استفسااااااار

[بنوتة من الشرقية]

بسم الله الرحمن الرحيم
انا يا جماعة جبت ف سنة تالتة ثانوى 97.7
والحمد لله المجموع يؤهلنى لدخول كليه الصيدلة -باذن الله- يعنى
ع الرغم انى كنت محتارة مابين اسنان وصيدلة (متستغربوش انا كنت حاطة امل ان التنسيق ينزل ولا حاجة معرفش لسه)
بس بعد صولات وجولات م العائلة
يعنى اقتنعت بفكرة الصيدلة (انا اصلا كنت حاطة الهدف ده قدامى م اعدادى )انها مناسبة للبنات اكتر وان شاء الله الحق صيدلة الزقازيق
واكون قريبة م اهلى ومش هحتاج لسفر او كده يعنى
.
.
.
.
.
.
.
.
.
.
.
.
.
.
.
.
.
كنت عايزة اسال شوية اسئلة كده
*اعمل ايه م اول لما ادخل الكليه عشان مقصرش
يعنى لازم اخدها مذاكرة بقى جااامدة ولا ايه نظام المذاكرة بقى ؟؟
*ازاى اتعامل مع الانجلش يعنى هل لازم اخد كورس وانا ف الاجازة كده عشان اعرف اتاقلم مع الجو يعنى ؟؟
*واخيراا بقى ايه المجالات المناسبة للعمل ف الصيدلة بالنسبة للبنات ؟؟
واى حاجة جديدة مخطرتش ع بالى
او اى معلومة جديدة ياريت متبخلوش علياا
انا زى اختكوا الصوغيرة

ااه انا افتكرت حاجة كمااااااااان
كنت عايزة اسال عن صيدلة كلينيكال ؟؟
انا قريت عنها كتيييييييييير بس للاسف موش فاهمة حاجة
وسمعت انها بفلوس هل هى خاصة ع كده بقى ؟؟
معلش انا اسفة انى طولت عليكوا
بس انتوا عارفين ان خلاص بداية التقديم هتكون يوم السبت الجاى

[Ph Fouda]

كنت عايزة اسال شوية اسئلة كده
*اعمل ايه م اول لما ادخل الكليه عشان مقصرش
يعنى لازم اخدها مذاكرة بقى جااامدة ولا ايه نظام المذاكرة بقى ؟؟
هههههه فكرتينى بنفسى اول يوم قولت هذاكر و كده و هتفوق بصى مش عايزك تعملى زيى انا فاشل
بس انا بقدر اجمع المنهج كله فى اخر شهر و مشغول ب اتحاد الطلبه و كده فا مش بعرف اذاكر غير الشهر اللى قبل الامتحانات و بجيب تقدير تقديرى الترم الاول جيد جدا و لسه 1 % عن الامتياز و لسه منتظر الترم التانى
خديها بالراحه فى الاول عشان مش تزهقى يعنى تقراى المحاضرات مش اللى هو ورقه و قلم و تسمعيها عشان فى نص السنه هتزهقى

*ازاى اتعامل مع الانجلش يعنى هل لازم اخد كورس وانا ف الاجازة كده عشان اعرف اتاقلم مع الجو يعنى ؟؟
بصى اول ترم هتحسى انك مش اخدتى انجليزى اصلا
كلمات جديده و مصطلحات جديده هتشترى قاموس اسمه القاموس الصيدلى موجود منه كتير فى جامعه المنصوره فى المكتبات جنب الجامعه هتحضرى المحاضره عادى ممكن مش تفهمى اول ترم لحد ما تتعودى
المهم هتحضرى المحاضره ولما تجيبى الورق بتاعها ترجميه من القاموس و ده عشان الفهم
احلى حاجه عندنا فى جامعه المنصوره اننا بنخرج من المحاضره نلاقيها نزلت فى المكتبات بناخد الورق جاهز مش بنضطر نكتب ورا الدكتور او كده

*واخيراا بقى ايه المجالات المناسبة للعمل ف الصيدلة بالنسبة للبنات ؟؟
1- العمل فى الصيدليات
2- العمل فى شركات الأدويه ( ليس المصنع ) كمندوب دعايه فى مجال التسويق الدوائى
3- العمل فى مصانع الأدويه
4- العمل فى الحكومه كموظف فى وزاره الصحه ( التكليف )

واى حاجة جديدة مخطرتش ع بالى
او اى معلومة جديدة ياريت متبخلوش علياا
انا زى اختكوا الصوغيرة
حضرتك شوفى عايزه تعرفى ايه و احنا فى الخدمه :D

ااه انا افتكرت حاجة كمااااااااان
كنت عايزة اسال عن صيدلة كلينيكال ؟؟
انا قريت عنها كتيييييييييير بس للاسف موش فاهمة حاجة
وسمعت انها بفلوس هل هى خاصة ع كده بقى ؟؟
هى مش تعتبر خاصه لانها تبع جامعه عاديه
كلينكال دى بقى 2 فى 1 يعنى الدكتور يكشف و انتى اللى تكتبى الدوا و تصرفيه للمريض

معلش انا اسفة انى طولت عليكوا
بس انتوا عارفين ان خلاص بداية التقديم هتكون يوم السبت الجاى
O_O
التقديم السبت :D :D
ده احنا ورانا شغل فى الاتحاد فى الكليه عشان نستقبل الطلبه الجداد
مش هنلحق نرتاح كده يالا خير
الف مبروك يا دكتوره
و اى استفسار تانى احنا فى الخدمه

[بنوتة من الشرقية]

شكرااا جدا يادوك احمد وجزالك الله كل خيييييييييير