الثانوية العامة سنة واحدة ......!

[harker]

السلام عليكم ورحمة الله وبركاته

اولا انا سعيد جدا انى معاكم النهارده وبناقشكم فى موضوع مهم زى دا


انا بعتقد ان القانون دا ايجابياته كتير واعتمدت فى كدا على اراء مدرسين وناس كبار الا انى ايضا لى وجهة نظري فى ايجابيته


1- هيتيح مجال اوسع لدخول الكليات فى القسم العلمي لان حكاية علوم ورياضة راحت خلاص يعني لو مجبتش مجموع صيدلة او طب تخش هندسة
2- الراحة النفسية وهتحط حماسك فى سنة واحدة وتخلص من كابوس الثانوية العامة
3- حكاية التحسين اصبحت موجودة يعنى لو مجبتش مجموع حلو بتعيد وتحسن زى الاول مش لازم تعيد الثانوية العامة من اولها
4- هتاخد انصاص المناهج فى الميكانيكا والاحياء و الفيزيا و الكيميا
5- نسبة الحضور هتزيد فى المدارس
6- الطالب هياخد سنة تأسيس كمان تساعده فى الشهادة والفرصة هتبقى اكبر فى دخول الكليات

[Mr.Optimistic]

المشاركة الأصلية كتبت بواسطة harker

السلام عليكم ورحمة الله وبركاته

اولا انا سعيد جدا انى معاكم النهارده وبناقشكم فى موضوع مهم زى دا


انا بعتقد ان القانون دا ايجابياته كتير واعتمدت فى كدا على اراء مدرسين وناس كبار الا انى ايضا لى وجهة نظري فى ايجابيته


1- هيتيح مجال اوسع لدخول الكليات فى القسم العلمي لان حكاية علوم ورياضة راحت خلاص يعني لو مجبتش مجموع صيدلة او طب تخش هندسة

بخصوص الموضوع ده انا سمعت انه تانية هتاخد انصاص المواد يعني:
- نص الكيمياء
- نص الاحياء
-هنندرس الرياضة بشكل مكثف ( وانا مش فاهم العبارة دي )
دي المواد اللي بتحدد علمي علوم او علمي رياضة .
وبعد تانية ثانوي .......... اللي عاوز يكمل علمي علوم يكمل النص التاني من الكيمياء والاحياء
واللي عاوز يكمل علمي رياضة يكمل باقي الرياضة
يعني تالته ثانوي برده بتفرق بين علمي علوم وعلمي رياضة مش زي ما حضرتك فاهم

2- الراحة النفسية وهتحط حماسك فى سنة واحدة وتخلص من كابوس الثانوية العامة
بالنسبة لموضوع الكابوس ده ..........
انا بتكلم من وجهة نظر شخصية ....... لا وجود لكابوس الثانوية العامة
احنا اللي بنهيئ لنفسنا الظروف كأنها كابوس وخوف وقلق أعصاب وتوتر
يعني مثلااااا : انت دلوقتي لسه هتدخل تالتة ثانوي ( ok )
انت بتقول ان الثانوية العامة كابوس ( تب انت جربت ؟؟)
ليه بتحط نفسك في دور المرهق نفسيا من دلوقتي واللي جربم وبيقولوا عليها كابوس يبقوا مش بيحبوا التعليم أساسا لان عمر التعليم وانك تشيل مسئولية نفسك سنتين يكونوا كابوس ........... يعني انت دلوقتي مش بتقيس مستواك بس انت بتختبر نفسك هل تقدر تتحمل المسئولية ولا لا ؟؟ واللي بيقول عليها كابوس يبقي مش يقدر يتحمل المسئوليه !!!

3- حكاية التحسين اصبحت موجودة يعنى لو مجبتش مجموع حلو بتعيد وتحسن زى الاول مش لازم تعيد الثانوية العامة من اولها
بسمع ان لسه موضوع التحسين ده مش أكيد

4- هتاخد انصاص المناهج فى الميكانيكا والاحياء و الفيزيا و الكيميا
كده المواد هتزيد وان قلت كميه ماندرسه منها
يعني كده هنشتت نفسنا بين مادة وأخري والاضطراب هيزيد
انا افضل ادرس مادة واحدة كاملة أحسن من اني أدرس الانصاص دي
5- نسبة الحضور هتزيد فى المدارس
الموضوع ده أسوء النتائج
اقولك ليه :::::
دلوقتي المدرسين كلهم ماسكين الطلبة من ودانهم زي مابيقولوا بأعمال السنة
والطالب اللي يطلع الاستاذ غلط ..... اتفرج علي اعمال السنة بتاعته
والطالب اللي مش بيروح عند المدرس اللي بيديله في المدرسة درس .... اتفرج علي أعمال السنة
وبعدين المدرسين في سنة اولي والله العظيم كانوا بيقولولنا روحوا معنتتوش تيجوا

6- الطالب هياخد سنة تأسيس كمان تساعده فى الشهادة والفرصة هتبقى اكبر فى دخول الكليات
انت مش كفاية 3 سنين اعدادي وسنة اولي ثانوي ... كمان سنة ؟؟؟؟!!!!!!!!!!!

وفي النهاية دي وجهة نظر شخصية وليست بدستور
لكن الحياة ما هي الا وجهات نظر و ده رايي

[eng.emy ahmed]

المشاركة الأصلية كتبت بواسطة noooor_noooor65

وفي النهاية دي وجهة نظر شخصية وليست بدستور
لكن الحياة ما هي الا وجهات نظر و ده رايي

حلو الرأى دا انا كدا اترعبت والحمد لله

[رباب عماد]

بسم الله الرحمن الرحيم /

ده قرار وزارى من موقع الوزاره عن نظام الدراسه فى ثانيه ثانوى

ftp://knowledge-ftp.moe.gov.eg/decisions/2012/274.rar

انسخ الرابط وحمل .

لكن هذا القرار لم يوضح اذا كانوا نويين يطبعوا كتب جديده ولا لا او يحددوا جزء معين من المنهج القديم علشان مينفعش زى ما بيقول بعض الاعضاء اننا حناخد نصف الماده علشان احنا كده بدل ما كنا بندرس ماده واحده طول السنه حندرس بمثابة مادتين علشان حيبقوا اربع انصاص كل نصين بواحد كده مادتين. شكرا