... والله معاكسات البنات زادت دلوقتي مبقتش المشكلة مشكلة ولاد بس والمشكلة انها متنفعش تبقى مشكلة لبس الولاد بردو لكن احنا عندنا ازمة اخلاقية من الدرجة الاولى دايماً بقينا باصين لبعض بنفس النظرة الشهوانية دايماً بنظن في بعض ظن سوء كلنا بقينا حاطين ماسك التدين ودلوقتي بقى في مصاحبات متدينة وقعدات محترمة ! على اساس خلاص بقينا فاضيين مورناش غير نحب في بعض محنا ممكن نحب بعض في الله نبص لبعض بنظرة اننا خايفين على اهل بلدنا عيب اوي لما نبدى بلد متدين ومن اعلى التحرشات على المستوى الدولي في حاجات تانية اكبر بكتير من انه يشغلك لبس البنت المستفز قدامك في حاجات تانية اكبر بكتير من انك عايزة تتحبي وتعيشي جو كريم وفاطمة ده في حاجات اكبر منكو انتو الاتنين لازم تفكروا فيها تفكروا في دينكو وعلاقاتكو المنسية بربكو تفكرو في بلدكو اللى كل الناس حاطة عينها عليها واحنا عايزين نهرب منها تفكروا في الصورة السيئة اللى رسمناها لسمعتنا وبلدنا وديننا وخلت اللى يسوى واللى ميسواش يستحقرنا ويتكلم علينا عايز اشوف كلام جديد عايز اشوف اقتراحات جديدة عايز اشوف ناس مهتمة ببلدها اكتر ماهي مهتمة بنوعية اللبس اللى في الشارع واهم حاجة نفسي اوصيكم عليها كفاية المسلسلات التركي وحياة ابوكو  ربنا يجعل رمضان بداية خير وصلاح لينا كلنا يارب ونكمل بعد رمضان زي ما حنكون في رمضان بالظبط او عالاقل نهار رمضان يبقى زي ليله مش قرآن بالنهار وحب بالليل وربنا يهدي الحال ويهدينا كلنا بإذن الله وكل عام وأنتم بخير ،،، BaNZeR
__________________
It was over 3 years since my last visit  آخر تعديل بواسطة BaNZeR ، 19-07-2012 الساعة 06:28 PM 
|
|
#2
19-07-2012, 06:31 PM
|
|||
|
|||
|
حاسة الكلام مثالي شوية ...
بانزر بيفكر كدا ..طيب غيرك ..!! ملايين مش بيفكروا غير كداا.. في كل مكان الحلو والوحش.. وبعدين مش عارفة حاسة بحكاية الاجنبية دي.. دي واحدة من ملايين... مش عايزة أقولك اننا كويسين عنهم كثير يعني... صحيح احنا عندنا عقد وكثير عندهم انفصام ف الشخصية بس دا مش يمنع ...اننا فيه دين وحدود الصبح صحيح دراسة عندهم ... والليل ايه ؟الخمر والميسر والنساء...!! فالناس دي معندهمش مشكلة عندنا فيه بئا فراغ عاطفي ...والتركي جنن الناس ياتري لما اتخرج هعرف اشتغل امته اتجوز والبنت يالهوي يالهوي دا انا ..مش هلحق قطر الجواز طيب لما اوافق ع العريس دا بئا ... الموضوع معقد.. صحيح ممكن العلاقة تكون بريء وتحطلها ضوابط ف الكلام مع الطرف الآخر بس تعمل ايه بئا لو طرف انحرف ...!!
__________________
والحب له قوانين آخري..!
|
|
#3
20-07-2012, 12:53 AM
|
||||
|
||||
|
كــــــلام متزن ومعقول ..
