البنت : أنــــا لـــــــيـــــا شخـــــصيتى المستقلة

[عاشق البلانكو الابيض]

المشاركة الأصلية كتبت بواسطة صوت العقل

والله موضوع رائع ومن الواقع فعلا .. وعلى فكرة شدنى العنوان جدا

لان انا دايما اطبق المقولة دى على نفسى واعتز جدا بعقلى وشخصيتى ..

والله انا شايفة ان اراء البنات انقسمت بين مؤيد ومعارض .. وانا عن نفسى

من المعارضين للفكرة .. خلينا نتكلم بصدق اكيد فيه هدف من المطلب ده

اما عدم ثقة او فضول قاتل او مجرد تحكم وسيطرة على الفاضى وده

واضح من كلام حضرتك فى رد على مشاركة انك قلت ممكن يكون عايز

يعرف هتسمع الكلام ولالاء .. تفتكر حضرتك دى اسس صحيحة لعلاقة

مستقبلية قوية .. المهم نرجع لموضوعنا .. انا شايفة ان البنت حرة فى قرارها

وعلى الخطيب تفبله بصدر رحب .. ولو فكر كويس هيلاقى طالما عارف اخلاقها كويس

ان ده نوع من الامانة .. ازاى تكشف اميلات اصحابها واسرارهم قدامه .. هل ده جزء من علاقتها بيه !!

واعتقد لو عملت ده من الممكن انها تخرج اسراره هو كمان .. ما هو مفيش مبدأ ولا امانة

وبالتالى المفروض يحترم وجهة نظرها .. المعروف ان البنت بتستخدم الميل كطريقة للتواصل

مع صحباتها نتيجة لوجودهم بالبيت فترة طويلة .. وبيتفرعوا فى احاديثهم .. هل ببساطة

ممكن تعرف خطيبها حاجات زى دى كالموضة وما شابه هل دى مفيدة ليه !!!

استاذ عاشق الامر بسيط جدا .. وهسأل حضرتك سؤال بسيط وحط نفسك فى نفس

الوضع هل لو خطيبتك طلبت منك ارقام موبايلات اصحابك الشباب هتوافق !!!

نفس المبدأ ما انتم مش بتعملوا غلط وهى عايز تعرفهم برضو ..

تفتكر توافق !!!!!!!!

جزاكم الله خيرا على الموضوع ..

اكيد طبعا البنت لازم يكون ليها شخصية ومثقفة وبتعرف كل شئ
علشان تعرف تتحاور مع جوزها فى البيت
بس مش تقول شخصيتى وعقلى على حساب بيتى وزوجى
بس على فكرة المؤيدين للفكرة اكتر
يعنى مش تسمع كلام ولا ايه هو مش القران والشرع
قال على الزوجة اطاعة زوجها واذا مكنش هتسمع كلامه من الاول
يبقى خلاص هتتعود على كده
واعتقد لو هى واثقة فيه مش هتخاف يشوف اميلات صحباتها
لازم تكون متاكدة انه مش هيبص لغيرها
والا كده خايفة يتعرف على وحدة من صحباتها ويسيبها
ومش كل البنات بتكلم اصحابها البنات فى بنات ليها صحاب ولاد
وسؤال حضرتك غريب ولا يمكن مقارنته بطلب الباسورد
اسمحيلى لو وحدة طلبت كده يعنى يبقى مش محترمة

[صوت العقل]

المشاركة الأصلية كتبت بواسطة عاشق البلانكو الابيض

اكيد طبعا البنت لازم يكون ليها شخصية ومثقفة وبتعرف كل شئ
علشان تعرف تتحاور مع جوزها فى البيت
بس مش تقول شخصيتى وعقلى على حساب بيتى وزوجى

طبعا كلام حضرتك صح .. لكن بالمقابل على الزوج
تقبل وجهة نظر الزوجة ولو هو عمل كده من الخطوبة امال بعد الجواز ايه الوضع ..
كمان حضرتك بنفسك قولت زوج .. هل هو حاليا زوج
ولا مجرد خطيب وبرضو مش هقتنع ان ممكن زوجة تخرج اسرار صديقة لزوجها .. ده كله ليه
نتايج سلبية وكتير من المشاكل حصلت للسبب ده ..
بس على فكرة المؤيدين للفكرة اكتر

