لطلبة الثانوية العامة تانية وثالثة

[aleman]

ازيكم طلابى وطالباتى الكادحين من طلبة ثانوية عامة المرحلة الاولى والمرحلة الثانية
موضوعى الان ببساطة هو
كل واحد يدخل يشارك ويقولنا احساسه ايه الان بعد ما خلص الامتحانات والمذاكرة واخد الاجازة
هل حاسس كما قال لى البعض بانه حاسس ان فيه حاجة ناقصة؟
لسه بيقوم الصبح يفتكر انه نسى موعد درس الكيمياء مثلا ثم يدرك الواقع وهو انه خلص امتحانات فيرجع ينام تانى
ادخل قولنا احساسك ايه الان؟

(ملاحظة لطلبة الثانوية العامة المرحلة الاولى شعبة رياضيات:
بجد نصيحة من اخت كبيرة ليكم لا تحولوا ادبى فى تالتة ثانوى نتيجة لسوء امتحانات الرياضيات لسنة تالتة هذا العام
صدقونى لما تطلعوا سنة تالتة باذن الله تنسيق كليات الادبى هيعلى جدا (نظرا لتحويل ناس كتير منكم لأدبى) وهينزل تنسيق كليات العلمى(علمى رياضيات)
بالتوفيق ولا تنسى تدخل تكتب عن احساسك الان

[lolo cat]

انا مخنوقة بشكل لايعلم به الا ربنا وقاعدة ابكى ومش طايقة نفسي لان الامل راااااح جبت 96.5 فى تانية وضت فى تالتة مش مصدقة كل حاجة رااااااااااحت فى ثانية الحمد لله ععلى كل شئ

[bright stars]

انا قلقانه من النتيجه خايفه لاتصدم بس الي حد ما مبسوطه اني خلصت امتحانات تانيه ونفسي اخلص تالته قبل ما ادخلها

[soosoo_kotp2000]

انا عندى لا مبالاة

من يوم ما دخلت الثانوى وانا عندى برود اعصاب غير طبيعى

وان كان على النتيجة

انا راضية باللى يجيبوا ربنا

"قل لن يصيبنا إلا ما كتب الله لنا"

[karimadel7]

الواحد حاسس انه تخلص من الضغط
انا كنت مذاكر كويس بس ايام الامتحانات كنت حاسس بضغط رهيب
و سبحان الله نمت امبارح قد ما كنت بنام ايام الامتحانات مع الفرق الشاسع اني صحيت حاسس براحة
انما قبل كده كنت بصحي حاسس اني مجهد جدا
و الحمد لله علي كل شئ
انا مش حاسس اني قصرت في حاجة
و اللي يجيبه ربنا كويس و راضيين بيه )

[د/نداء الجنة المصرية]

انا النهارده صحيت الساعة 9بقيت مخضوضة واقول اليوم ضاع زى كل يوم بصراحة ماحستش انى احسن انا كل اللى كان مدايقنى الخوف وانا دلوقت لسه خايفة واللى زاد كمان انى بقيت فاضية للخوف ومش لاقية حاجة اعملها غير انى اصلى وادعى وبعدين ارجع اخاف

[مش عارف بقة]

المشاركة الأصلية كتبت بواسطة lolo cat

انا مخنوقة بشكل لايعلم به الا ربنا وقاعدة ابكى ومش طايقة نفسي لان الامل راااااح جبت 96.5 فى تانية وضت فى تالتة مش مصدقة كل حاجة رااااااااااحت فى ثانية الحمد لله ععلى كل شئ

بجد انا حاسس نفس الاحساس انا في 2 حبت 97.8% بس ضعت خالص في
3 ومش عارف احس بالاجازة خااااااااااااااااااالص وكل شوية افكر ف النتيجة والتنسيق بس بجد انا زعلان علي كل المجهود اللي طاع علي الارض ..........................الحـــــــــــــــــــــ ــــمد لله ...

[مناجاةُ النجاةَََِ]

السلام عليكم و رحمة الله و بركاته..ازي حضرتك يا ا.إيمان؟؟
احساسي مش عارفاه بالظبط..مش زعلانة علي حاجة..بفكر ف النتيجة برضو و ساعات اقلق لكن الحمد لله مش بسيب القلق دا يستمر انا واثقة ف ربنا انه مش هيضيعني رغم اني جاوبت وحش ف الامتحانات بس عندي امل ف الله اني اجيب مجموع يؤهلني للالتحاق بكلية الهندسة و إن قدر الله محصلتهاش هقول ربنا شايلي حاجة احسن احسن بكتييييييييييييير و الحمد لله ف كل وقت و ع كل حاجة..مش فارقة معايا اني كبرت و رايحة كلية بالعكس زعلانة اني سيبت المدرسة خلاص و لسا مرمتش كتبي و ببص عليهم كل يوم بس ف الاخر هتخلص منهم .. دعواتك بالله عليكِ و رمضان كريم

[Єlkatkota Єmy]

والله الاجازة حلوة اوي
وبعمل كل حاجة براحتي

بالنسبة بقي للكلية
لن يصيبنا الا ما كتب الله لنا


يارب كلنا ندخل الكليات الي فيها خير لينا مش ( الي احنا عايزينها وبس)

[the matrex]

أنا طول دراستي السنين اللي فاتت وتفوقي فيها كنت حاسه اني بكون لؤلؤه أما السنه دي حاسه ان اللؤلؤه دي هتقع وتتكسر مني بس بدعي ربنا ان اللؤلؤه تكمل ومتتكسرش ....................

[ana masria]

بصصــرآحــة

حــآسة بقهـر و غم السنة دي عجنت تعجين غير عادي في الانجليزي و الكيميــآء مع انهم اكتـر ماديتين كنت بذآكـرهم

حـآسة ان تعب السنة كلها هيضيع و آجيب في الـ 80%

بس يلآ ربنا يستـر و يخيب ظني

[aleman]

طمنونا عليكم

[NeVeR CoMe BacK]

خيييييييييييييييييييييير خييييييييييييييير خييييييييييييييييييير ان شاء الله .................................................. ..................

[دى برولى]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