متي ستظهر تنسيق الدبلوم؟

[اللى جاى احلى]

المشاركة الأصلية كتبت بواسطة ال منى

micheal abadeer
لو انتا طالع الاول ع الجمهوريه برده لازم تعمل المعادله او تاخد سنتين معهد فنى صناعى
او يبقى معاك دبلوم خمس سنوات
متستناش التنسيق وشوف المعادله وبرده قدم فى التنسيق عادى
وشوف المعادله ولو نجحت هتدخل هندسه منجحتش لقدر الله
هتاخد اللى التنسيق عطهولك

طب المعادله دى اد ايه وازاى لو منجحتش ف المعادله اروح اللى التنسيق جبهولى ده ف نفس السنة والا ايه؟؟

معلش سؤال تانى اجيب الكود ده امته
دلوقتى يبقى موجود؟؟؟
ولزمة الكود ده ايه هو مش ممكن ابقى اروح اقدم ف مكتب التنسيق رغباتى عادى

[ال منى]

المشاركة الأصلية كتبت بواسطة اللى جاى احلى

طب المعادله دى اد ايه وازاى لو منجحتش ف المعادله اروح اللى التنسيق جبهولى ده ف نفس السنة والا ايه؟؟

معلش سؤال تانى اجيب الكود ده امته
دلوقتى يبقى موجود؟؟؟
ولزمة الكود ده ايه هو مش ممكن ابقى اروح اقدم ف مكتب التنسيق رغباتى عادى

بص المعادله دى عباره عن امتحان فى رياضة 2( ميكانيكا ورياضه ) – فيزياء – انجليزى

والامتحان بيبقى فى اول شهر تسعه او اخر 8 وده بيبقى فى كليه الهندسه جامعه القاهره

مطلوب منك تنجح بنسبه 50 % مش مطلوب منك اى تقدير ولا حاجه غير انك تنجح بس لأن الامتحانات صعبه فيه جدآآ
لو فكرت تدخلها فعلا يبقى تروح اى مركز تبع المعادله دى بيبقى موجود ع النت
عشان يضربوك كويس للمعادله هما عندهم خبره بالامتحانات اللى قبل كده
عندى حلين الحل الاول ممكن تقدم فى التنسيق عادى خالص مش بياخد منك شهادة نجاحك غير الكليه اللى بتروحها
يعنى تقدم فى التنسيق عادى خالص وبردوا تشوف المعادله نجحت فيها هما هيحولولك فى الهندسه اللى تبع بلدك
منجحتش لقدر الله شوف التنسيق جبلك ايه وخد شهادتك وروح قدم فى الجامعه اللى جتلك فى التنسيق
.................................................. .....
الحل التانى قدم فى التنسيق بس شوف نفسك كنت هتجيب ايه
واعد السنه دى ذاكر مواد المعادله سنه بحالها بدل متمحن فى تسعه الجاى ومتبقاش لحقت تذاكر ولا تاخد كورسات
اعد السنه دى وامتحن فى 9 / 2013
واكيد فى سنه هتكون حفظت الاربع كتب صم وفهمتهم ومش هيبقى فيه نسبه انك تسقط خالص ولا هيبقى عندك اى حجه
وادخل هندسه السنه الجايه ان شاء الله
.................................................. ..............
بالنسبه لسؤالك التانى
الكود ده فى المرحله الثالثه بعد تنسيق المرحله الاولى والثانيه بتوع الثانوى
انتم تبع المرحله الثالثه
الكود ده بيجى من مكتب التنسيق رقم كده زى كارت الشحن
بدخله ع موقع محطوط فى الكارت برده بيجبلك اسمك لأنك بتقدم بصوره شهاده النجاح عشان تاخد الكود ده
ويطلعلك ع النت رقم سرى خاص بيك
بتقدم ال 40 رغبه ع النت الالكترونى يعنى
مش بتقدم فى المكتب ,, ده تقدم عملوه لطلاب الدبلومات اننا نقدم ع النت زى بتوع الثانويه ....