وأتفق معك من زمان وأنا نفسي ف مجتمع يهتم بالأهم .. مشكور ع التوبيك ياريت كل الشباب يعيدو تفكرهم ف حاجات كتير ومخلصتش المشاكل يعني علشان نبص ع اللبس الضيق والشاب اللي مش محترم لو كل واحد أتبع هدفه بجد .. متهيألي هنتغير ... بس الحاجات دي بتحصل لأننا بجد بعدنا عن الكتاب والسنه .. وبرده منه لله مبارك غفلنا عن الأهم .. بالكوره والمسلسلات وحاجات كتير مده 30 واكتر وشباب كتير إتغفلت لسه محتاجه تفوق .. انا مش بلومهم انا بلوم اللي عارف ومش عايز يعمل ب اللي عارفه !
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#4
20-07-2012, 01:02 AM
|
||||
|
||||
|
ما تنفعش المقارنة بحال من الاحوال
بص انت هنا فى مجتمع اسلامى والمفروض الناس متدينة ده المفروض يعنى يعنى حرام الولد يكلم البنات صح ولا غلط طبعا وبالنسبة لظروف البلد والشباب اللى عاطل اللى مش لاقى شغل و لاقى شقة ولا لاقى زوجة فطبيعى هيدور على ده فى اى علاقة مع اى بنت وخلاص ويسموا ده حب اما حضرتك بتتكلم عن مجتمع تانى خالص ناس بتنشئ وتتربى مفيش فرق بين الولد والبنت مع بعض على طول البنت توصل 15 او 16 سنة وتبقى مش عذراء يعنى من الناحية دى مفيش مشاكل عندهم خالص ولا عاوزين شقة ولا عاوزين جواز فالكلام ده مش فى بالهم لانه شئ مفروغ منه وبالتالى بيكون عندهم الناحية العلمية والثقافية وكل شئ تانى ممكن يعملوه شكررا على الموضوع
__________________
|
|
#5
20-07-2012, 01:03 AM
|
|||
|
|||
|
مع احترامي لرأيك ... للاسف اللي جعلنا نتخلف ونبقى من ابناء دول العالم هو فقدنا للوعي الانساني العام وابتعادنا عن اهم الاشياء التي يجب ان نتمسك بها وهي الدين الاسلامي لان بنظرني هو ليس عبادة او عادة او مجرد علاقة بين الفرد وربه بل هو سلوك وقيم تعود على الفرد والمجتمع ككل .....للاسف ايضا انجرافنا وراء التوافه وعدم وضوح الهدف لدى البعض يؤدي لضياع الانسان على الرغم من ان تقدر تقول اني بشجع العقول الغربية والتقدم العلمي الذي فيه لكني انعت حال ابنائنا واحزن على نفسي وعالمنا العربي الذي يزداد للخلف يوما بعد يوم ولكني سأظل متفائلة لكون هناك من أمثال الدكتور احمد زويل وغيرهم في عالمنا ...وللاسف الخزي اللي احنا فيه هو من استيراد الافكار الغربية التي دفنت معها عقول شبابنا ولكني اخالف ايضا في الراي فتقدمم تلك الشعوب هو من تقدما الذي عاف عليه الزمن وبقى اثره في الكتب وبعض العقول !!!!!
مع اجمل امنياتي ليس بعالم وردي كما في خيالي بل بعالم افضل مما نحن فيه اليوم !!! وكل عام وانتم بخير
|
|
#7
21-07-2012, 04:23 AM
|
||||
|
||||
|
طـرح اكثر من رائع
واتفق معك بس مش عارفه !!!!!!!!!!!!!!!!!!!
