|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
15-07-2012, 07:20 AM
|
||||
|
||||
اخيرا عرفت احدد هدفى الحمد لله
باذن الله لية هدفين فى المرحلة المقبلة الاول ادخل كلية هندسة ( مش شرط ) اى كلية مش هتفرق لو مجتش هندسة لان ربنا اكيد عارف فين مصلحتى _ كمان ابدع اى شىء فى مجالى يفيد المسلمين و يشرف الاسلام او عالاقل اكون انسان ملتزم ناجح فى مجالى نموذج صالح امام الناس اكون قدوة ليهم فى زمنا الصعب الخطوات المتبعة : اجتهد فى الثانوية قدر الامكان _ احاول ازود ثقافتى العامة الهدف التانى هو انى ازود ثقافتى الدينية ( احفظ القران و افهمه _ احفظ احاديث و اعمل بيها _ اعرف سنة النبى كويس ) السبب فى الهدف ده حاجتين الاولى : حاجة حصلتلى من يومين مع اعز اصحابى حسيت بالتقصير فيها تجاهه و العجز عن مساعدته بسبب ضعف ثقافتى الدينية _ و حاجات كتير بتحصلى بحس فيها باهمية انى اكون حافظ وقتها اية او حديث عن الموضوع السبب التانى : قعدت مع نفسى و حسبتها كدة هعمل ايه و حياتى هتمشى ازاى لو فشلت زى ما انا كدة قلت ناقصلى سنة فى الثانوية هذاكر و هتعب و فى الاخر المنهج بيتمسح من دماغى للاسف ( ادى سنة ضاعت من غير فايدة كبيرة ) سنين الجامعة هنشغل بالدراسة فيها و كدة و بس بعدين هبدا ادور على شغل بعدين هكون اسرة هنشغل بتنظيمها و اقضى طول حياتى على هذا المنوال لغاية ما اموت !!! طيب السؤال امتى ههتم بدينى و اعرف عنه كل حاجة او معظم الحاجات ؟؟ ازاى هواجه مواقف الحياة الصعبة اللى هتقابلنى بثقافتى الضئيلة دى و معلوماتى الضئيلة عن الدين ؟؟ ازاى هربى ولادى ازاى هتعامل مع الناس و افيدهم ازاى يكون لية دور فى افادة الناس ؟؟ ازاى هواجه ربنا يوم القيامة و هقوله ايه هقول ايه للرسول عن الدعوة ؟؟ طريقة تنفيذى للهدف ده : اولا هقدم فى معهد جنبنا هحفظ فيه القران و هتعلمه و هتعلم فيه امور دينى و ده مش هيكون فى الاجازة بس بل هيكون على مدار الدراسة كمان و بكدة هتعلم و احافظ على نفسى و افيد الناس  و شكرا جدا يا بشمهندس عالموضوع الجميل  و اسف لتاخر الاجابة  مع انى قريت الموضوع اول ما نزلته
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت 
|
|
#2
15-07-2012, 10:21 AM
|
||||
|
||||
|
اقتباس:
أولاً أنا سعيد جداً بكلامك ده
ولا يهمك على التأخير انا هدفي ان كل واحد كان يقف مع نفسه ويحاسب نفسه دنيوياً ودينياً لأن ربنا أمر بالعلم .. "وقل ربِ زدني علما " العلم شأنه كبير جداً وأبشرك بعد سعيك لأهدافك السامية دي أنه... من سلك طريقاً يلتمس فيه علماً ..سهل الله له به طريقاً إلى الجنة فأبشر إن صدقت 
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:32 PM.