مش واضح

يعنى مش تسمع كلام ولا ايه هو مش القران والشرع
قال على الزوجة اطاعة زوجها واذا مكنش هتسمع كلامه من الاول
يبقى خلاص هتتعود على كده

ههههههههههه هتتعود على كده
يعنى الهدف انه يعودها سماع الكلام وبس ..
واكيد على الزوجة طاعة زوجها بس مش طاعة عمياء يعنى ..
هى مش تابع ليه ..
هى شريك حياة اولا
واعتقد لو هى واثقة فيه مش هتخاف يشوف اميلات صحباتها

اايه دخل الثقة فيه فى اميلات صحبتها
انا وجهة نظرى ان هى ممانعة لان ده خيانة
للامانة وثقة صحباتها فيها وهو نفسه مش هيستفيد شئ من انه يشوف الايميلات غير معرفة الاسرار بس وده شئ فى حد ذاته مش مقبول ..
واعتقد ان ده يقلل من شأنه لان بكده هو مش واثق من اختياره لخطيبته ..

لازم تكون متاكدة انه مش هيبص لغيرها
والا كده خايفة يتعرف على وحدة من صحباتها ويسيبها

تفكير غير منطقى وغريب .. معقولة واحدة ليها عقلها وشخصيتها هيكون ده تفكيرها .. اكيد مفيش عندها ثقة فى نفسها لو تفكيرها كده
واكيد الاساس بينهم مش قوى ..

ومش كل البنات بتكلم اصحابها البنات فى بنات ليها صحاب ولاد

طبعا مع حضرتك فى ده .. وده امر مرفوض بس اكيد نوعية البنات بتظهر والتعامل مع البنت وتفكيرها
بيعرف الانسان حقيقتها ..
ومش نقدر نعمم طالما عند البنت ايميل .. يبقى لازم تكلم ولد

وسؤال حضرتك غريب ولا يمكن مقارنته بطلب الباسورد

مش غريب ولا شئ .. انا اديت مثال لحضرتك
ان مش كل الطلبات بتبقى مقبولة ..
فى حاجات شخصية وخاصة بدليل انك رفضت الفكرة
على الرغم انها مش غلط ومجرد فضول برضو ..

اسمحيلى لو وحدة طلبت كده يعنى يبقى مش محترمة

ليه مش محترمة هى مش هتستخدمهم .. زى ما هو مش هيستخدم الميل
بس لازم زى ما حضرتك بتقول الامور تبقى واضحة ومش يخبوا شئ على بعض
مفيش خصوصية زى ما حضرتك بتقول ..

نهاية الامر ان هتفضل البنت مظلومة بافكار غريبة ..
لمجرد رفضها شئ من حقها بتعتبر غلطة لا تغتفر
واكيد اكيد بتعمل غلط او خايفة من شئ ..

ولما تطلب طلب بسيط زى طلبه ومش هتستخدمه
لمجرد الفضول زيه ..بقت مش محترمة ..
كده يبقى انت اكيد فى مصر
جزاكم الله خيرااا

[عاشق البلانكو الابيض]

المشاركة الأصلية كتبت بواسطة صوت العقل

ليه مش محترمة هى مش هتستخدمهم .. زى ما هو مش هيستخدم الميل
بس لازم زى ما حضرتك بتقول الامور تبقى واضحة ومش يخبوا شئ على بعض
مفيش خصوصية زى ما حضرتك بتقول ..

نهاية الامر ان هتفضل البنت مظلومة بافكار غريبة ..
لمجرد رفضها شئ من حقها بتعتبر غلطة لا تغتفر
واكيد اكيد بتعمل غلط او خايفة من شئ ..

