رسالة من معلم

[eidsalim]

ارسل هذه الابيات الى الرئيس
وهى من تاليف زميلن الاستاذ ابراهيم رمضان
بسبب اهمال التعليم والمعلمين نظمت هذه الابيات
رسالة الى الوالى
دندن يا قلم دندن وعلى الصوت
صوتك ولا مسموع
دا كلام حروف ع الورق
لكن مهوش مسموع
صوتى دا راح من زمن
اصبح مهوش مسموع
يصرخ دا قلبى انا
تبكى عنيا دموع
بلغ كبير البلد انى بموت م الجوع
وقول له جاك الخبر
ولا مهوش مسموع
صوتى دا طاف الفضا
عندك مهوش مسموع
بينى وبين الناس حبل الوداد مقطوع
قالوا عليا حرامى
دراكولا ضوئه شموع
قالوا عليا كتير صعلوك على جربوع
مع انى بانى الهرم
نورت ايدى شموع
بانى الحضارة انا قبل التاريخ بتاريخ
طلعته بيدى القمر
علمته ع المريخ
علمته يصنع سفن ف البحر كالشماريخ
ف الجو يصنع سفن
طيران على صواريخ
علمته يصنع دوا يكتب عليه تواريخ
لو ينصلح حالى راح ينصلح حالكم
راح ينصلح مجتمع
نظرة ياصاحب البلد دعوة يا شيخنا الجدع
قبل الهرم كان صوتى
سامع على مسموع
طب ليه بتنسانى
وزى العوازل لمت
طب ليه بتنسانى
ولولا ايدى ما كنت
تدى لغيرى زيادة وعندى ليه ممنوع
وانا اللى بانى الهرم
وصوتى مش مسموع