لا نقابة اذا مرت زيادة اجور الاساتذة بسلام

[bakkar101]

إلى كريم على إلى متى نظرة التعالى والكبر التى تنظروا بها الى المعلمين نحن مثلكم ومنا من هم أقدر منكم على توصيل المعلومة والتمكن من المادة العلمية . بيعمل ايه دكتور الجامعة أحسن من اللى بنعمله . جرب كده وهات واحد جاهل من الشارع وقعده عندك وورينا تقدر تعلمه ايه . احنا الأساس بل احنا الأهم احنا بنربى ونعلم وحضراتكم بتستلموا عالجاهز . كلنا كنا فى كليات وأشهد أن 99% من الدكاترة اللى شوفتهم كل اللى بيعملوا بيقعد على المكتب ويقرا من مذكرة على أساس يعنى إن الطلبة مش بتعرف تقرا . وإذا كنت بتتهمنا اننا أغلبنا بيشتغل دروس فإنتوا كذلك ده غير تجارة الكتب اللى أقل كتاب وصل 40 جنيه دلوقتى واضرب فى كام ألف أعداد الدفعات . كفاية استهزاء بالغير لأن كلكم عيوب . وعندنا لسان وعلم ونقدر نرد كويس . واحساسك انكم تستاهلوا زيادة واحنا لأ ده يرجع لكبر فى نفسك وانا شايف انه كبر عالفاضى ملوش أى سبب . يا عزيزى كلنا متساوون فى الحقوق والواجبات وإن أخطأ البعض عندنا فكلكم أخطاء إلا ما رحم ربى . أما عن زيادتكم فهذا أول خطأ للرئيس لأنه كان منكم وعشان كده زودكم ونسى إن الكل مسئول منه أمام الله . وأنا كمواطن سأطلب حقى منه يوم القيامة أمام الله فليجهز ما يقول