ولما تطلب طلب بسيط زى طلبه ومش هتستخدمه
لمجرد الفضول زيه ..بقت مش محترمة ..
كده يبقى انت اكيد فى مصر
جزاكم الله خيرااا

بنصح حضرتك بلاش تتفرجى على البرامج اللى بيجى فيها ستات
معقدين وليل نهار تاعبنا بحقوق المراة

[صوت العقل]

المشاركة الأصلية كتبت بواسطة عاشق البلانكو الابيض

بنصح حضرتك بلاش تتفرجى على البرامج اللى بيجى فيها ستات
معقدين وليل نهار تاعبنا بحقوق المراة

اشكرك استاذ عاشق البلانكو للنصيحة الطيبة ..
بس انا عادة مش من هواة التليفزيون وبرامجه ..
عادة دى طبيعة شخصيتى اطالب بحقوقى طالما
لا تتنافى مع الدين والاخلاقيات ..
جزاكم الله خيرااااا

[عاشق البلانكو الابيض]

المشاركة الأصلية كتبت بواسطة صوت العقل

اشكرك استاذ عاشق البلانكو للنصيحة الطيبة ..
بس انا عادة مش من هواة التليفزيون وبرامجه ..
عادة دى طبيعة شخصيتى اطالب بحقوقى طالما
لا تتنافى مع الدين والاخلاقيات ..
جزاكم الله خيرااااا

اه والدين بيقول الوحدة تخبئ
لمجرد تقول شخصيتى وعقلى
بس انتو بتتناقشوا لمجرد ان المراة
يبقى ليها شخصية
وهل شخصيتها هتظهر لما تخبئ
عن الانسان اللى هترتبط بيه

[صوت العقل]

المشاركة الأصلية كتبت بواسطة عاشق البلانكو الابيض

اه والدين بيقول الوحدة تخبئ
لمجرد تقول شخصيتى وعقلى
بس انتو بتتناقشوا لمجرد ان المراة
يبقى ليها شخصية
وهل شخصيتها هتظهر لما تخبئ
عن الانسان اللى هترتبط بيه

لاء طبعا .. حضرتك بتخلط الامور ..
الايميل بيبقى مجرد كلام بنات واسرارهم
وهنا عدم امانة من البنت انها تديه لخطيبها
هو مش سر ليها هو جامع لاسرار صحباتها وده شئ مش من حقها
انها تخرج اسرارهم .. الدين مش قال البنت تخون الامانة لمجرد ارضاء شخص ..
وعايز الحق انا شايفة ان طلب الخطيب ممكن يكون لهدف فى نفسه ..
وعلى فكرة كل انسان ليه شخصيته من صغره .. مش محتاجين نتناقش لاثباتها
مناقشتنا دلوقتى دفاع عن مبدأ ان فيه خصوصية برضو وياريت اسمع اجابة واضحة
لسؤال امبارح هل يوافق الخطيب انه يدى ارقام موبايلات اصحابه لخطيبته لمجرد
الفضول برضو .. ما هى زيه مش هتعمل حاجة بيهم لكن عايزة تعرف بس ..

[عاشق البلانكو الابيض]

المشاركة الأصلية كتبت بواسطة صوت العقل

لاء طبعا .. حضرتك بتخلط الامور ..
الايميل بيبقى مجرد كلام بنات واسرارهم
وهنا عدم امانة من البنت انها تديه لخطيبها
هو مش سر ليها هو جامع لاسرار صحباتها وده شئ مش من حقها
انها تخرج اسرارهم .. الدين مش قال البنت تخون الامانة لمجرد ارضاء شخص ..
وعايز الحق انا شايفة ان طلب الخطيب ممكن يكون لهدف فى نفسه ..
وعلى فكرة كل انسان ليه شخصيته من صغره .. مش محتاجين نتناقش لاثباتها
مناقشتنا دلوقتى دفاع عن مبدأ ان فيه خصوصية برضو وياريت اسمع اجابة واضحة
لسؤال امبارح هل يوافق الخطيب انه يدى ارقام موبايلات اصحابه لخطيبته لمجرد
الفضول برضو .. ما هى زيه مش هتعمل حاجة بيهم لكن عايزة تعرف بس ..

اصحاب البنت واسرارهم الكلام ده بيبقى على الواقع
مش على النت يعنى مش تتعرف على وحدة ما تعرفهاش اصلا
وتقولى دى صحبتى وليها ارسرار
ما يمكن مش بنت اصلا اللى بتكلمها على الاميل دى
وزى ما قلت سؤال حضرتك غريب واللى تقول كده تبقى مش محترمة
ويجب التفرقة بين الاتنين مفيش مساواة فى كل شئ