خاص بالمرحلة الأولى: كيف التحق بجامعات القاهرة و ادارتى خارج النطاق و لى سكن بالقاهرة

[طالب94]

السلام عليكم و رحمة الله و بركاته،
انا طالب فى الصف الثانى الثانوى و الحمد لله ربنا كرمنى ب99%، انا إدارتى القليوبية طوخ.
دلوقتى انا باسأل السؤال ده علشان السنة الجاية بإذن الله لان انا حلم حياتى إنى التحق بجامعة القاهرة او عين شمس كلية هندسة إنشاء الله.
بما انى تبع إدارة طوخ القليوبية فإن المجموعة أ هتكون جامعة بنها و المجموعة ب هتكون جامعة الزقازيق، جامعة طنطا، جامعة المنوفية
يعنى دلوقتى مش هيبقى مسموحلى إنى اختار بين جامعة القاهرة او عين شمس.
أسرتنا ليها بيت فى طوخ و بيت آخر فى النزهة بمحافظة القاهرة و إنشاء الله المفروض إنى هاعيش هناك فترة الكلية.
المشكلة إن إدارتى التعليمية و مدرستى بطوخ، القليوبية، مع ملاجظة البندين المهمين:
1-تعتبر الإدارة التعليمية أكثر دقة في التعبير عن موقع سكن الطالب.
2-تتبع الإدارة التعليمية الجامعة الأقرب لها وتدخل ضمن الحيز الجغرافي لهذه الجامعة.
معنى كده إن التوزيع الجغرافى هيكون على حسب الإدارة التعليمية التابعة لها مدرستى و بالتالى لن يتم السماح لى بإختيار أياً من هندسة القاهرة او عين شمس و لن يتم النظر ان لى سكن بمحافظة القاهرة.
انا عاوز اعرف إزاى يكون بإمكانى الإختيار فى التنسيق للعام القادم بين هندسة القاهرة و عين شمس بإعتبار ان لنا مسكن فعلى بالنزهة التابع لمحافظة القاهرة.

بجد الموضوع ده مهم جداً و اتمنى ان حد يجاوبنى بإذن الله إجابة شافية علشان اعمل إستعداداتى للعام القادم و كمان اعرف هاكتب ايه فى ورقة الرغبات و الاوراق المطلوبة و كده بإذن الله

[issac-newton]

طالما معاك اثبات سكن بإسم الوالد و مجموعك كويس فا لا تقلق ,
في شهر 8 , مبنى التحويلات الخاص بجامعة القاهرة بيفتح لإستقبال طلبات التحويل و الأوراق المطلوبة أهمها صورة من شهادة الثانوية و إثبات السكن الي معاك , و بعد كدا بتنتظر لفترة قد تطول حتى بدء الدراسة و بتتواصل دايما مع شئون الطلبة عشان نتائج التحويلا , الجدير بالذكر ان هندسة القاهرة العام الماضي قبلت تحويلات بحد أدنى من الدرجات 397 , و تعتبر هندسة القاهرة الأشد تدقيقا في حكاية الدرجات , بحيث لا تقبل مجاميع اقل الحد الأدنى للإلتحاق بها , اما عين شمس فا كانت اسهل شويا من القاهرة , أي استفسار في حكاية التحويل انا تحت أمرك ,

[طالب94]

يعنى افهم من كده انه إنشاء الله السنة الجاية اكتب فى ورقة الرغبات عنوانى السكنى العادى اللى هو فى القليوبية طوخ (زى اللى كتبته فى ورقة رغبات المرحلة الأولى) و لما التنسيق يجي ان شاء الله اختار جامعة بنها عادى و بعدين فى شهر 8 اروح احول من مبنى التحويلات؟

2-هل هذا سينطبق حسب قواعد تقليل الإغتراب ام تحويل لكلية خارج النطاق؟

3-لو اعتبرنا ان هذا سيكون تحويل لكلية خارج النطاق، قالمعروف انه يتم تقديم إلتماس لتحويل مناظر خارج المنطقة الجغرافية مع تحديد السبب، فماذا يجب ان يكون هذا السبب؟

4-هل فيه طريقة اسرع من كده بحيث ان التنسيق يجيلى على القاهرة على طول من غير تحويل لانى بصراحة قلقان؟

5-و ما نسبة نجاح التحويلات فى حالة المجموع العالى إن شاء الله و فى حالة وجود اثبات السكن؟

