هل تؤيد الغاء الدروس الخصوصية ؟

[!! Dark Man !!]

ايه رايكم في الدروس الخصوصية

انا عن نفسي شايف انها مضيعة للوقت والمال

ومعظم الوقت ف الدراسة بيروح ع الدروس الخصوصية

واتمني انها تتلغي

فانتوا ايه رايكم ف كده ؟ وهل ممكن الوزارة تلغيها ؟

وخصوصا انها السبب الرئيسي لتدمير التعليم في مصر

[خالد مصطفـى]

طبعاً مؤيد


لأن الدروس دي بتخلي أغلب المدرسين مش بيشتغلوا بزمهٰ ف المدارس
...

الدروس الخصوصيه مضيعه للوقت وإهدار للمال "*

[sameh mostafa]

أويد بس بشرط يكون فى شرح كويس من المدرسة واهتمام وانضباط

[رايه الاسلام]

لا بعد اذنك انا مش بؤيد الحكاية دى لو عايز نتكلم بصراحة طالب ثانوية عامة مش هيقدر يستغنى عن الدروس الخصوصية ولو قولت لا تبقى بتضحك على نفسك حتى لو المدرس حاول يحسن شرحه فى الفصل مش هيبقى زى اعتمادنا على الدروس مش انا بس لا ده كل طلبة الثانوى الدروس مينفعش تتلغى فى ظل نظام التعليم الحالى اما بقى لو النظامك اتغير ككل واصبحت منظومة جديدة فساعتها ممكن نقول لا للدروس الخصوصية انا مش عايزة ازعل حد ولا عايزة هجوم بس دى الصراحة ولا رايكم ايه ؟

[amothman123]

لا أؤيد
كل زمن و له طريقة فى التعليم
أنا اعرف مدرسين بيبدعوا عندنا فى الشرح فى المدرسة .. عندنا مدرس كيمياء ماخدتش عنده بس شرحه فى الفصل المدرسى إبداااااااااع !! و رغم كدة مابيلحقش يشرح صفحتين
لأن برضة وقت الحصص الغبى نصف ساعة لكل حصة !! يشرح فيه أية !
و المدرس عمره ما بيلاقى راحته فى الشرح إلا لما تكون ساعة بالكتير
و مش مضيعة للوقت أوى يعنى خاصة لما تكون فى البيت

[lolo ezzat]

اطلاااااااااااااااااااااااااااااااااقا
مينفعش تتلفى ف وقتنا الحالى
لما المنظوومه كلها تتغيرولما المدرسين ضميرهم يصحى شويهف الفصوول نبقى نلغى الدروس
لكن مستنى ايه من واحد طالع من ابتدائى واعدادى ع الدروس غير ان هو ميقدرش يستغنى عنها؟!!!فى ثانوى اللى هى المفرووض اكتر مرحله محتاجين فيها للدروس
انا اقترح انها تكون اختياريه ميكونش الطالب مجبووور عليها وكمان المدرسين يشرحوا كويس ف الفصل
بحيث ان الطالب اللى مش هيقدر ياخد الدروس مياخدش ماهو عنده مدرس كوويس ف الفصل
لكن الغاء الدروس الخصوصيه كده كمبدأ يعنى!!!!!!مينفعش لاازم يكوون فى قرارات تانيه جمبها

[still think of you]

اؤيد
لو كل الدروس اتلغت
الطلاب كلهم مستواهم هيقل
عشان كل واحد ليه نقطه ضعف و كده هيقل التنسيق
اما حاليا
لو انت مش بتاخد بقيه الطلاب اشطر منك عشان نقط ضعفهم بتتملى

[Pro Saher Abdel-Aziz]

المشاركة الأصلية كتبت بواسطة رايه الاسلام

لا بعد اذنك انا مش بؤيد الحكاية دى لو عايز نتكلم بصراحة طالب ثانوية عامة مش هيقدر يستغنى عن الدروس الخصوصية ولو قولت لا تبقى بتضحك على نفسك حتى لو المدرس حاول يحسن شرحه فى الفصل مش هيبقى زى اعتمادنا على الدروس مش انا بس لا ده كل طلبة الثانوى الدروس مينفعش تتلغى فى ظل نظام التعليم الحالى اما بقى لو النظامك اتغير ككل واصبحت منظومة جديدة فساعتها ممكن نقول لا للدروس الخصوصية انا مش عايزة ازعل حد ولا عايزة هجوم بس دى الصراحة ولا رايكم ايه ؟

