عايزة أعرف بس الطريقة اللي يتجاوب بيها على الأسئلة دي

[noona_semsema]

عايزة أعرف بس الطريقة اللي يتجاوب بيها على الأسئلة دي:
1-في الاثبات الرياضي لأي علاقة , هل لازم أشرح كل خطوة في الاثبات زي مالكتاب بيعمل ؟ و لازم لأتب ما يدل عليه كل رمز ؟ و لو فيه رسمة أرسمها ؟
2-لما يقوللي تتبع مسار شعاع بالرسم في الشكل المقابل , هل لازم أثبت اللي حارسمه بالخطوات , ولا كفاية أرسمه بس؟
3-هل علينا رسمة: قارئة الليزر-استخدام الليزر في دراسة البلورات-و الرسوم البيانية اللي في درس الليزر-هيليوم ؟ أرجو توضيح ايه الحاجات اللي مش عليا لأرسمها
4-لما يجيبلي بوابات منطقية متداخلة (5) ازاي أكتب جدول التحقق؟ معقولة حاقعد أجرب كل الحتمالات الممكنة , و لا في technique معين لاجابة السؤال ده؟
كمان عندي كام سؤال تعليل وقفوا معايا في التقويم:
الفصل التاسع:
1-تسمح بعض المواد بتوصيل التيار الكهربي بينما البعض الاخر عازل
2-لابد من بذل شغل لنقل الشحنات الكهربية من نقطة لأخرى
3-معامل التوصيل الكهربي يختلف من مادة لأخرى

[zaki100]

فى الاثبات الرياضى العلاقات تكتب بترتيبها الى ان تصل الى النتيجة النهائية
بالنسبة لسؤال تتبع المطلوب رسم فقط الاشعة ثم استخدام العلاقات للحصول على زاوية الخروج لو طلبها
الرسوم الموجودة فى كتاب المدرسة هى اللى مطلوبة فقط بدون اضافة
اما سؤال البوابات لازم تتدربى عليها اولا

[zaki100]

التعليل
1- المواد الموصلة هى التى لها توصيلية كهربية عالية والعكس

2- وذلك للتغلب على مقاومة الموصل
3- وذلك لاختلاف التركيب الجزيئى لجزيئات المادة و قوى التجاذب والمسافات البينية
واللة الموفق

[زكريا عزالدين]

بالنسية للبوابات عدد الاحتمالات يساوى اثنين اس عدد المداخل ودة بيمثل عدد الصفوف الافقية في جدول التحقيق وابالنسبة للعود اللاول بيكون ترتيبة (01010101) ,والثاني (00110011) والثالث (00001111) وترتيىب الارقام من الشمال لليمن ودة مثال لاحتمالات اي دائرة لها ثلاث مداخل اي ان كان نوعها اما الخرج علي حسب نوع الدوائر