__________________
وأكيد يعني انا مش شئ هيعمل في الغياب أزمه
|
|
#8
21-07-2012, 04:59 AM
|
||||
|
||||
|
اقتباس:
تصدقي وتآمني بالله انا ممكن اقولك الكلام ده عندنا احنا اكتر ماهو عندهم اصلا دين ايه وحدود ايه ؟ على فكرة هما عندهم دين بردو وفي منهم ناس متدينيين كتير وفي منهم ناس كتير بترفض الكثير من التصرفات الموجودة مش بتكلم على مسلمين على فكرة تعالي اتفرجي بقى على المسلمين اللى عندنا على فكرة احنا انطباعنا عنهم بناخده من الافلام اللى فيها عالاقل مشهدين الناس نايميين عالسرير وده بردو نفس الانطباع اللى واخدينه الاجانب نفسهم عننا لما بيشوفو افلامنا المصرية اللى بنتفوق فيها احياناً عن المشهدين وده طبيعي لما اقرب العرب لينا شايفين نفس النظرة ! لو جربتي تعيشي بينهم او تتفرجي على فيديوهات ليهم عاليوتيوب حتحسي انهم طبيعيين جداً في منهم ناس زيينا على فكرة مش عارف ليه حاسس انك بعدتي بالموضوع قليلاً بس والله اللى عندهم 15 سنة وبيحبو دول لسه موصلوش لمرحلة انهم يقلقو من الكلية اللى داخلينها عشان يقلقو على مستقبلهم عشان يقلقو على قطر الجواز
__________________
It was over 3 years since my last visit
|
|
#9
21-07-2012, 05:15 AM
|
||||
|
||||
|
اقتباس:
انا متفق معاكي بردو
هو فعلاً في الفترة الاخيرة ربنا يخليهم .. كان ليهم الفضل اننا ننشغل بحاجات تانية كتير بس ياريت بننشغل بحاجة مفيدة نتعلم ازاي نقتحم بنك من فيلم اجنبي نتعلم ازاي نعمل صاروخ فضائي من فيلم روسي لكن ملقناش غير التركي ونتعلم منه اقول ايه بقى
__________________
It was over 3 years since my last visit
|
|
#10
21-07-2012, 05:25 AM
|
||||
|
||||
|
اقتباس:
يعني نقضيها من 16 سنة ونعمل اللى نفسنا فيه
عشان يبقى عندنا الناحية العلمية والثقافية ومنحتجش شقة انت قلبت الموضوع 180 درجة انا اصلاً مش بقارن بين مجتمعنا الاسلامي ومجتمعهم -اللى يقال عليه- منحل مفيش وجه مقارنة اصلاً دنا بقولك اللى معندهمش دين محترمين عننا وتقولي مجتمع اسلامي !
__________________
It was over 3 years since my last visit
|
|
#11
21-07-2012, 05:44 AM
|
||||
|
||||
|
اقتباس:
شكراً جزيلاً لمشاركتك
__________________
It was over 3 years since my last visit
|
|
#12
21-07-2012, 06:02 AM
|
||||
|
||||
|
بشمهندس بانزر ........... كلامك رائع وفعلا الناس عادت فاضية او من وجهة نظرى احنا اتعودنا علا كده فى ظل 30 سنة تعتيم سياسى واللى بيتكلم فى السياسة كأنو هيخش النار ..... النظام الفاشل اللى ف عهد حسنى مبارك هو اللى كان عايز كده ...............ز دايما عايزين الناس مغفلين جهلة ....... عشان محدش يعرف ايه اللى بيحصل فى البلد ............. بتتسرق وبتخرب وبتفسد وكأن الناس عايشة فى ملكوت تانى .... مهو ده من ايه !!!
بس ان شاء الله العهد الجديد لازم الكل يعرف ...لازم الكل يفهم .... لازم نعرف اللى لينا واللى علينا ..... وكمان الآعلام المصري كان عايز كده مسلاسلات بالنهار .... افلام بالليل ...... نظام اشغل تفكيرهم والهيهم عن بلدهم ....... عندى أمل ف الرئيس الجديد وان شاء الله مصر هتتعدل وناسها لازم يتعدلو ... أنا مكنتش فاهمة اوى الاحوال السياسسية لأنى فى ثانوية عامة ولكن متفائلة وان شاء الله مصر هترجع تانى زى زمان قبل الحكم الفاشل واحسن كمان ... تقبل مرورى ...