المشاركة الأصلية كتبت بواسطة amothman123

لا أؤيد
كل زمن و له طريقة فى التعليم
أنا اعرف مدرسين بيبدعوا عندنا فى الشرح فى المدرسة .. عندنا مدرس كيمياء ماخدتش عنده بس شرحه فى الفصل المدرسى إبداااااااااع !! و رغم كدة مابيلحقش يشرح صفحتين
لأن برضة وقت الحصص الغبى نصف ساعة لكل حصة !! يشرح فيه أية !
و المدرس عمره ما بيلاقى راحته فى الشرح إلا لما تكون ساعة بالكتير
و مش مضيعة للوقت أوى يعنى خاصة لما تكون فى البيت

المشاركة الأصلية كتبت بواسطة lolo ezzat

اطلاااااااااااااااااااااااااااااااااقا
مينفعش تتلفى ف وقتنا الحالى
لما المنظوومه كلها تتغيرولما المدرسين ضميرهم يصحى شويهف الفصوول نبقى نلغى الدروس
لكن مستنى ايه من واحد طالع من ابتدائى واعدادى ع الدروس غير ان هو ميقدرش يستغنى عنها؟!!!فى ثانوى اللى هى المفرووض اكتر مرحله محتاجين فيها للدروس
انا اقترح انها تكون اختياريه ميكونش الطالب مجبووور عليها وكمان المدرسين يشرحوا كويس ف الفصل
بحيث ان الطالب اللى مش هيقدر ياخد الدروس مياخدش ماهو عنده مدرس كوويس ف الفصل
لكن الغاء الدروس الخصوصيه كده كمبدأ يعنى!!!!!!مينفعش لاازم يكوون فى قرارات تانيه جمبها

اعتبرهم بيتكلموا نيابة عنى

[بحر_الامل]

لا اؤيد مطلقا فى ظل النظام الحالى

[222ahmed222]

نعم اؤيد ذلك وبشدة
وللطلبة أن يعلموا ان مساوئ الدروس الخصوصية قد تمددت لتصبح اكثر من مجرد تجارة
الدروس الخصوصية تسببت في البعد عن الحضور والتغيب عن المدرسة
مما ترتب عنه حاله من الانحراف في ان الطلاب يقولون لأولياء امورهم انهم يذهبون للمدرسة ثم يذهبون للتدخين او لعب كرة القدم او الذهاب الى مقاهي الانترنت
وللعلم انا واحد من هؤلاء دون خجل كنت بروح المدرسة فقط عشان اروح احضر الاذاعه انا وصاحبي وبعد الإذاعه نخرج من المدرسة نقعد ف السيبر شوية وبعدين نروح البيت
وانا على فكره مكنتش طالب فاشل يعني انا الحمدلله جيبت مجموع كويس وكنت معروف ف المدرسة بمستوايا الجيد والحمدلله
واحب اقول كمان زيادة عن كل هذا مشكلة الدروس الخصوصية هي ذاتها التي سببت استهتار المدرسين في الشرح في المدارس لكي يذهب الطالب ليأخذ درساً عنده
زيادة على كل هذا
انا نفسي ان مجاميع زمان ترجع تاني ايام ما كانت هندسة بابا الله يرحمه دخلها من 77% مع العلم ان امتحاناتهم كانت اصعب من دي بس مش بالفرق الكبيييييييير اوي دا ال يخليها تزيد 20% يعني خالص
بس الفرق ان بقيت بتقعد مع مدرس هدفه ف الحياة مش انه يشرحلك منهج تستفيد منه!! لأ على الإطلاق بقى هدفه انه يتاجر معاك يخليك تجيب الدرجة النهائية ومن غير ماتفهم حاجه وتطلع من الامتحان ناسي كل حاجه مقابل انه يمص دمك ودم أهلك ال تعب ف الفلوس دي

