سوال لكل الى فى علوم بلييييييييز

[مريم السباعى.]

السلام عليكم ان شاء الله انا مستنية نتيجة الثانوية باذن الله وبتمنى علوم ان شاء اله الحقها
انا كنت عايزة اسال عن قسم فزياء ايه نظامه اصلى بصراحة من زمان مسمينى عبقرينو رياضة وفزياء وبحبهم جدا وعلشان كدة حاسة انى ممكن انجح فى المجال قوى بس ناس كتير قلولى قسم صعب والشغل بتاعه مش كتير مش عارفة امتنى ارئكم ونصائحكم وهل فى اقسام تانية فى الكلية فيها رياضة ومسائل وكدة ولا انا علمى علوم علفكرة وجزاكم الله كله خير

[Ahmed Magdy Beshr]

من كلامك اكيد انت علمى رياضة .... وقسم فيزياء متاح لعلمى رياضة .... والافضل انك تدخلى كيمياء ... بس ده دلوقتى صعب لان كل كليات العلوم طبقت نظام الساعات المعتمدة و فيه التخصص من سنة اولى و الائحة مفيهاش كيمياء لعلمى رياضة و فى قسم كويس جداً الى هو فيزياء حيوى و بيشتغل فى مجال الاشعة الطبية و الطاقة الذرية..... بالتوفيق ان شاء الله ... و ان شاء الله تدخلى الى تتمنيه ...

[مريم السباعى.]

اولا ميرسى على الرد والاهتمام جدا بس انا علمى علوم مش رياضة واله منا كتابة فوق ومحتارة بجد

[كيميائي طبي2011]

مش هتلاقي اقسام رياضه لعلمي علوم لكن كل اقسام الكيمياء والبيولوجي بتدرس الرياضه كماده مساعده وارشحلك اقسام الكيمياء بيولوجي مزدوج

[مريم السباعى.]

تمام اشكرك على الاهتمام وربنا يسهل الحال ان شاء الله

[mohamed-mohsen]

بصى بخصوص جامعة القاهرة عشان انا فيها عندنا قسم اسمه قسم فيزياء منفرد وده متاح ليكى عادى من سنة تانية .....
وعندنا قسم اسمه رياضة / فيزياء وده متاح برضه ليكى بشرط انك تدرسى فى سنة أولى مادة الجبر وبصراحة بما انك علمى علوم فنصيحة تدخلى قسم فيزياء وتبعدى عن الرياضة تمااااااااااما