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#13
21-07-2012, 06:20 AM
|
||||
|
||||
|
التقليد العبيط
هو السبب بنقلد اى حد غيرنا فلان حب فلانة / ازاى ما احبش تقليد بعبط فلان صايع / ازاى ما اصعش تقليد بعبط حتى اللبس عبط فى عبط واختراعات وقليلا ما تجد شئ منظم واسمها موضه وهى تقليد بعبط التركيين عندهم تقدم ومتطورين اوووى علشان المسلسلات منحرفها وحتى الناس مش فاهم احنا المسلسلات بتاعتنا كانت فى كل الدول العربية وكانت تجارة ضخمة دلوقتى تركية ضربتها وبنافسنا دا حتى الهند و كوريا نزلوا مسلسلات وده غزو لثقافة شعب والاستفاد اللى حصلت لتركية ان السياح العرب تضاعفوا من المسلسلات وطبعا الناس دى كانت بتيجى تسيح كل سنة عندنا شوفت المسلسل التركى ضرب السياحه وضرب صناعة المسلسلات والناس فرحنا والناس فاهما وشئ رائع  الناس بتعتقد دلوقتى ان الانحراف هو طريق التطور الشباب اصبحت قدوتهم منحرفين الاخرين وتقليد بعبط اما البرازيلين معرفش عنهم غيرى فى الكورة ربنا يحفظنا من التقليدى الغير مدرك العواقب شكرا موضوع جميل
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#14
21-07-2012, 09:34 PM
|
||||
|
||||
|
من غير كلام كتير بجد جميل الموضوع وياريت الكل يفكر زيك يابانزر بجد انتا نعم الاخ والصديق وبجد انتا من الناس الكويسين جدا اللى هنا فى المنتدى واظن الكل عارف مش انا لوحدى ودايما
أحلى حاجه لما نخلى النيه صافيه ...والدنيا ربيع ....والجو بديع.... شكرا على الموضوع الجميل
__________________
الحمدلله
|
|
#15
21-07-2012, 09:54 PM
|
||||
|
||||
|
اللى معنهدمش دين محترمين اكتر من المجتمع الاسلامى؟؟!!
ازاى حضرتك .........دى وجهة نظر ولا ايه؟؟ يعنــــى معتش فى مسلمين ولا ايه؟ ولاعاد حد مهتم بالدين حضرتك شايف كدة بس فى العكس امال الشيوخ والدعاة دول يبقى ايه؟؟ حضرتك ممكن أى حد على غير الاسلام يقرأ الموضوع وياخد فكرة وحشة عن المسلمين كلام حضرتك يحترم........ولكن السبب فى ان حال اغلب شباب المسلمين دلوقتى هم الغرب عاوزين اغانى اجنبية وافلام خدوا عاوزين نت وفيس وغيره خدوا.......!! هــــــم السبب فى تدمير حال الامــــــــة يعنـى حضرتك بتمدح فى أعداء الاسلام وتذم فى المسلمين.........فى حاجة غلط؟؟!! ليك حق تعترض على حال المسلمين دلوقتــــى بس تنصح مش تفضح وهقول زى مالاخ(عاشق البلانكو الابيض) قال مينفعش تقارننا بهم ممكن تقارنا بهم فى المستوى العلمى انما الدينـــــى مينفعش...... (انما الدين عند الله الاسلام)............. أما بالنسبة للافلام والمسلسلات فكل واحد فى ايده الريموت ...ويعرف يتحكم كويس وليه اصلا نخلى القنوات دى عندنا اهم حاجة قنوات دينية واخبار وقنوات علمية زى ناشونال جوغرافيك او الجزيرة الوثائقية واحنا هنفضل دايما كدة وبالتفكير ده لحد منرجع للشرب الاول من الدين جزاكم الله خيرا
__________________
أغيثوا معتقلى العقرب بالدّعاء
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:39 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