احب اؤكد على إنّ والدي الله يرحمه لحد ما كنت انا ف اخر سنه ف حياته وانا ف اولى ثانوي لما كنت بسأله ف حاجه كنت بكتشف انه لسه فاكر حاجات كتير جدا من دراسته للثانوية االعامه
هو دا الصح

جدير بالذكر إن انا خدت دروس زي كل الطلبه ف كل المواد ووالدي طبعا مخدش ولا درس خالص بالرغم من وجود دروس وقتها بش مش بنفس الشكل دا ولكن مقدرش نظراً لحالته الماديه وقتها

و ال الطلبه مش واخدين بالهم منه ان الحاجتين ف بينهم علاقه عكسيه " الدروس الخصوصية وضمير الاساتذه ف الشرح ف المدرسه" بمعنى انه لو الدروس الخصوصية منتشرة زي دلوقتي ف المدرسين مش بيشرحوا ف المدارس بس لو اتمنعت الدروس الخصوصية دا طبعاً هيكون بمقابل رفع رواتب المعلمين شيئاً ما يرضيهم فوقتها مش هيكون اصلا وراهم غير انهم يشرحوا للطلبة دا من وجهة نظري يعني

[Alsunian1]

اؤيد اكيد
بس لما المدرسين يبقى عنددهم ضمير شوية ويشرحو كويس فى المدارس
ودا مش هيحصل الا لما يوفرو للمدرس المرتب التمام
والله بقت مشكلة صعبة
المدرس حاليا بيقفل المليون فى السنة من الدروس تفتكر هيراعى ربنا ويشرح فى المدارس ال بيلم من وراها ملاليم
مشكلة معقدة

[ahmed H capo]

مش منطقي ان ميبقاش في دروس خصوصية
لما يبقي مفيش
مين هيفهمني ويشرحلي ؟
احنا مش شعب عبقري لدرجة انه يفهم لوحدة
ومفيش شرح في الثانوية في المدارس
كل مدرس يروح يكتب حضور
ويخلع

[asmaa232]

لا مش بأيد خااااالص ولازم نبقى واقعيين شوية
هى الى حد ما مضيعة للوقت بس لو استغنينا عنها اى البديـــــــل .. شرح كويس ف المدرسة ؟ لا طبعا حتى لو المدرسين شرحوا كويس ف المدرسة دا لوحده ميكفيش المشكلة مش مشكلة دروس خصوصية وبس المشكلة مشكلة منظومة بأكملها
لو فعلا نظام التعليم هنا ف مصر اتغير وبقت المدرسة وافية بكل حاجة من دراسة وابداع وترفيه وغيره وغيره يبقى فعلا الدروس مش هيبقى ليها لازمة ساعتها .. يدينى ويديك طولة العمر بقى

[asmaa232]

المشاركة الأصلية كتبت بواسطة بنوتة مصرية1

اؤيد اكيد
بس لما المدرسين يبقى عنددهم ضمير شوية ويشرحو كويس فى المدارس
ودا مش هيحصل الا لما يوفرو للمدرس المرتب التمام
والله بقت مشكلة صعبة
المدرس حاليا بيقفل المليون فى السنة من الدروس تفتكر هيراعى ربنا ويشرح فى المدارس ال بيلم من وراها ملاليم
مشكلة معقدة

والله حتى لو زودوا المرتبات الفكر هو الفكر واللى معندوش ضمير معندوش ضمير فمش مسألة زيادة مرتبات هيا

[ahmed H capo]

بصوا يا شباب هي مسالة ضمير قبل ما تكون مسالة فلوس
انا اعرف مدرس تاريخ في مدرستي القديمة ظروفه وحشه جدا ومرتبه ضعيف بغباء و بيشرح بذمه وضمير مشتفهمش عند حد
واعرف مدرس عربي بياخد مرتبات ضخمه جدا وفي مدارس خاصة وشغال دروس بفلوس اوفر اوي
ومفيش ضمير ولا شرح عدل حته