اغانى.....اغانى............اغانى.!!

[the matrex]

لا أتخيل أني يوم نتيجه الثانويه (ان شاء الله) مش هسمع عبد الحليم ( الناجح يرفع ايده)
أنا حاليا متجنبه الأغاني المثيره والتي فيها وصف لجسد المراه فقط ولكني مازالت اسمع أغاني محمد فؤاد عشان بذاكر عليها.

[مسلمة متفائلة]

المشاركة الأصلية كتبت بواسطة the matrex

لا أتخيل أني يوم نتيجه الثانويه (ان شاء الله) مش هسمع عبد الحليم ( الناجح يرفع ايده)
أنا حاليا متجنبه الأغاني المثيره والتي فيها وصف لجسد المراه فقط ولكني مازالت اسمع أغاني محمد فؤاد عشان بذاكر عليها.

أولاً:

أسأل الله لكِ التوفيق حبيبتي و أن يرزقك أعلى الدرجات

ثانياً : ندخل في الموضوع =)

عايزاكي بس الأول تكوني قرأتي الموضوع كامل

وتكوني اتفرجتي على الفيديوهات اللي فيه

____________

إنتي أكيد بتحبي النبي عليه الصلاة والسلام ... صح ؟

طيب مش النبي ده هو اللي ربنا أمرنا باتباعه ؟ وطاعته ؟

مش إنتي عارفة إن ربنا سبحانه وتعالى قال: ﴿قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ﴾

وقال تعالى : (وَاتَّبِعُوهُ لَعَلَّكُمْ تَهْتَدُونَ﴾

وقال الله سبحانه :

( إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا
وَأُوْلَئِكَ هُمُ الْمُفْلِحُونَ )

طيب أنا ليه قولتلك كده ؟

لأن النبي صلى الله عليه وسلم نهى عن سماع الأغاني والموسيقى

وانتي لو بتحبيه بجد هتطيعي أمره وتجتنبي نهيه

واعرفي إن اللي بيحب حد بيحب هديه وبيحب يشوفه بيعمل إيه ويقلده

طيب مش النبي أولى بالحب ده والإتباع ؟ بل إن الإيمان لا يكون كاملاً إلا بحبه الخالص

قال رسول الله صلى الله عليه وسلم :

( لا يؤمن أحدكم حتى أكون أحبّ إليه من نفسه وماله وولده والناس أجمعين )

وقال سيدنا عمر بن الخطاب لرسول الله ذات يوم :

( يا رسول اللّه !! واللّه لأنت أحبّ اليَّ من كلّ شيء ، إلاّ من نفسي )..

فقال رسول اللّه صلّى اللّه عليه وسلم‏:‏ [ ‏لا يا عُمر حتى أكون أحبّ إليك من نفسك ‏]..

فقال‏ عمر:‏ ( يا رسول اللّه !! واللّه لأنت أحبّ اليَّ من كلّ شيء ، حتّى من نفسي )..

فقال رسول اللّه صلّى اللّه عليه وسلم‏:‏ [ ‏الآن يا عُمر ‏]


طيب أنا ليه قلت المقدمة الطويلة دي كلها ؟

عشان أقولك إن النبي اللي إنتي دلوقتي المفروض بتحبيه أكتر من نفسك

نهانا إن احنا نسمع الأغاني والموسيقى

قال الرسول صلى الله عليه وسلم : ( يكون في أمتي مسخ وقذف ومسح )، قيل : يا
رسول الله متى ؟ قال : (إذا ظهرت القينات والمعازف واستحلت الخمر )
رواه الترمذي بسند حسن

والقينات جمع قينة وهي المرأة المغنية

وقال صلى الله عليه وسلم :
( ليكونن من أمتي أقوام يستحلون الحِر والحرير والخمر والمعازف )
رواه البخاري

ومعنى يستحلون أنها في الأصل حراماً .. ثم يستحلونها ويكثرون منها ولا يتحرجون من فعلها.

حبيبتي عمرك شوفتي مغني بيغني في التحذير من الزنا أو شرب الخمر أو الأمر بالصلاة

أو غض البصر أو العفة عن الشهوات ؟

طبعاً لأ .. بل إنك بتشوفي اللي بيصف المرأة ويصف الخد والعينين والطول والعرض .

عشان كده سيدنا ابن مسعود رضي الله عنه قال : الغناء رقية الزنا .

أي طريقته ووسيلته ..

يااااه تعرفي سيدنا ابن مسعود قال كده أمتى ؟

لما كان الغناء يقع من الجواري والإماء المملوكات .. وقت ما كان الغناء بالشعر الفصيح و الدف فقط

وليس فيه همسات ولا لمسات .. ومع ذلك يقول : هو رقية الزنا... !

ما بالك لو ابن مسعود رآنا الآن .. وقد تنوعت الألحان وكثر أعوان الشيطان ..

