حملة شباب ضد الغش - هااااااام جدااا لمساعدتكم

[نجوم]

المشاركة الأصلية كتبت بواسطة sanawyastudents

يا أستاذي الفاضل ... أنا طالب بسيط ... معروف بين الطلاب إني "قفل" عشان مش بغشش حد ... واللي يسمع كده يفتكر إنهم بيكرهوني بس والله أبدا ... أنا الحمد لله بالرغم من ده محبوب منهم جداااااا ويكفيني إحترامي لنفسي قبل إحترامهم لي ...

سيدي الفاضل، أحب أسأل حضرتك سؤال وفكر فيه بعمق ... هل تنتظر من الطالب أن يعاملك بإحترام بعد أن سمحت له بالغش ؟؟ وهل ردة الفعل العنيفة التي تلقاها من الجميع عند منع الغش تنقص من إحترام الطلاب لك ؟؟ أم أنها تزيده ؟؟ وفي أي الحالتين تشعر برضا الله وإرتياح الضمير ؟؟ هل ستسأل من الله أم من الناس ؟؟ مش منتظر إجابة ... إنما يكفي مجرد التفكير في السؤال

عن ابن عباس ، قال : قال رسول الله صلى الله عليه وسلم : " من أسخط الله في رضا الناس سخط الله عليه ، وأسخط عليه من أرضاه في سخطه ، ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه " .


الطالب اللي بيغش بيشيل ذنبه لوحده ... المدرس اللي سمح للطلبة إنهم يغشوا بيشيل ذنبه وذنب كل طالب غش ...

يا مستر إعتبرني أخو حضرتك الصغير وده شرف ليا والله ... حضرتك لسه 28 سنة تقريبا ... يعني حضرتك لسه بتكون صورتك عند الناس ... خليهم ياخدوا عن حضرتك صورة كويسة من الأول ... يحترموها في وجودك ويذكروها بالخير في غيابك .... وتذكر دائما أنك الداعية الصامت ... تدعو الناس بأخلاقك وتصرفتاك ويجزيك الله على تلك الدعوة

وتقبل مني كل إحترامي وتقديري

[size="1"]ياياياياه ----------ده كان حلم عندى ونام انا مدرسه - لا اغشش والحمد لله حاولت كثيرا منع الغش بالنصح والارشاد وبالذات فى الدور الثانى لكن كنت بلاقى مقاومه من كافه الاتجاهات
معقول الشباب زى ما كان لهم دور فعال فى ثوره 25 يعملوا ثوره على الغش وينجحوا ---------- هنشجع وهنساعد -----بس يلا عايزين افكار حلوه لكى نتخلص من آفه الغش التى اصبحت مش بس فى الامتحانات لكن اصبحت فى حياتنا ------------والله ده حلمى ننظف التعليم اولا من هذا الميكروب الذى تفشى فى التربيه والتعليم ------------ انا وضعه هذا الموضوع من اهدافى عندما اقوم بالتدريس وحريصه عليه لكى ابثه فى تلاميذى [/size]