6-فى واحد من إصحابى من 3 سنين كان نفسه يدخل طب عين شمس و كانت إدارته خارج النطاق و قبل سنة تالتة إستأجر شقة و قام بإعداد اوراق السكن اللازمة و كتب فى ورقة الرغبات بتاعة تالتة عنوانه فى القاهرة و تقريباً على ما اتذكر مش فاكر دخل التنسيق على طول تبع القاهرة، برده يا ريت حضرتك تأكدلى هو ممكن ده و لا لابد من اللجوء لمكتب التحويلات ما دامت الإدارة التعليمية خارج النطاق؟

7-ما فائدة العنوان اللى باكتبه فى ورقة الرغبات مادام يتم الاعتماد على الإدارة التعليمية التابعة لها المدرسة فى تحديد النطاق الجغرافى و ليس عنوان السكن؟

آسف على التتقيل على حضرتك فى الأسئلة و جزاك الله خيراً

[issac-newton]

اها هتكتب تنسيقك عادي , الحكاية كلها ان مكتب التنسيق خلاص انت بالنسبة لي في هندسة بنها , كل الأجراءات بعد كدا هي مخاطبة لجامعة القاهرة و كلية الهندسة و ليس لها علاقة بمكتب التنسيق , بالعكس دا انت ممكن تقدم ورقك في هندسة بنها ولما تقبل في تحويل القاهرة هتحسب ورقك عشان توديه هندسة القاهرة , او ممكن ما تقدمش بس ساعتها لازم تروح تعمل إلغاء قيد من هندسة بنها , يعني انت من وجهة نظر التنسيق في هندسة بنها .

2 - لن ينطبق فهو إلتماسات ورقية تبع جامعة القاهرة و كما قلت ليس بمكتب التنسيق اي علاقة
3 - جل إلتماسات العام الماضي الي كانت تبع مكتب التنسيق رفضت .
4 - لا يوجد طريقة أسرع , و عشان تمشي في الموضوع دا لازم تصبر , خصوصا القاهرة , ممكن تلاقي نتيجة التحويل بانت بعد 3 أسابيع من بدء الدراسة , لكن الشئون دائما تطمئنك يعني من أول السنة هيقولولك لا تقلق او اقلق , .
5 - التحويلات لا تتم إلا بالإتنين أثبات السكن و المجموع , الاتنين مطلوبين و مفيش حاجة بتحل محل التانية
6 - , 7 - ليس لدي معلومة , معلوماتي فقط ما يتم من إجراءات بعد انتهاء الثانوية , بصفتك تود التحويل .

[issac-newton]

5 - في النقطة دي انا قلت لا تتم إلا بالاتنين , قصدت القاهرة , لكن على سبيل المثال المنصورة , قبلت كل التحويلات , و عين شمس اظن حتى التحويلات الي كان ناس جايبه فقط الحد الأدنى لكليات الهندسة

[طالب94]

1-حضرتك شايف ان تحويل لجامعة القاهرة او عين شمس يستاهل التعب ده كله و هيفيدنى فى الإبداع و كمان فى سوق العمل و لا هما مش هيكونوا احسن من بنها و اكمل تعليمي فيها عادى؟

2-فى "5" انا كنت اقصد هل ممكن مع المجموع العالى و وجود إثبات السكن التحويل ميتمش و ابقى ضيعت 3 اسابيع على الفاضى ولا هو مضمون؟

[issac-newton]

اها تستهال ,
دي اقوى الشروط بل و الشروط الوحيدة , من الأول لو ما تنفعش ما يعملوش تحويل أحسن بس طالما فتحو باب التحويل يبقا خلاص لا تقلق

[issac-newton]

ممكن تحول بعد كدا في سنة اولى بس مش هيبقا متاح ليك كل الاقسام , يعني ممكن تاخد اعدادي من بنها عادي و تجيب جيد جدا و تحول للقاهرة للأقسام ( طيران , تعدين , كيميا , طبية )

[طالب94]

المشاركة الأصلية كتبت بواسطة issac-newton

ممكن تحول بعد كدا في سنة اولى بس مش هيبقا متاح ليك كل الاقسام , يعني ممكن تاخد اعدادي من بنها عادي و تجيب جيد جدا و تحول للقاهرة للأقسام ( طيران , تعدين , كيميا , طبية )

لكن لو حولت إنشاء الله من اول الدراسة خالص هتبقى كل الأقسام متاحة؟

[issac-newton]

اها طبعا , من أول سنة باذن الله كل الاقسام متاحة ,

[طالب94]

شكراً جزيلاً و نسألكم الدعاء