وأصبح الغناء والموسيقى في كل مكان

في المواصلات والبيت والشارع .. سبحان الله .. !

طيب حاجة كمان

جاء رجل إلى ابن عباس رضي الله عنهما , وقال : أرأيت الغناء أحلالٌ هو أم حرام ؟

( وخلي بالك .. الرجل جاء يسأل ابن عباس عن الغناء الذي كان في زمانهم .. الذي
ليس فيه معازف .. ولا تصاوير .. ولا فيديو كليب ..ولا لبس عارٍ .. ولا رقصات ماجنة )

ومع ذلك جاء يسأله : حرام أم حلال ؟

فقال ابن عباس : أرأيت الحق والباطل ... إذا جاءا يوم القيامة .. فأين سيكون الغناء ؟

قال الرجل : يكون مع الباطل

قال ابن عباس: فماذا بعد الحق إلا الضلال ...! اذهب فقد أفتيت نفسك..!

أما أبو بكر رضي الله عنه فكان يسمي الغناء مزمار الشيطان

وسأل رجل الإمام مالك رحمه الله عن الغناء قال: ( ما يفعله عندنا إلا الفساق )

وسئل الإمام أحمد بن حنبل عن الغناء : ( فقال الغناء ينبت النفاق في القلب .. لا يعجبني )

والشافعي سماه : دياثة

وأبو حذيفة أفتى بالتحريم , بل بالغ أصحابه في النهي عن السماع فقالوا : سماع الأغاني فسق والتلذذ به كـفر .

ياااااه .. بعد قرآئتك للكلام ده ممكن بعد كده .. تطيقي تسمعي كلمة من أغنية ؟

أنا متأكدة إن شاء الله إنك هتقتنعي بالكلام ..

بس ممكن تقوليلي أنا عايزة دليل من القرآن ...!

هقولك موجود حبيبتي

قال الله : (وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ )

سئل ابن مسعود رضي الله عنه : ما هو لهو الحديث ؟

فقال : والله الذي لا إله إلا هو إنه الغناء ..!

وصدق سيدنا ابن مسعود وأن لم يقسم .

في الآخـر عايزة أقولك يا أختي .. إن الأدلة واضحـة قدامك

وقدامك بردو إنك تطيعي الرسول وربنا يرضى عنك .. أو العكس ..!

فاختاري لنفسك .. قبل ما يجي اليوم اللي ربنا يسألك فيه

ليه عملتي الحاجة دي وإنتي عارفة أنها حرام

وليه سمعتي الأغنية دي وإنتي عارفة إن سماع الأغاني حرام

وليه مش أطعتي الرسول وإنتي عارفة إن طاعته واجبة

وعايزاكي تعرفي إن ربنا اللي أمرنا ونهانا هو الأعلم بمصلحتنا جميعاً

لأنه هو خالقنا وعالم بأمورنا كلها

وآسـفة على الإطالة دي .. ^^

بس قبل ما أخلص عايزاكي تقرأي الكتاب ده للشيخ العريفي

ألحان ٌ وَأشْجَانٌ

وتسمعيله المحاضرة دي بردو

http://ar.islamway.com/lesson/22680


وقبل ما أنسى

إنتي بتقولي إنك مش متخيلة إنك مش هتسمعي أغنية عبد الحليم ( الناجح يرفع أيده )

فعلاً الواحد يوم النتيجة ده بيبقى طاااااااااير من الفرحة

وعايز يعبر عن فرحته

بس بعد الكلام اللي قرأتيه ده إن شاء الله مش هتسمعيها

وتستبدليها بالنشيد الجميل ده ( عن التخرج بردو ^^)



على الأقل الكلام اللي فيه مش مخالف للشرع زي ما عبد الحليم بيقول ( وحياة قلبي وأفراحه...)

_غفر الله له _ لأنه لا يجوز الحلف بغير الله سبحانه وتعالى

وجربي كده وإنتي بتذاكري .. قبل ما تذكري

بدل ما تشغل محمد فؤاد .. شغلي القرآن الكريم

عشان ربنا يبارك لك ويوفقك ويسهلك أمورك

أنا عن نفسي بحب اسمع القرآن للقارىء سعد الغامدي

http://www.mp3quran.net/s_gmd.html

والقارىء فارس عباد

http://www.mp3quran.net/frs_a.html

وبالنسبة لك شوفي بقى مين أكتر قارىء بتحبي تسمعيله

وشغلي القرآن بصوته

وبجد هتحسي براحة نفسية عمرك ما حستيها قبل كده

أحسن من الأغاني مليون مرة

بل لا يقارن أصلاً ..!

وفي الآخر حبيبتي بعتذر عن الإطالة جداً .. بس إن شاء الله تكوني اقتنعتي

وتاخدي عهد إنك عمرك ما هتسمعي أغاني ولا شئ يغضب الله تااااني

أسأل الله أن يتوب علينا جميعاً =)

............................................. أختك / تسبيحــات ^^