نموذج اجابة امتحان الكيمياء 2012 مستر فيكتور

[مستر// فيكتور بخيت]

http://www.thanwya.com/vb/showthread...41#post4612141

[محمد عب الصمد]

الف شكر يا استاذنا
تسلم ايدك
اختلف معاك في السحابة الالكترونية لانها تفيد الاوربيتال اكثر
و ده تعريف صريح في كتاب المدرسة
و في تعريف اعداد الكم

[محمد محمدى 50]

حبيبى ياستاذ محمد

[أ/ مصطفى عرفات]

الإجابات النموذجية للأسئلة المشكوك فيها
السؤال الأول تخير : مستويات الطاقة فى الذرة
و ننتظر نموذج الإجابة غدا و أعتقد إنهم هيعلموا جميع ما سبق بردة صح

السؤال الأول مصطلح : السحابة الإلكترونية
بالأمس فى جريدة اليوم السابع نفس هذا السؤال و كانت الإجابة ( السحابة الإلكترونية أو الأوربتال )
و ننتظر نموذج الإجابة غدا و أعتقد هيعلموا الإتنين صح

السؤال الرابع رابعا : أنا بس عاوز أعزر الطلبة طالما المدرسين بيختلفوا عليها امال الطلبة يعملوا اية :
ألا مستحييييييييييييييييييييل تكون سوبر أكسيد مع إحترامى لكل الأساتذة اللى قالوا كدة
لكن تعرفوا ؟ المسألة دى متفصلة على السوبر أكسيد و فى الحالة دى الإجابة واحد مول
بس لية قولت مستحيل ؟
كان لازم يكتب وجود حرارة و كمان دة كاتل نشادر مسال يعنى لازم يطلع أكيد مثالى مش سوبر
طب و لو هوة أكسيد عادى هيقابلنا مشكلة فى صيغة السؤال نفسة لان فى الحالة دى هيطلع للطال إجابتين مرة نص و مرة ربع
أعتقد السؤال دة هيتشال خالص و يوزعوا درجتة على باقى الأسئلة

السؤال السادس الأخير هيبقى 2 مول يتفاعل و يتبقى 3 مول من بروميد الهيدروجين زائد و لكن السؤال دة مش كل الطلبة هتحلة صح يعنى كل 100 طالب 10 بس هيحلوة صح
بس أكيد دة مش هيتشال لان دة السؤال الوحيد اللى فى الإمتحان لة لزمة من وجهة نظرى

لكن تعالوا نبص بصة فنية شوية على الإمتحان تحس إن الإمتحان مش طبيعى بمعنى :
مفيش كيف تميز ؟
مفيش تحويلات ؟
مفيش مسائل سابع و لا سادس محترمة ؟
مفيش صيغ بنائية ؟

تقريبا كان نفسة يتفزلك بوظ الدنيا

المهم أطال جميع الطلبة عدم التوتر و الإطمئنان بأمر اللة تعالى و يكون نموذج الإجابة فى مصلحة جميييييييييييييييييع الطلاب

مع خالص تحياتى أ/ مصطفى عرفات مدرس الكيمياء بالمحلة الكبرى 01228241572

[ehabsanad]

اتفق مع حضرتك والله يا استاذ لان بتاع السوبر اكسيد غلط زفى الكتاب كاتبين عند الحتة دى الصيغة X2oيعنى لازم على الاقل 2مول فهو سؤال غلط لكن انا قلت غباء بغباء فطلعتها على انه كدة وطلعت واحد بس غلط اصلا وعملتها كانها سوبر وطلعت واحد مول بس هو غباء جدا والله يعنى فى الفيزيا والكيميا عاملين كده بيجيبوا اسئلة غير شائعة ويلغوا الاسئلة المالوفة

[ehabsanad]

وبالنسبة للسؤال السادس فانا عملتها كده بس قولت كمان مادام جايب و.ض.د يبقى هو عايز الحجم فقلت يقل الحجم ويصبح يساوى 3فى 22.4

[محمد عب الصمد]

يا اساتذتي الكرام
لازم ندقق النظر في كتاب المدرسة بمعني مين قال ان لازم يكون اكسيد مثالي
نص الجملة في كتاب المدرسة
ص 86 السطر الرابع
و يمكن تحضير اكاسيد هذه العناصر باذابة الفلز في النشادر المسال ثم اضاففة كمية الاكسجين المطلوبة من الاكسجين نقطة من اول السطر
و الاكسيد المثالي لهذه العناصر x2o
ليه معتبرنهم جملة واحدة

[mr sherif moh]

صحيح الامتحان مش طبيعي والسؤال الرابع (رابعا) غلط
حضرتك في كتاب اللغات ص90 اخر الصفحة قال ان دي طريقة تحضير الاكاسيد المثالية
(normal oxides)

[محمد عبد السلام عواد]

إلى أستاذ فيكتور و إلى كل المصححين ادخل على هذا الرابط

http://www.thanwya.com/vb/showthread...47#post4615547

[مستر// فيكتور بخيت]

المشاركة الأصلية كتبت بواسطة أ/ مصطفى عرفات

الإجابات النموذجية للأسئلة المشكوك فيها



السؤال الرابع رابعا : أنا بس عاوز أعزر الطلبة طالما المدرسين بيختلفوا عليها امال الطلبة يعملوا اية :
ألا مستحييييييييييييييييييييل تكون سوبر أكسيد مع إحترامى لكل الأساتذة اللى قالوا كدة

اولا اشكرك استاذ مصطفى على تحليلك


اليوم فى التصحيح فى كنترول الاسكندرية اللى كتب الاوربتالات او السحابة الالكترونية الاتنين صح



ثانيا مش هتصدق انه كاتب فى نموذج الاجابة بالنسبة لمسئلة البةتاسيوم نصف مول

ايه رايك لا ربع ولا واحد مول عارف ليه


الحكاية كلها ان البوتاسيوم بيدى الثلاث اكاسيد فى النشادر المسال حسب الكمية المحسوبة المضافة من الاكسيجين وعليه

من كتب ربع مول او نصف مول او مول كاملا تعتبر صح لان الاكسيد المتكون يعتمد على الكمية المضافة من الاكسيجين

شكر لك


موضوع كل ما سبق غلط تمامافى السؤال الاول وراجع راس السؤال بدقة


شكر لك

[مستر// فيكتور بخيت]

المشاركة الأصلية كتبت بواسطة محمد عب الصمد

يا اساتذتي الكرام
لازم ندقق النظر في كتاب المدرسة بمعني مين قال ان لازم يكون اكسيد مثالي
نص الجملة في كتاب المدرسة
ص 86 السطر الرابع
و يمكن تحضير اكاسيد هذه العناصر باذابة الفلز في النشادر المسال ثم اضاففة كمية الاكسجين المطلوبة من الاكسجين نقطة من اول السطر
و الاكسيد المثالي لهذه العناصر x2o
ليه معتبرنهم جملة واحدة

الله ينور عليك استاذنا اول مرة اشوف حد فاهم الجملة دى صح

[مستر// فيكتور بخيت]

المشاركة الأصلية كتبت بواسطة محمد عب الصمد

الف شكر يا استاذنا
تسلم ايدك
اختلف معاك في السحابة الالكترونية لانها تفيد الاوربيتال اكثر
و ده تعريف صريح في كتاب المدرسة
و في تعريف اعداد الكم

التعريف ده بالنص هو السحابة الالكترونية فى كتاب دليل التقويم صفحة 15 فى جدول الاكمال

وعموما الاتنين صح الاوربتال او السحابة

شكرا استاذنا